ءۇشىنشى مەگاپوليستە كوپبالالى انالار سانى 31 مىڭنان اسادى. بۇل تۋرالى قالا اكىمى عابيدوللا ءابدىراحىموۆ 2018 جىلعى ەسەبىندە ايتتى.

شاھار باسشىسىنىڭ مالىمەتىنشە، كوپبالالى انالار قوعامدىق كولىكتە تەگىن ءجۇرۋى ءۇشىن بيۋدجەتتەن ارنايى سۋبسيديا بولىنەدى.

«مەملەكەت باسشىسىنىڭ تاپسىرماسى اياسىندا كوپبالالى انالار 1 ناۋرىزدان باستاپ شىمكەنتتەگى قوعامدىق كولىكتە تەگىن جۇرە الادى. بۇل - انالارعا اكىمدىكتىڭ 8 ناۋرىزعا دەگەن سىيلىعى بولسىن. دەگەنمەن، نارىق تالابىن ەسكەرە وتىرىپ، كولىك كومپانيالارىنىڭ وسى باعىتتاعى شىعىندارىنا سۋبسيديا رەتىندە قارجى بولەمىز»، - دەپ اتاپ ءوتتى عابيدوللا ءابدىراحىموۆ.

Abai.kz