باۋىرجان بايبەك الماتىدا بىرقاتار نەگىزسىز شىعىنداردان ارىلۋدى ۇسىندى. قالا اكىمى ءوزىنىڭ سوزىندە الماتى اكىمدىگى «نۇر وتان» پارتياسى فراكتسياسىنىڭ مۇشەلەرىمەن بىرگە الەۋمەتتىك ءمانى بار شەشىمدەردى قابىلدار كەزدە بيۋدجەت شىعىنىن تۇراقتى تەكسەرىپ، وڭتايلاندىرۋ جۇرگىزىلەتىنىن ايتتى.

«ۋنيۆەرسيادانى ەسكە الايىقشى، وڭتايلاندىرۋ ارقاسىندا وپەراتسيالىق شىعىنداردىڭ وزىنەن عانا 18 ملرد. تەڭگەنى ۇنەمدەدىك. وتكەن جىلى قالانىڭ كوشەلەرىن، ساياباقتارى مەن سكۆەرلەرىن رەكونسترۋكتسيالاعاندا قارجىنىڭ 40 پايىزىن ۇنەمدەدىك. وتكەن اپتادا قالانى دامىتۋ جونىندەگى جوبالاردى قاراعان كەزدە ەسەنتاي وزەنىنىڭ جاعالاۋىن رەكونسترۋكتسيالاۋ جوباسى وڭتايلاندىرىلدى. بۇل جوبانى الدىمەن حالىقپەن بىرگە تالقىلاپ، تولىقتىرىپ، سودان كەيىن عانا جۇزەگە اسىرۋ قاجەت. ءبىز قازىردىڭ وزىندە 3,5 ملرد. تەڭگەنى ۇنەمدەدىك. جالپى، بىرقاتار نەگىزسىز شىعىنداردان ارىلعان ءجون. مىسالى، جەڭىلاتلەتيكا مانەجىنىڭ قۇرىلىسى. ونى تاعى ءبىر رەت مۇقيات قاراپ شىقساق، ەداۋىر ۇنەمگە قول جەتكىزەمىز دەپ ويلايمىن»، - دەپ اتاپ ءوتتى الماتى اكىمى.

ۇنەمدەلگەن قارجىلار بۇرىنعىداي قالا تۇرعىندارىنىڭ وتىنىشتەرى نەگىزىندە الەۋمەتتىك ماقساتتارعا جۇمسالادى. ولار - جاڭا جۇمىس ورىندارىن قۇرۋ، الەۋمەتتىك جاعىنان از قامتىلعاندارعا، ونىڭ ىشىندە كوپ بالالى انالارعا جانە باسقالارعا كومەك كورسەتۋ سپەكترىن ۇلعايتۋ.

«بۇگىنگى كۇنى الماتى بيۋدجەتى الەۋمەتتىك باعىتقا نەگىزدەلگەن، حالىقتى الەۋمەتتىك جاعىنان قامتۋعا بولىنەتىن قارجى جىل سايىن وسۋدە. بيۋدجەتتىڭ 50%-ى نەمەسە 200 ملرد. تەڭگەدەن استام قارجى دەنساۋلىق ساقتاۋعا، ءبىلىم بەرۋگە، الەۋمەتتىك جاعدايى تومەن جانداردى قولداۋعا، كوممۋنالدىق شىعىنداردى سۋبسيديالاۋعا، ءتۇرلى جاردەم تولەمدەرىنە جانە باسقالارعا جۇمسالادى. پارتيانىڭ قالالىق فيليالى، «نۇر وتان» فراكتسياسى ءماسليحاتتا ءتۇرلى الەۋمەتتىك ماسەلەلەردى كوتەرەدى. بارلىق ۇسىنىستار جەرگىلىكتى اتقارۋشى ورگانداردا وڭ شەشىمىن تاۋىپ، قالادا ويداعىداي جۇزەگە اسۋدا. مىسالى، پارتيا فراكتسياسى ۇسىنىسىنىڭ ارقاسىندا 2016 جىلدان باستاپ بالا باقشا تولەمى 27 دەن 15 مىڭعا تومەندەدى. وسى ماقساتقا بيۋدجەتتەن جىل سايىن 3 ملرد. تەڭگەدەن استام قارجى ءبولىنىپ، 60 مىڭ وتباسىنى قامتيدى»، - دەپ اتاپ ءوتتى باۋىرجان بايبەك.

قالادا سوڭعى 4 جىل ىشىندە مەملەكەتتىك تاپسىرىس ەسەبىنەن جەكە باقشالاردا ورىن سانى 3 ەسە ارتىپ، 4,7 دەن 15,5 مىڭعا ءوستى. جالپى، بالا باقشالاردىڭ ورىندارىن سۋبسيديالاۋعا جىل سايىن 18 ملرد. تەڭگەدەن استام قارجى بولىنەدى. بۇل تسيفر 3 جىل ىشىندە 2 ەسە ءوستى. بۇلاردان وزگە، كوپبالالى وتباسىلاردىڭ 11 سىنىپقا دەيىنگى بالالارى تەگىن تاماقتانادى جانە مەكتەپ فورماسىمەن قامتاماسىز ەتىلەدى. مۇنداي قاجەتتىلىكتەرگە جىل سايىن قالا 800 ملن. تەڭگەدەن استام قارجى بولۋدە. تۇرمىسى تومەن وتباسىلاردىڭ 4 مىڭنان استام بالالارىنىڭ تەگىن دەمالىسى ءۇشىن جىل سايىن بيۋدجەتتەن 230 ملن. تەڭگە قاراستىرىلعان.

ايتا كەتەرلىگى، سوڭعى 4 جىل ىشىندە پارتيا ۇسىنىسى بويىنشا كوپبالالى وتباسىلاردىڭ مۇشەلەرى، مەكتەپ، كوللەدج وقۋشىلارى جوو ستۋدەنتتەرى مەن زەينەتكەرلەر جولاقىنىڭ جەڭىلدەتىلگەن 50 پايىزىن عانا تولەيدى، بۇعان جىل سايىن 5 ملرد تەڭگەدەن استام قارجى جۇمسالادى. جەڭىلدىكپەن 350 مىڭنان استام ادام قامتىلعان.

پارتيا باستاماسى بويىنشا ءتۇرلى وتەماقىلار بەرىلەدى. مىسالى، 2,3 مىڭ وتباسىنىڭ، ونىڭ ىشىندە كوپبالالى انالاردىڭ كوممۋنالدىق شىعىندارى ءوندىرىلدى. وسى كاتەگورياداعىلاردىڭ ۇيلەرىنە ەسەپتەگىش كوممۋنالدىق قوندىرعىلاردى ورناتۋ شىعىنى وتەلۋدە. بۇگىنگى كۇنى 1000-نان استام وتباسىعا 50 ملن. تەڭگەدەن استام قارجىلاي كومەك كورسەتىلدى.

الماتى اكىمدىگىنىڭ قوعاممەن بايلانىس قىزمەتى

Abai.kz