بيىلعى جىلدىڭ باسىندا ساحالاردىڭ باس قالاسى ياكۋتسكىدەگى ماڭداي الدى ۇلتتىق مەكتەپ «ايىى كىhاتا» باسشىلىعى ورىس ءتىلدى وقۋشىلاردى قابىلداۋدان باس تارتتى (https://eadaily.com/ru/news/2019/02/01/v-yakutske-rukovodstvo-shkoly-otkazalos-prinimat-russkoyazychnyh detey?). كيكىلجىڭنىڭ باستى سەبەبى قالاداعى ءبىر ءبىلىم وشاعىنىڭ جابىلۋىنان باستاۋ الدى. بىراق ورىس ءتىلدى بالالاردى ساحا ءتىلدى بالالارمەن بىرگە وقىتۋدان ديرەكتور ات-تونىن الا قاشىپ، "بۇل ءۇردىس ءبىزدىڭ بولاشاعىمىزعا بالتا شابادى" دەپ اشىق مالىمدەدى. باسشىنى اتا-انالار كوميتەتى قولدادى.

ءبىر ويدى ءبىر قوزعايدى دەگەندەي، بەلگىلى بوكسشى بولات مانكەنوۆتىڭ اكەسى توقتار اقساقال باستاۋىش سىنىپتى شقو جارما اۋدانداعى ارشالى اۋىلىنداعى ۋكراين تىلىندە مەكتەپتەن بىتىرگەنىن ەشكىم بىلە بەرمەيدى. بۇنى مىسالعا كەلتىرىپ وتىرعانىمىز، ۇلتى ءۇشىن جانىن بەرەتىن ءبىر اعامىز تۇركىمەنستان مىسالىن العا تارتىپ، ورىستاردان باسقا ۇلتتى بالالارىن تەك تۇركىمەن  مەكتەبىنە بەرۋگە ماجبۇرلەگەنىن ءسوز ەتكەن بولاتىن. اتتەڭ ءبىز بۇلاي ەتە المايمىز. تەك ءبىر كەزدەرى ۋكراين ءتىلدى مەكتەپ بولعانىن العا تارتىپ، اسسامبلەيا شىنىمەن ەلىمىزدەگى دياسپورالار باعىنا قىزمەت ەتسىن دەسەك سلاۆيانداردى ورىس، بەلورۋس جانە ۋكراين ءتىلدى مەكتەپتەرگە ءبولۋدىڭ جولىن  ويلاستىرعانىمىز ءجون. ءارى قازاق بالالارىن ورىس مەكتەپتەرىنە بەرۋگە توسقاۋىل قويىپ تاستاۋ قاجەت دەگەنى بارتىن.

وسىندايدا رەسەي بودانىنداعى ساحالار قۇرلى بولا الماي، ارالاس مەكتەپتەردىڭ كەسىرىنەن شىعىس پەن سولتۇستىك ايماقتاردا بىرتە-بىرتە ورىستانىپ بارامىز دەپ بارماق شاينايدى ەكەنسىڭ؟

ءابىل-سەرىك الياكپار

Abai.kz