قالالىق پوليتسيا دەپارتامەنتىنىڭ ءباسپاسوز حاتشىسى سالتانات ازىربەكتىڭ ايتۋىنشا، "پوليتسەيلەر قوعامدىق ءتارتىپتى بۇزۋ فاكتىلەرىنىڭ الدىن العان".

ءباسپاسوز قىزمەتى تاراتقان حابارلامادا "اكىمنىڭ ەسەپ بەرۋ كەزدەسۋى الدىندا بىرقاتار تۇلعا شارانى بۇزۋعا تىرىستى. قۇقىق قورعاۋ ورگاندارىنىڭ بىرنەشە رەت ەسكەرتكەنىنە قاراماستان قوعامدىق ءتارتىپ بۇزۋشىلار شارانى وتكىزۋگە كەدەرگى كەلتىرۋىن دوعارمادى" دەپ جازىلعان.

ازىربەكتىڭ حابارلاۋىنشا، پوليتسەيلەر بەلسەندىلەردى اكىمشىلىك قۇقىق بۇزۋشىلىق كودەكسىنىڭ ۇساق بۇزاقىلىق تۋرالى جازىلاعان 434-بابى 1-تارماعىنا سايكەس ۇستاعان. پوليتسيا دەپارتامەنتى "جاعدايدى انىقتاپ، زاڭنامادا كورسەتىلگەن شارالاردى قابىلداۋ ءۇشىن ۇستالعاندار بولىمشەلەرگە جەتكىزىلدى" دەپ مالىمدەدى.

بۇعان دەيىن ازاتتىق قالا اكىمى باۋىرجان بايبەكتىڭ ەسەپ بەرۋ جيىنى باستالار تۇستا بىرنەشە بەلسەندىنىڭ ۇستالعانىن حابارلاعان. ونىڭ ىشىندە "كوكجايلاۋدى قورعايىق!" قوزعالىسى بەلسەندىسى اندرەي بۋزىكين بار. قۇقىق قورعاۋشى ەرلان قاليەۆ تە ءوزىنىڭ ۇستالعانىن جازدى. بەلسەندى مارات تۇرىمبەتوۆ ءوزىن پوليتسيا بولىمشەگە اكەتىپ، كەيىن بوساتقانىن حابارلادى. ءبىر كۇن بۇرىن بەلسەندىلەر ديلنار ينسەنوۆا مەن ساحىپ جاڭاباەۆاعا پوليتسيانىڭ بارعانىن جازعان.

Abai.kz