2017 جىلى جەلتوقساندا ترامپتىڭ باستاماسى بويىنشا سالىق رەفورماسى جۇرگىزىلگەننەن كەيىن مەملەكەتتىك قارىز كولەمى تەز ۇلعايا باستاعان. سونىڭ سالدارىنان فەدەرالدىق بيۋدجەت ءبىر جارىم تريلليون دوللاردان قاعىلعان. قارىزدىڭ كوبەيۋىنە اسكەري ماقساتقا جانە ىشكى قاجەتتىلىكتەرگە جۇمسالاتىن شىعىندى كوبەيتۋ تۋرالى زاڭدار دا اسەر ەتكەن.
كونگرەستىڭ بيۋدجەت باسقارماسى 2019 جىلى بيۋدجەت تاپشىلىعى 897 ميلليارد دوللاردى قۇرايدى دەگەن بولجام جاساعان. بۇل وتكەن جىلعىدان 15 پايىزعا كوپ. بولجام بويىنشا، بيۋدجەت تاپشىلىعىنىڭ كولەمى جىل سايىن ۇلعايىپ، 2022 جىلعا قاراي ءبىر تريلليون دوللارعا جەتپەك. بيۋدجەت تاپشىلىعىنىڭ ۇلعايۋىنا الەۋمەتتىك جاردەماقىلار مەن 65 جاستان اسقان ازاماتتاردى مەديتسينالىق ساقتاندىرۋ جۇيەسىنە ("مەديكەر") جۇمسالاتىن شىعىننىڭ ءوسۋى اسەر ەتىپ وتىر.
اق ءۇي جاڭا سالىق رەفورماسى ەكونوميكا سەرپىن بەرىپ، ءوزىن اقتايدى دەپ سەندىرەدى. بىراق ەكونوميستەردىڭ كوبى بۇل پىكىرمەن كەلىسپەيدى.
Abai.kz
