قر مادەنيەت جانە سپورت مينيسترلىگىندە جاستار جىلى اياسىندا جاس تالانتاردى قولداۋ باعدارلاماسى بويىنشا حالىقارالىق كونكۋرستارعا قاتىسىپ قايتقان جانە شىعارماشىلىق جەكە كونتسەرتتەرىن وتكىزگەن انشىلەردىڭ قاتىسۋىمەن پرەسس-كونفەرەنتسيا ءوتتى.

پرەسس-كونفەرەنتسياعا قازاقستان رەسپۋبليكاسى مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپارتامەنتىنىڭ ديرەكتورى ءابىل جولامانوۆ، قازاقستان رەسپۋبليكاسىنىڭ «قۇرمەت» وردەنىنىڭ يەگەرى ءمولدىر اۋەلبەكوۆا، ءانشى نۇربولات ابدۋللين، جىگىتتەر كۆارتەتىنىڭ ءسوليستى ەردوس قاناەۆ، ءانشى، قازاقستان رەسپۋبليكاسىنىڭ «دارىن» مەملەكەتتىك جاستار سىيلىعىنىڭ لاۋرەاتى ءالي وقاپوۆ، قازاقستاننىڭ ەڭبەك سىڭىرگەن قايراتكەرى الىشەر كارىموۆ، استانا قالالىق «جاستار» تەاترىنىڭ ديرەكتورى ەرنار جۇماتاەۆ، قازاقستان رەسپۋبليكاسىنىڭ «دارىن» مەملەكەتتىك جاستار سىيلىعىنىڭ لاۋرەاتى باقتيار الدامجان قاتىستى.

«مەملەكەت شىعارماشىل جاستاردى قولداۋعا ۇلكەن ءمان بەرەدى. وعان مينيسترلىكتىڭ ءداستۇرلى نەگىزدە وتكىزىلىپ جاتقان ءتۇرلى باعىتتار مەن جانرلاردى قامتيتىن حالىقارالىق جانە رەسپۋبليكالىق كونكۋرستار مەن فەستيۆالدەرى دالەل. ماسەلەن، قۇرمانعازى اتىنداعى رەسپۋبليكالىق حالىق اسپاپتارىندا ورىنداۋشىلار كونكۋرسى، امىرە قاشاۋباەۆ اتىنداعى ءداستۇرلى ورىنداۋشىلار كونكۋرسى، جاڭا ونەر تۋىندىلارىنا ارنالعان «تاۋەلسىزدىك تولعاۋى» جانە «ەلىم مەنىڭ» اتتى پاتريوتتىق نەگىزدەگى رەسپۋبليكالىق كونكۋرسى، ۆوكاليستەر، سكريپكاشىلار، پيانيستەر، بالەت ارتيستەرىنىڭ حالىقارالىق كونكۋرستارى، ءشامشى قالداياقوۆ اندەرىنىڭ فەستيۆالىن اتاپ وتۋگە بولادى. اتالعان كونكۋرستارعا ەلىمىزدىڭ تۇكپىر-تۇكپىرىنەن كەلگەن دارىندى جاس ورىنداۋشىلار قاتىسادى. سونىمەن قاتار، مينيسترلىك تاراپىنان دارىندى جاستار جاقىن جانە الىس شەتەلدەردە وتكىزىلەتىن حالىقارالىق كونكۋرستارعا تۇراقتى جىبەرىلىپ تۇرادى. سونداي-اق، اسا دارىندى شىعارماشىل جاستاردى مەملەكەتتىك قولداۋ ماقساتىندا جىل سايىن ەلباسىنىڭ جارلىعىمەن مادەنيەت سالاسىنداعى مەملەكەتتىك ستيپەنديا بەرىلىپ تۇرادى. اتاپ ايتساق، تالانتتى ديريجەرلار الان بورىباەۆ، قانات وماروۆ، بالەت سوليستەرى ايگەرىم بەكەتاەۆا، مادينا باسپاەۆا، جانەل توكەەۆا، مۋكارام ابۋباحريەۆا، ءداستۇرلى انشىلەر ەرلان رىسقالي، ايگۇل قوسانوۆا، تانىمال تەاتر جانە كينو ارتىستەرى ءاليا تەلەباريسوۆا، ايدا جانتىلەۋوۆا، بەرىك ايتجانوۆ، ءادىل احمەتوۆ، سانجار ماديەۆ، سامال ەسلياموۆا، ايان وتەپبەرگەن، ەركەبۇلان دايىروۆ، سۋرەتشى انار ءابجانوۆالار مەملەكەتتىك ستيپەنديا يەلەنگەن بولاتىن. سونىمەن قاتار، جىل سايىن قر مادەنيەت جانە سپورت مينيسترلىگىنىڭ قولداۋىمەن قازاقستاننىڭ تالانتتى جاستارى شەت ەلدەردە وتكىزىلەتىن حالىقارالىق بايقاۋلارعا قاتىسىپ، ءبىزدىڭ ەلىمىزدىڭ مادەنيەت پەن ونەر سالاسىندا جەتكەن جەتىستىكتەرىن شەت ەلدەردە پاش ەتۋدە»، - دەدى قازاقستان رەسپۋبليكاسى مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپارتامەنتىنىڭ ديرەكتورى ءابىل جولامانوۆ.

«قازاقكونتسەرت» مەملەكەتتىك كونتسەرتتىك ۇيىمىنىڭ ەسترادا ءبولىمىنىڭ جەتەكشىسى ءمولدىر اۋەلبەكوۆا وسى ۋاقىتقا دەيىن دە قازاقستان رەسپۋبليكاسى مادەنيەت جانە سپورت مينيسترلىگىنىڭ قولداۋىمەن قازاقستاندىق جاس دارىندار الەمدىك دارەجەگە شىعا الاتىنداي قولداۋعا يە بولعانىن، الداعى ۋاقىتتا دا تالانتتار ەسكەرۋسىز قالمايتىنا سەنىمدى ەكەنىن جەتكىزدى. «2019 جىل جاستار جىلى بولىپ جاريالانىپ، قاتتى قۋانىپ جاتىرمىز. بۇل جىل جاستار ءۇشىن جەمىستى ءارى جەڭىستى جىل بولادى دەپ سەنەمىن. ەندى «قازاقكونتسەرت» بىرلەستىگىنىڭ وتكەن جىلعى اتقارعان جۇمىستارىنا توقتالسام، ۇلكەندى-كىشىلى 139 جوبانى جۇزەگە اسىردىق. ونىڭ ىشىندە 2 حالىقارالىق جوبا بار. اتاپ ايتقاندا، ەكىنشى حالىقارالىق «استانا» تەاتر فەستيۆالى ءوتتى. ەكىنشى جوبامىز الەمدە ايگىلى Notre Dame de Paris ميۋزيكلى العاش رەت قازاق تىلىندە قويىلدى. بۇل ميۋزيكلدى الداعى ۋاقىتتا ازيا ەلدەرىنە شىعارۋ جوسپاردا بار. سونىمەن قاتار، ەرەكشە اتاپ وتكىم كەلەتىن جايت، قازاقستاندىق تالانتتار الەمدىك دارەجەگە جەتىپ، ەلىمىزدىڭ ابىرويىن اسقاقتاتىپ ءجۇر»، - دەدى ءانشى، «قۇرمەت» وردەنىنىڭ يەگەرى ءمولدىر اۋەلبەكوۆا.

ال ءانشى، قازاقستاننىڭ ەڭبەك سىڭىرگەن قايراتكەرى الىشەر كاريموۆتە جاستار جىلى جاستارعا ۇلكەن مۇمكىنشىلىكتەر بەرەتىندىگىن باسا ايتىپ، بىلتىرعى شىعارماشىلىق جەتىستىكتەرى جايىندا ءسوز قوزعادى. بيىل ونەر جولىندا جۇرگەنىنە 15 جىل تولاتىندىعىن، الداعى ۋاقىتتا ەلىمىزدىڭ تۇپىكىر-تۇپكىرىندە كونتسەرت بەرۋ ويىندا بار ەكەندىگىن اتاپ ءوتتى.

«ەلباسىمىزدىڭ باستاماسىمەن 2019 جىلدىڭ جاستار جىلى دەپ جاريالانۋى جاستارعا بەرىلگەن ۇلكەن قولداۋ دەپ ويلايمىز. «جىگىتتەر» كۆارتەتى ساحنادا جۇرگەنىنە 15 جىل تولۋىنا وراي ەسەپ بەرۋ كونتسەرتىن وتكەن جىلى الماتىداعى «الماتى ارەنا» ستاديونىندا وتكىزدى. جەلتوقسان ايىندا استانا قالاسىندا مەرەيتويىمىزدى اتاپ وتتىك. حالىقتىڭ كوڭىلىنەن شىعاتىن كەش وتكىزدىك دەپ ويلايمىز. تاياۋ ارادا 15 جىلدىق مەرەيتويعا ارنالعان باعدارلامامىزبەن الىس-جاقىن ەلدەردە ونەر كورسەتۋ جوسپارىمىزدا بار»، - دەدى ءوز كەزەگىندە «جىگىتتەر» كۆارتەتىنىڭ ءانشىسى ەلدوس قاناەۆ.

ال «استانا وپەرا» تەاترىنىڭ ءسوليسى، باقتيار ادامجان بيىلعى جىل جاستارعا زور جاۋاپكەرشىلىك تە جۇكتەيتىندىگىن باسا ايتتى. مەملەكەتتىك جاستار ساياساتىنىڭ ارقاسىندا جاستاردىڭ ۇلكەن جەتىستىكتەرگە جەتىپ جاتقانىدىعىنا دا نازار اۋدارتتى. «ماسەلەن، ءوزىم 2013 جىلى استاناعا كەلگەننەن بەرى ءومىرىم كۇرت وزگەردى. بۇل جاستارعا بەرىلگەن مۇمكىنشىلىكتىڭ، دۇرىس كوزقاراستىڭ ارقاسى دەپ ويلايمىن»، دەدى قازاقستان رەسپۋبليكاسىنىڭ «دارىن» مەملەكەتتىك جاستار سىيلىعىنىڭ لاۋرەاتى. ءانشى ءالي وقاپوۆ تا وتكەن جىلعى شىعارماشىلىق جەتىستىكتەرىنە توقتالدى. «وتكەن جىلى ءبىر ارمانىم ورىندالىپ، جەكە كەشىم ءوتتى. ەلىمىزدەگى ەڭ ۇزدىك كونتسەرت زالىندا، ۇزدىك مامانداردىڭ قولداۋىمەن كەرەمەت كەش ءوتتى دەپ ەسەپتەيمىن. بيىلعى جىلعى جوسپارلارىم دا ورىندالادى دەپ سەنەمىن. جاستار جىلىنا وراي كونتسەرت بەرۋگە دايىنبىز»،- دەدى قازاقستان رەسپۋبليكاسىنىڭ «دارىن» مەملەكەتتىك جاستار سىيلىعىنىڭ لاۋرەاتى ءالي وقاپوۆ.

«ەلباسىمىزدىڭ سارابدال ساياساتىنىڭ ارقاسىندا، رۋحاني جاڭعىرۋ باعدارلاماسى اياسىندا قولعا الىنعان كوپتەگەن جاقسى ىستەر اتقارىلۋدا. كەشە عانا ەلباسىمىز 2019 جىلدى جاستار جىلى دەپ بەكىتىپ بەردى. مۇنىڭ ءوزى جاستارعا كوپتەگەن مۇمكىندىكتەر بەرىپ وتىر. ءاربىر ماماندىق يەسى ءوز تاراپىنان ەلىمىزدىڭ دامۋىنا وزىنشە كومەگىن بەرۋ كەرەك. مەن ءوزىمىزدىڭ تەاتردىڭ جەتىستىگىن ايتار بولسام، تەاترىمىز اشىلعانىنا 12 جىل بولسا، سول ارالىقتا 11دەن اسا حالىقارالىق بايقاۋدان جەڭىمپاز بولدىق. مىنە، وسىنداي ۇلكەن جوبالارعا قاتىسۋىمىزدىڭ ءوزى مينيسترلىكتىڭ قولداۋىمەن بولىپ جاتقانىن ەرەكشە اتاپ وتكىم كەلەدى»، - دەدى استانا قالالىق «جاستار» تەاترىنىڭ ديرەكتورى ەرنار جۇماتاەۆ.

Abai.kz