ەكاتەرينبۋرگ، ياروسلاۆل، قازان، ماحاچكالا، ورەل جانە رەسەيدىڭ باسقا دا قالالارىندا "اشىق رەسەي" ۇيىمىنىڭ بەلسەندىسى اناستاسيا شەۆچەنكونى قولداۋعا ارنالعان نارازىلىق اكتسيالارى ءوتتى. ونى زاڭسىز ۇيىمدار قۇرۋمەن اينالىستى دەپ ايىپتاپ جاتىر.

قاڭتار ايىنىڭ اياعىندا شەۆچەنكونىڭ 17 جاستاعى قىزى اۋرۋحانادا قايتىس بولدى. قىزى ءال ۇستىندە جاتقان كەزدە دە، اناسىنا قىزىن كورۋگە رۇقسات بەرمەدى.

"جانساقتاۋ بولىمىندە قازا تاپتى. ول ازاماتتىق ۇستانىمى ءۇشىن ۇيقاماقتا وتىر. بۇگىن ايەلدەردى قۋعىنداپ جاتىر. انالار بار بولعانى بالالارى ءۇشىن جارقىن بولاشاقتى قالايدى", - دەيدى "انالار قاھارى مارشىن" ۇيىمداستىرۋشىلار.

بەلسەندىلەر رەسەيدەگى بارلىق ايەلدەر مەن ساياسي تۇتقىنداردى بوساتۋدى تالاپ ەتەدى.

ماسكەۋدە وتكەن اكتسياعا جۇزدەگەن ادام قاتىستى. پەتەربۋرگتە 150 ادام شىقتى. پوليتسيا ولاردىڭ تاراۋىن تالاپ ەتتى. بىراق ولار ءۇنسىز، پلاكاتتار ۇستاپ، كوشەلەرمەن ءجۇرىپ ءوتتى. ومون قىزمەتكەرلەرى ولاردى جاپپاي ۇستاي باستادى.

ەكاتەرينبۋرگتە ءبىر ادامدى ۇستاعان.

سارانسك قالاسىندا نارازىلىق شاراسىنا ونشاقتى ادام شىققان.

Amnesty International حالىقارالىق قۇقىق قورعاۋ ۇيىمى اناستاسيا شەۆچەنكونى ار تۇتقىنى دەپ اتاپ، ونى تەز ارادا بوساتۋدى تالاپ ەتتى.

Abai.kz