وزبەكستان پرەزيدەنتى ءباسپاسوز قىزمەتى حابارلاعانداي، ەل باسشىسى شاۆكات ميرزياەۆ تاشكەنتتەگى يسلام كاريموۆ ەسكەرتكىشىنە گۇل شوقتارىن قويىپ، سامارقانداعى سۇيەگى جاتقان «حازراتي حيزر» كەسەنەسىنە بارىپ، دۇعا وقىعان. شاراعا سونىمەن بىرگە ەل اقساقالدارى، جاستار، قوعام قايراتكەرلەرى قاتىسقان.

استانادا، وبلىس ورتالىقتارىندا تۇڭعىش پرەزيدەنتتى ەسكە الۋ كەشتەرى وتكەن.

ميرزياەۆتىڭ 2017 جىلدىڭ 25 قاڭتارىندا شىعارعان قاۋلىسىنا سايكەس، تۇڭعىش پرەزيدەنتتىڭ تۋعان كۇنى جىل سايىن اتاپ ءوتىلۋى ءتيىس.

30 قاڭتاردا يسلام كاريموۆ 81 جاسقا تولۋشى ەدى. وزبەكستاننىڭ تۇڭعىش پرەزيدەنتى 2016 جىلدىڭ قىركۇيەك ايىندا، 78 جاسىندا كوز جۇمدى.

Abai.kz