بۇگىن حالىق الدىندا ەسەپ بەرىپ جاتقان استانا اكىمى باقىت سۇلتانوۆ قالانىڭ جانە ونىڭ تۇرعىندارىنىڭ كەز كەلگەن ماسەلەسىن  شەشۋگە ۋادە بەردى.

«استانا - بۇل ەرەكشە قالا جانە ءبىز ءوز ەنەرگيامىزدى ونى كەشەگىدەن دە جاقسى جاساۋ ءۇشىن جۇمساۋىمىز قاجەت. بۇرىنعى قارجى ءمينيسترى رەتىندە ەسەپ بەرۋىمىزدى ادەتتەگىدەي، قۇرعاق تسيفرلاردان باستاۋ ۇيرەنشىكتى بولار ەدى. دەگەنمەن، قالا جانە ونىڭ ەكونوميكاسى - بۇل، ەڭ الدىمەن، ادامدار. سوندىقتان ءبىز ەكى ماڭىزدى قۇجاتتى ازىرلەۋگە كىرىستىك.  ءبىرىنشىسى - 2050 جىلعا دەيىن استانانى دامىتۋ ستراتەگياسى. ەكىنشىسى - قالانى دامىتۋدىڭ ىڭعايلى جوسپارى. ءبىرىنشىسى - بۇل ءبىزدىڭ قالاي قاراي جىلجيتىنىمىزدىڭ كورىنىسى، ال ەكىنشىسى - وعان قالاي جەتۋدىڭ تىڭعىلىقتى جوسپارى»، - دەدى ب.سۇلتانوۆ.

وسى رەتتە اكىم قر پرەزيدەنتى حالىقپەن كەرى بايلانىس ورناتۋعا ايرىقشا باسىمدىق بەرىپ وتىرعانىن اتاپ ءوتتى. اتالعان ۇددە اياسىندا شىعۋ ءۇشىن وسى جىلدىڭ باسىنان-اق اۋدان اكىمدەرى مەن قالا اكىمىنىڭ ورىنباسارلارى 33 ەسەپتىك كەزدەسۋ وتكىزدى.

«ارينە، جەكە كەزدەسۋلەر ەڭ ءتيىمدى فورمات ەمەس. سوندىقتان ءبىز «iKomek» قىزمەتىن ىسكە قوستىق. كەز كەلگەن قالا تۇرعىنى «109» ءنومىرىن تەرىپ، ءوز پروبلەماسىن حابارلاي الادى. وتكەن جىلعى تسيفر تاڭعالارلىق. 1 ملن ءوتىنىش ءتۇسىپ، ولار 100 پايىز ورىندالدى»، - دەدى قالا باسشىسى.

سونىمەن قاتار باقىت سۇلتانوۆ قالا تۇرعىندارىن اكىمدىكتىڭ جۇمىسىنا قاتىستى ءوز پىكىرلەرىن اشىق بىلدىرۋگە شاقىردى.

«شەشىلمەيتىن ماسەلە جوق، اعايىن. ءار ماسەلەنى جەرگە تاستاماي، تۇبىنە دەيىن جەتەمىز، ۋادە بەرەمىن. ءار ماسەلەنى قاراپ، جولىن تاباتىن بولامىز»، - دەدى ول.

دەرەككوز: قازاقپارات

Abai.kz