دەپارتامەنتتىڭ مالىمەتىنشە، ارنايى تەكسەرۋ 24 قاڭتار كۇنى قالاداعى "Shymkent Tulpar" جانە "نيپا" بازارىندا بولعان. سوت سانكتسياسىمەن ساۋدا ورىندارىندا ءتىنتۋ جۇرگىزىلگەن.

ء"تىنتۋ ناتيجەسىندە كوپتەگەن ءدىني ادەبيەت، ونىڭ ىشىندە سالافيلىك مازمۇنداعى ماتەريالدار، سونىمەن قاتار ەلەكتروندى اقپارات تاسىعىشتار تاركىلەنگەن. تەرگەۋ بولجامى بويىنشا، سالافيلىك اعىمىن جاقتاۋشىلار اتالعان ەكى بازار ساتۋشىلارى مەن ولارعا كەلۋشىلەر اراسىندا دەسترۋكتيۆتىك ادەبيەتتى تاراتۋمەن اينالىسقان" دەلىنگەن xابارلامادا.

تەرگەۋ قوعامدىق ورىنداردا تەرىس باعىتتاعى ءدىني ادەبيەتتەر مەن ماتەريالداردى تاراتۋ فاكتىسى بويىنشا قوزعالعان قىلمىستىق ىستەر اياسىندا جۇرگىزىلگەن.

قازاقستان بيلىگى ەلدە "دەسترۋكتيۆتى اعىم مۇشەلەرىنىڭ" كوبەيگەنىن بىرنەشە رەت حابارلاعان. 2016 جىلدىڭ جازىندا اقتوبە مەن الماتىدا بولعان قانتوگىس شابۋىلداردان كەيىن تەكسەرۋ كۇشەيگەن. بيلىك ولاردى "راديكال، ءداستۇرلى ەمەس ءدىني اعىمداردى ۇستاناتىندار" ۇيىمداستىردى دەپ مالىمدەگەن. قارۋلى شابۋىلداردان سوڭ بىرنەشە ايدان كەيىن قازاقستاندا ءدىن ىستەرى جانە ازاماتتىق قوعام مينيسترلىگى قۇرىلىپ، بيلىك جاستاردىڭ ءدىني راديكالدانۋ پروبلەماسى بارىن ايتقان.

Abai.kz