قازاقستاندىق ۇلتتىق يۋنەسكو كلۋبتارى فەدەراتسياسى قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورىمەن بىرگە جوبانىڭ بيىلعى ماۋسىمىنا قاتىسۋعا وتىنىشتەردى قابىلداي باستايدى. بيىلعى فەستيۆال-بايقاۋ جاستار جىلى مەن «رۋحاني جاڭعىرۋ» مەملەكەتتىك باعدارلاماسى اياسىندا جۇزەگە اسىرىلادى.

جوبانىڭ نەگىزگى ماقساتى – جاس ورىنداۋشىلاردى قول­داۋ، ولاردىڭ شىعارماشىلىق الەۋەتىن نىعايتۋ، بالا­لاردىڭ شىعارماشىلىعىن پاش ەتۋ ارقىلى قازاق­ستاندىق مادەنيەتتى حالىقارالىق ارەنادا ناسيحاتتاۋ. حالىقارالىق دەڭگەيدە جۇزەگە اسىرىلاتىندىقتان، جوبا ايماقتاعى ەلدەردىڭ تالانتتى جاستارىنىڭ اراسىندا مادەنيەتارالىق بايلانىس پەن دوستىق قارىم-قاتىناستى نىعايتۋعا باعىتتالعان.

1999 جىلى «بالالار الەمدى بەينەلەيدى» اتاۋىمەن باستاۋ العان جوبانى جىل سايىن وتكىزۋ ادەمى داستۇرگە اينالعان. جوبا جۇزەگە اسىرىلعان 20 جىلدىڭ ىشىندە 35 000 قاتىسۋشىلاردى قامتىعان.

«The Planet of ART–2019» حالىقارالىق فەستيۆال-بايقاۋى قازاقستان، قىرعىزستان، رەسەي، تاجىكستان، تۇركىمەنستان جانە وزبەكستان ەلدەرىنىڭ تالانتتى جاس­تارىنا ەسىگىن قايتا ايقارا اشادى. 12–17 جاس ارالىعىن­داعى تالانتتى ورەندەر ۆوكال، اسپاپتىق مۋزىكا جانە حورەوگرافيالىق ونەر اتالىمدارى بويىنشا ءوزارا باق سىناسادى. ونەرىمەن ءوز ورتاسىنان وزىپ شىققان جەڭىم­پازدارعا ترەنينگتەر مەن شەبەرلىك ساباقتارى وتكىزىلەدى. 28 قىركۇيەكتە گالا-كونتسەرت ۇيىمداستىرىلادى. ونەر باي­قاۋىنىڭ جەڭىمپازدارى امەريكا مەن ەۋروپا ەلدەرىندەگى مادەني-وقىتۋ باعدارلاماسىنا قاتىسۋعا مۇمكىندىك الادى.

اعىمداعى جىلدىڭ 1 مامىرىنا دەيىن وتىنىشتەر قابىلدانادى. حالىقارالىق فەستيۆال-بايقاۋ تۋرالى تولىق اقپاراتتى unescoclubs.kz. سايتىنان بىلۋگە بولادى.

Abai.kz