ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ ەۋرازيا دامۋ بانكىنىڭ (ەادب) باسقارما توراعاسى اندرەي بەليانينوۆپەن كەزدەسۋ وتكىزدى.

كەزدەسۋ بارىسىندا بانك جۇمىسىنىڭ 2018 جىلعى قورىتىندىسى جانە قىزمەتتىڭ الداعى جىلعا ارنالعان پەرسپەكتيۆالىق باعىتتارى قارالدى. سونىمەن قاتار، بانكتىڭ ءىرى ينفراقۇرىلىمدىق جوبالاردى ىسكە اسىرۋعا قاتىسۋى جونىندەگى ماسەلەلەر تالقىلاندى.

بۇدان وزگە، ەادب تەحنيكالىق كومەك كورسەتۋ قورىنىڭ جۇمىسىن جەتىلدىرۋ ماسەلەسىنە كوڭىل ءبولىندى.

ەۋرازيا دامۋ بانكى — قازاقستان مەن رەسەي پرەزيدەنتتەرىنىڭ باستاماسىمەن 2006 جىلى قۇرىلعان حالىقارالىق قارجى ۇيىمى. ارمەنيا، بەلارۋس، قىرعىزستان جانە تاجىكستان دا بانك قاتىسۋشىلارى. ەادب جاڭا قاتىسۋشىلار – مەملەكەتتەر مەن حالىقارالىق ۇيىمداردىڭ قوسىلۋىن قۇپتايدى. ەادب شتاب-پاتەرى الماتىدا ورنالاسقان. بانكتىڭ بارلىق مۇشە ەلدەردە اۋماقتىق بولىمشەلەرى بار.

بانك ميسسياسى — قاتىسۋشى مەملەكەتتەردىڭ ەكونوميكالىق وسىمىنە، ولاردىڭ اراسىنداعى ساۋدا-ەكونوميكالىق بايلانىستاردىڭ كەڭەيۋىنە جانە ەۋرازيالىق كەڭىستىكتە ينتەگراتسيالىق ۇدەرىستەردىڭ دامۋىنا جاردەمدەسۋ. بانكتىڭ ينۆەستيتسيالىق قىزمەتىنىڭ باسىم ماقساتتى سالالارى — ينفراقۇرىلىم (كولىك، كوممۋنالدىق جانە ت.ب.), ەلەكتر ەنەرگەتيكاسى، ماشينا جاساۋ، حيميا، مۇناي-گاز، مەتاللۋرگيا جانە تاۋ-كەن ءوندىرۋ ونەركاسىبى، سونداي-اق اگروونەركاسىپ كەشەنى، قارجى سەكتورى جانە اقپاراتتىق تەحنولوگيالار.

2018–2022 جىلدارعا ارنالعان ستراتەگياعا سايكەس، بانك جوبالىق-ينۆەستيتسيالىق قىزمەتپەن قاتار، اكتسيونەر مەملەكەتتەردىڭ ەكونوميكالىق بىرىگۋىن ىلگەرىلەتۋ ماقساتىندا ەسەپتىك-كليرينگىلىك وپەراتسيالاردى جۇزەگە اسىرادى.

دەرەككوز: primeminister.kz

Abai.kz