«الەمدەگى ازاتتىق – 2019. دەموكراتيا شەگىنىس جاساپ جاتىر» دەپ اتالاتىن Freedom House بايانداماسىندا بىلتىرعى وقيعالارعا كوڭىلسىز باعا بەرىلىپ، الەمنىڭ 68 ەلىندە ازاماتتاردىڭ ساياسي قۇقىقتارى مەن ەركىندىگىنىڭ ناشارلاعانىن كورسەتكەن. قۇقىق قورعاۋشىلار 50 ەلدىڭ جاعدايى جاقسارعانىن اتاپ وتكەن.

Freedom House بايانداماسىندا رەسەي، يران، ازەربايجان جانە ورتالىق ازيا ەلدەرىن سىنعا العان. قۇقىق قورعاۋشىلار سوڭعى 13 جىلدا قاتارىنان بۇل ەلدەردە ءسوز ەركىندىگى قۇلدىراپ بارادى دەگەن.

قازاقستان بيىل دا «ەركىن ەمەس» ەلدەردىڭ قاتارىنا ەنگىزىلگەن. ورتالىق ازياداعى ءۇش مەملەكەت – تۇركىمەنستان، تاجىكستان جانە وزبەكستان ازاماتتارىنىڭ ساياسي قۇقىقتارى وتە ناشارلاپ كەتكەن مەملەكەتتەر قاتارىندا. اتالعان مەملەكەتتەر سيريا، وڭتۇستىك سۋدان، ەريترەيا، سولتۇستىك كورەيا، سۋدان، ورتالىقافريكالىق رەسپۋبليكا جانە ليۆيا سەكىلدى ەلدەرمەن بىرگە تۇر.

​بىراق سوعان قاراماستان Freedom House وزبەكستاننىڭ كەيبىر جەتىستىكتەرىن اتاپ وتكەن. شاۆكات ميرزياەۆ بيلىككە كەلگەننەن كەيىن، ەلىندەگى ساياسي تۇتقىنداردى بوساتىپ، ۇكىمەتتىك ەمەس ۇيىمدارعا شەكتەۋ الىنا باستادى دەپ اتاپ وتىلگەن.

ورتالىق ازياداعى "جارتىلاي ەركىن" ەلدەر قاتارىندا جالعىز مەملەكەت - قىرعىزستان دەپ كورسەتىلگەن.

Abai.kz