ەلباسىنىڭ "ۇلى دالانىڭ جەتى قىرى" ماقالاسى مەن "رۋحاني جاڭعىرۋ باعدارلاماسى اياسىندا ەلىمىزدەگى 6-10 سىنىپ وقۋشىلارى اراسىندا «تۇلپار ءمىنىپ، تۋ العان!» اتتى بايقاۋى وتەدى، - دەپ حابارلايدى اباي-اقپارات. بايقاۋ «قوبىلاندى باتىر»، «الپامىس»، «ەر تارعىن» سەكىلدى قازاق جىرلارىمەن جاسوسپىرىمدەردى تاربيلەۋدى وزدەرىنە باستى ماقسات ەتىپ قويىپ وتىر. ۇيىمداستىرۋشىلار قازاق حالقىنىڭ اۋىز ادەبيەتىندەگى باي مۇرامەن سۋسىنداپ وسكەن جاس ەلىنىڭ پاتريوتى بولارىنا سەنىمدى.

«تۇلپار ءمىنىپ، تۋ العان!» اتتى بايقاۋى قر اقپارات جانە كوممۋنيكاتسيالار مينيسترلىگى مەن «Qazaq Epos» قوعامدىق قورىنىڭ باستاماسىمەن جۇزەگە اسپاق. سونىمەن بايقاۋ شارتتارىنا كەزەك بەرسەك. بايقاۋعا قاتىسۋعا 6-10-سىنىپ وقۋشىلارى ءوتىنىش بەرە الادى. بۇل جولى بايقاۋ قاتىسۋشىسى «قوبىلاندى باتىر» جىرىنىڭ ماراباي جىراۋ نۇسقاسىن تولىق جاتقا ايتۋعا مىندەتتى.

قوبىلاندى باتىر جىرىنىڭ بىرنەشە نۇسقاسى بار. سول نۇسقالاردىڭ ىشىندەگى ماراباي جىراۋ نۇسقاسى كوركەمدىك تۇرعىدان العاندا ەڭ كەمەل جىر سانالادى. ادەبيەتشى ءھام سىنشى قاۋىم وسى نۇسقاعا كوپ توقتالاتىندىقتان دا ۇيىمداستىرۋشىلار قوبىلاندى باتىر جىرىنىڭ وسى ۇلگىسىن وقۋشىلارعا ناسيحاتتاۋدى ءجون ساناعان.

جوبا جالپى ءۇش كەزەڭدىك بايقاۋدان تۇرادى. ءبىرىنشى، اۋداندىق كەزەڭ. اۋداندىق سايىستان جەڭىسكە جەتكەن وقۋشىلار وبلىستىق بايقاۋعا جولداما الادى. وبلىستىق الاماندا توپ جارعان جەڭىمپازدار رەسپۋبليكالىق ىرىكتەۋگە جىبەرىلەدى. بايقاۋدىڭ ەرەكشەلىگى سول، اۋداندىق كەزەڭدە 1-ءشى ورىن العان قاتىسۋشى 150 000 تەڭگە، 2-ءشى ورىن العان قاتىسۋشى - 100 000 تەڭگە، 3-ءشى ورىن العان قاتىسۋشى 50 000 تەڭگە اقشانى سىيلىققا الادى. وبلىستىق كەزەڭدە جۇزدەن جۇيرىك شىعىپ، 1-ورىن العان قاتىسۋشى 1 000 000 تەڭگە، 2-ورىن العان قاتىسۋشى - 600 000 تەڭگە، 3-ورىن العان قاتىسۋشى 300 000 تەڭگەنىڭ يەسى اتانادى. جاس بالالاردى قوماقتى قارجىلاي سىيلىقپەن ماراپاتتايتىڭ بايگەنىڭ رەسپۋبليكالىق كەزەڭىنىڭ قارجىسى ءالى انىقتالعان جوق. ۇيىمداستىرۋشىلار اقتىق كەزەڭنىڭ اقشاسى دا از بولمايتىنىن ايتادى.

ۇيىمداستىرۋشىلاردىڭ جوسپارلاۋى بويىنشا، «تۇلپار ءمىنىپ، تۋ العان!» بايقاۋىنا رەسپۋبليكامىزداعى بەس مىڭ مەكتەپتەن ەلۋ مىڭ وقۋشى قاتىسۋعا ءتيىس. بايگەگە ءار مەكتەپتەن 10 وقۋشى قاتىسا الادى (6-سىنىپتان 2 وقۋشى، 7-سىنىپتان 2 وقۋشى، 8-سىنىپتان 2 وقۋشى، 9-سىنىپتان 2 وقۋشى جانە 10-سىنىپتان 2 وقۋشى). ارينە، وبلىستىق كەزەڭنىڭ جەڭىمپازىنا ميلليون تەڭگە اقشالاي سىيلىق بەرەتىن بايگەگە كەز-كەلگەن بالا ىنتالانارى انىق.

وسى ارقىلى جوبا ۇيىمداستىرۋشىلارى 50 000 مەكتەپ وقۋشىسىنا 107 بەتتىك جىردى جاتتاتىپ، جاستار وتە كوپ جاتتاعان جىر رەتىندە "قوبىلاندى باتىر" جىرىن گيننەس رەكوردتار كىتابىنا ەنگىزۋدى جوسپارلاپ وتىر.

داۋرەن اباەۆ، قر اقپارات جانە كوممۋنيكاتسيالار ءمينيسترى: 

- بۇل جوبا مەملەكەت باسشىسى نۇرسۇلتان نازارباەۆتىڭ "ۇلى دالانىڭ جەتى قىرى" ماقالاسى مەن بيىلعى جاستار جىلىنا ورايلاستىرىلىپ قولعا الىنىپ وتىر. بايقاۋدىڭ قاتىسۋشىلارى "قوبىلاندى باتىر" جىرىن جاتقا ايتۋى كەرەك. وسى ارقىلى تۋىندىداعى كونە سوزدەردىڭ ماعىناسىن اشىپ، ۇيىمداستىرۋشىلار دايارلاعان سۇراقتارعا جاۋاپ بەرەدى. الدىن الا مەرزىمدى باسىلىمداردا جاريالانعان تاقىرىپتار بويىنشا ەسسە ەسسە جازادى. "قوبىلاندى باتىر" جىرىن جاتقا ايتۋ، مانەرلەپ وقۋ، ەپوستاعى ءار ءسوزدىڭ ماعىناسى مەن مازمۇنىن ءتۇسىنۋ - باستى تالاپتاردىڭ ءبىرى. ەلباسىمىزدىڭ "بولاشاققا باعدار: رۋxاني جاڭعىرۋ" باعدارلاماسىندا ۇلتتىق كودتى قالىپتاستارۋ جايى ايتىلادى. ياعني، ۇلتتىق كودتى قالىپتاستىرۋ ءۇشىن دە بۇل جوبانىڭ ىقپالى زور بولادى دەپ ويلايمىن.

ۇيىمداستىرۋشىلاردىڭ جوسپارىنا قاراعاندا، اۋداندىق ىرىكتەۋلەر ءساۋىر ايىندا باستالادى. وعان دەيىن مەكتەپ وقۋشىلارى ەپوستى جاتتاپ، دايىندالۋعا مۇمكىندىكتەرى بار ەكەنىن حابارلايمىز!

ق.اقانۇلى

Abai.kz