سەناتتا قارجى جانە بيۋدجەت كوميتەتى ەلىمىزدەگى مەملەكەتتىك-جەكەشەلىك ارىپتەستىكتى دامىتۋ ماسەلەلەرى بويىنشا مەملەكەتتىك جانە جەرگىلىكتى مۇددەلى اتقارۋشى ورگاندارمەن وتكىزەتىن كەزدەسۋ ءوتتى.

پارلامەنت سەناتى كوميتەتىنىڭ توراعاسى ولگا پەرەپەچينا شارانى اشا كەلىپ، ەلباسى «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» قازاقستان حالقىنا جولداۋىندا مەملەكەتتىك-جەكەشەلىك ارىپتەستىكتى كەڭەيتۋ كاسىپكەرلىكتى دامىتۋعا ارنالعان اۋقىمدى الەۋەت ءارى ينفراقۇرىلىمدى دامىتۋدىڭ نەگىزگى تەتىگى بولۋى ءتيىس ەكەنىن اتاپ وتكەنىن ەسكە سالدى. سونىمەن بىرگە، مەملەكەتتىك-جەكەشەلىك ارىپتەستىك جوبالارىن ىسكە اسىرۋ بيۋدجەت اۋىرتپالىعىن تومەندەتۋى، جوبالاردىڭ ساپاسىن ارتتىرۋى، بيزنەستى دامىتۋعا جانە مەملەكەت ەكونوميكاسىنا ينۆەستيتسيا تارتۋى ءتيىس.

ول سونداي-اق شىن مانىندە بيۋدجەت شىعىندارى جەڭىلدەمەيتىنىن ايتا كەلىپ، جوبالاردىڭ كوپتىگى مەن ورتا مەرزىمدى بولۋىنا بايلانىستى بيۋدجەت جۇكتەمەسىنىڭ كۇرت ءوسۋى ىقتيمالدىعىن اتاپ ءوتتى. كەيبىر جوبالار نەعۇرلىم قىمباتقا ءتۇسىپ وتىر، بانك پايىزى، وپەراتسيالىق، ينۆەستيتسيالىق جانە بيۋدجەت ينۆەستيتسياسى بارىسىندا بولمايتىن وزگە دە شىعىستار ەسەپ-قيساپقا قوسىلادى، مەملەكەتتىك جانە جەكە ارىپتەستەر اراسىنداعى مىندەتتەمەلەردى ءوزارا ءتيىمدى بولۋدە تەڭگەرىم قاعيداسى ساقتالمايدى.

ۇلتتىق ەكونوميكا ءمينيسترى ءبىرىنشى ورىنباسارى رۋسلان دالەنوۆ قازاقستانداعى مەملەكەتتىك-جەكەشەلىك ارىپتەستىكتىڭ دامۋىنداعى نەگىزگى كورسەتكىشتەرمەن تانىستىردى. 2019 جىلعى 1 اقپانداعى جاعداي بويىنشا جالپى سوماسى 1,4 تريلليون تەڭگە بولاتىن 558 مەملەكەتتىك-جەكەشەلىك ارىپتەستىك كەلىسىم-شارت جاسالدى.

قاراعاندى ​​وبلىسى اكىمىنىڭ ورىنباسارى الماس ايداروۆ ايماقتاعى مەملەكەتتىك-جەكەشەلىك ارىپتەستىكتىڭ وزەكتى ماسەلەلەرى مەن كەلەشەگى تۋرالى ەسەپ بەرە كەلىپ، مەملەكەتتىك-جەكەشەلىك ارىپتەستىك بارىسىندا جەرگىلىكتى جوبالاردى جوسپارلاۋ مەن ىسكە اسىرۋدىڭ جەكەلەگەن راسىمدەرىن رەتتەۋدە تۋىندايتىن ولقىلىقتارعا توقتالدى. سونداي-اق، تۇركىستان وبلىسى اكىمىنىڭ ورىنباسارى تولەگەن سارسەمباەۆ، الماتى قالاسى اكىمىنىڭ كەڭەسشىسى رابانديار مايماقوۆ، «شىعىس قازاقستان وبلىسى مەملەكەتتىك-جەكەشەلىك ارىپتەستىك وڭىرلىك ورتالىعىنىڭ» باسقارما توراعاسى شاكارىم بۇقتىعۇتوۆ ءسوز سويلەدى.

كەزدەسۋ قورىتىندىسى بويىنشا ازىرلەنگەن ۇسىنىستارعا تالداۋ جاسالىپ، قاجەتتىلىگىنە وراي ۇكىمەتكە جىبەرىلەدى، سونداي-اق زاڭ شىعارۋ جۇمىستارى بارىسىندا ەسكەرىلەتىن بولادى.

قازاقستان رەسپۋبليكاسى پارلامەنتى
سەناتىنىڭ ءباسپاسوز قىزمەتى

Abai.kz