2008 جىلى ەو ەلدەرى رەپرەسسيۆتى ەلدەرگە قارۋ ەكسپورتتاۋعا تىيىم سالاتىن ورتاق ۇستانىم قابىلداعان. مۇنان بولەك يتاليادا «ادام قۇقىقتارى جونىندەگى حالىقارالىق كونۆەنتسيانى بۇزعانى ءۇشىن جاۋاپتى ۇكىمەتكە قارۋ تاسىمالداۋعا تىيىم سالىناتىن» ارنايى زاڭى بار.
بۇل ەكى قۇجاتتىڭ ادام قۇقىقتارى مەن بوستاندىقتارىنا قىسىم كورسەتەتىن تۇركىمەنستانعا تىكەلەي قاتىسى بولۋى كەرەك.
بىراق بۇعان قاراماستان ەۋرووداق ەسەبىنە سايكەس، 2007-2017 جىلدار ارالىعىندا تۇركىمەنستان ەۋروپالىق ەلدەردەن 370 ملن ەۋروعا قارۋ-جاراق ساتىپ العان. ونىڭ 76 پايىزىن (257 ملن ەۋرو) يتاليادان العان.
ەو-نىڭ كوپ ەلدەرى قارۋ ەكسپورتىن اشىق جاريالايدى. بىراق يتاليا بۇل اقپاراتتى جاسىرادى. دەگەنمەن زەرتتەۋ ناتيجەسىندە تۇركىمەنستانعا قارۋ ەكسپورتتاعانى انىقتالعان.
ARX-160 ماركالى شتۋرمدىق ۆينتوۆكاسى ەكسپورتتىڭ نەگىزگى بولىگى ەكەن. ونى 2018 جىلدىڭ قىركۇيەك ايىندا وتكەن اسكەري پاراد كەزىندە اشىق جاريالادى. 2017 جىلى 528 مىڭ ەۋروعا 300 دانا ۆينتوۆكا جەتكىزگەن.
2018 جىلى تاۋەلسىزدىك كۇنىندە وتكەن اسكەري پاراد كەزىندە يتاليادان اكەلىنگەن ەكى AW-109 جانە ەكى AW-139 تىكۇشاعى كورسەتىلدى
Abai.kz
