بىزدە ەلگە ءسوزىن تىڭداتا الاتىن تۇلعا بار ما؟
بىزدە ەلگە ءوزىن تىڭداتا الاتىن، ءبىراۋىز سوزىنە حالىق باس يزەيتىن، ۇلكەن-كىشى تۇگەل سىيلايتىن ۇلتتىق دەڭگەيدەگى تۇلعا قالماعان سياقتى.
مۇمكىن قوعامدا ۇلتتىق دەڭگەيدە ويلانا الاتىندار بار شىعار، بولسا دا ولاردا مىنەز جوق. باتىل ەمەس. اربانى سىندىرماي، وگىزدى ولتىرمەي الىپ شىعاتىن ساياساتكەرلىگى جوق. 1-2 رەت توبە كورسەتىپ، اۋزى كۇيىپ، جۇرەگى شايلىعىپ قالعان. سول ءۇشىن قازىر بەيتاراپ. كورىنبەيدى. ءبىز تانىمايمىز.
مۇمكىن مەن تۇلعامىن دەپ جۇرگەن بىرەۋلەر بار شىعار، وتە باتىل. شەشەن. ساياساتكەر. بىراق حالىق قۇرمەتتەمەيدى. سەبەبى اقشا بەرگەننىڭ ءانىن ايتىپ، بەرمەگەندى قارالايتىن قاسيەتىن ەل ءبىلىپ قويعان. ءوزى كورسەتىپ العان. سول ءۇشىن دە ولاردى ەل تۇلعالىققا جاراتپايدى.
ءبىز وسى تۇلعاسى بار قوعام بولۋعا لايىق بولماي قالدىق پا ەكەن؟! اڭديتىنىمىز داۋ، ايتاتىنىمىز وسەك. تالقىلايتىنىمىز ونبەس ءىس. تىلەۋلەستىك ازايىپ، كورەالماۋشىلىعىمىز باسىم. بولام دەگەننىڭ بەلىن بۋماي، بەتىن قاعامىز. وسسە كۇندەيمىز، ارتتا قالسا تابالايمىز. ويلاسام جۇرەك اۋرادى. قۇداي ساقتاسىن. بۇل ءبىر وتپەلى كەزەڭ بولىپ، الدىمىز جاقسىلىق بولسىن!
بەرىك سۇلتاننىڭ facebook پاراقشاسىنان
Abai.kz
