بەيسەنبى, 3 ءساۋىر 2025
3412 33 پىكىر 4 اقپان, 2019 ساعات 14:35

براكونەرلەر قولىنان مەرت بولعان ينسپەكتور وردەنمەن ماراپاتتالدى

قاڭتار ايىندا قاراعاندى وبلىسىندا زاڭسىز كيىك اۋلاۋشىلاردى توقتاتپاق بولعان كەزدە العان جاراقات سالدارىنان قازا تاپقان "وحوتزووپروم" مەملەكەتتىك كاسىپورنىنىڭ ينسپەكتورى ەرلان نۇرعاليەۆ ءۇشىنشى دارەجەلى "بارىس" وردەنىمەن ماراپاتتالدى.

ءدال وسىنداي وردەنمەن قاڭتارداعى وقيعا كەزىندە نۇرعاليەۆپەن بىرگە بولعان جانە جارالانعان ونىڭ ارىپتەسى پەتر نيتسىك تا ماراپاتتالدى. بۇل تۋرالى بۇگىن رەسمي باسپاسوزدە جاريالانعان قازاقستان پرەزيدەنتى نۇرسۇلتان نازارباەۆتىڭ جارلىعىندا ينسپەكتورلار "قىزمەت بورىشىن اتقارۋ كەزىندە كورسەتكەن ەرجۇرەكتىگى مەن جانقيارلىعى ءۇشىن" ماراپاتتالعانى ايتىلعان.

13 قاڭتاردا Toyota Land Cruiser كولىگىندەگى بەلگىسىز ادامدار ولاردىڭ ىزىنە تۇسكەن ينسپەكتورلار پەتر نيتسىك پەن ەرلان نۇرعاليەۆكە قارسىلىق تانىتىپ، شابۋىلداعان. اۋىلشارۋاشىلىعى مينيسترلىگىنىڭ اقپاراتى بويىنشا، كولىكتەن تۇسكەن "شىمىر دەنەلى قارۋلى" ادامدار ينسپەكتورلاردى سوققىعا جىعىپ، ءىز جاسىرعان. اۋىر جارالانعان ەكى ينسپەكتوردى كەيىن وزگە ارىپتەستەرى تاۋىپ العان. ەرلان نۇرعاليەۆتى 14 قاڭتاردا تۋىستارى استاناداعى №1 قالالىق ەمحاناعا جەتكىزگەن. ءبىر تاۋلىكتەن ارتىق ەس-ءتۇسسىز جاتقان نۇرعاليەۆ 15 قاڭتاردا قايتىس بولعان.

21 قاڭتاردا ىشكى ىستەر مينيسترلىگى قورىقشى ولىمىنە قاتىسى بار دەگەن كۇدىككە ىلىنگەن ءۇش ادامنىڭ قىزىلوردادا ۇستالعانىن حابارلاعان.

Abai.kz

33 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 954
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 3298
46 - ءسوز

بىزگە بەيمالىم باراق حان

جامبىل ارتىقباەۆ 2291