قازاقستان پرەزيدەنتى نۇرسۇلتان نازارباەۆ "ۇلتتىق ۆاليۋتا - قازاقستان تەڭگەسى بانكنوتتارى مەن مونەتالارى ديزاينىنىڭ تۇجىرىمداماسىن بەكىتۋ تۋرالى" جارلىققا قول قويدى.

«بانكنوتتار مەن مونەتالار ديزاينىندا پايدالانىلاتىن جازبالار ءماتىنى مەملەكەتتىك تىلدە رەسىمدەلەدى. ينۆەستيتسيالىق جانە كوللەكتسيالىق مونەتالار ديزاينىندا شەت تىلدەردە جازبالار پايدالانۋعا جول بەرىلەدى»، - دەلىنگەن قازاقستان تەڭگەسi بانكنوتتارى مەن مونەتالارى ديزاينىنىڭ تۇجىرىمداماسىنىڭ 2- تاراۋىندا.

سونىمەن قاتار، وندا ينۆەستيتسيالىق جانە كوللەكتسيالىق مونەتالار ديزاينىندا مونەتالار دايىندالعان مەتالدى، ونىڭ سىنامىن جانە ماسساسىن بىلدىرەتىن جازبالاردى پايدالانۋعا جول بەرىلەتىنى اتاپ وتىلگەن.

ايتا كەتەيىك، بۇعان دەيىن بانكنوتتار مەن مونەتالاردا مەملەكەتتىك جانە ورىس تىلدەرىندەگى جازۋلار پايدالانىلاتىنى زاڭدى كۇشىندە بولعان ەدى.

«شەت تىلىندە رەسىمدەلەتىن باسقا ەلدەردىڭ تاپسىرىستارى بويىنشا دايىندالاتىن كوللەكتسيالىق مونەتالاردى قوسپاعاندا، كوللەكتسيالىق جانە ينۆەستيتسيالىق مونەتالاردا جازۋلاردىڭ ءماتىنى مەملەكەتتىك، سونداي-اق ورىس نەمەسە شەت تىلدەرىندە رەسىمدەلەدى»، - دەپ جازىلعان قۇجاتتا.

بانكنوتتار مەن مونەتالار ديزاينىنىڭ مiندەتتi ەلەمەنتتەرى:

- نومينالدىڭ تسيفرمەن جانە (نەمەسە) ارىپپەن بەلگiلەنۋi;

- تۇپنۇسقالىعىن ايقىنداۋعا مۇمكiندiك بەرەتiن جانە قولدانىستاعى قورعاۋ تەحنولوگيالارىن قولدانا وتىرىپ، قولدان جاساۋدان قورعاۋدى قامتاماسىز ەتەتiن ەلەمەنتتەر;

- ەميتەنت ەلىنىڭ جانە (نەمەسە) ەميتەنتتىڭ رەسمي اتاۋى;

- بانكنوتتاردىڭ بەت جاعىندا جانە مونەتالاردىڭ بەت نەمەسە سىرت جاعىندا ورنالاستىرىلاتىن قازاقستان رەسپۋبليكاسى مەملەكەتتىك ەلتاڭباسىنىڭ بەينەسى بولىپ تابىلادى.

سەريالىق ءنومىرى جانە ديزاينىنىڭ بەكىتىلگەن جىلى بانكنوتتار ديزاينىنىڭ قوسىمشا ەلەمەنتتەرى بولىپ تابىلادى.

سوعىلعان جىلى مونەتالار ديزاينىنىڭ قوسىمشا ەلەمەنتى بولىپ تابىلادى.

بانكنوتتار مەن مونەتالار ديزاينىندا مىناداي بەينەلەردiڭ بiرi جانە (نەمەسە) بiرنەشەۋi پايدالانىلادى:

- قازاقتىڭ ويۋ-ورنەگى نەمەسە ونىڭ قۇرامداس بولiكتەرi;

- قازاقستاننىڭ تاريحىنا جانە دامۋىنا ۇلەس قوسقان اسا كورنەكتi تۇلعالاردىڭ پورترەتتەرى;

- قازاقستاننىڭ بىرەگەي تاريحي، گەوگرافيالىق ورىندارى جانە ساۋلەت ەسكەرتكىشتەرى جانە (نەمەسە) ولاردىڭ بولىكتەرى;

- مەملەكەتتىك جانە حالىقارالىق وقيعالارعا ارنالعان بەينەلەر;

- قازاقستان فلوراسى مەن فاۋناسىنىڭ بەينەلەرى;

- قازاقستاننىڭ تاريحىنا، مەملەكەتتىلiگiنە، ساياساتىنا، قۇقىعىنا، ەكونوميكاسىنا، عىلىمىنا، بىلىمىنە، مادەنيەتىنە، ونەرىنە، سپورتىنا، دامۋىنا بايلانىستى بەينەلەر;

- دۇنيەجۇزىنىڭ قۇندىلىقتارىنا، يگىلىگىنە، تاريحىنا جانە مادەنيەتىنە بايلانىستى بەينەلەر;

- قازاقستان رەسپۋبليكاسىنىڭ ۇلتتىق بانكى تاۋار بەلگىسىنىڭ (لوگوتيپىنىڭ) بەينەسى;

- وزگە دە تسيفرمەن جانە ارىپپەن بەرىلگەن جازبالار.

بانكنوتتار مەن اينالىستاعى مونەتالاردىڭ ديزاينى بىرىڭعاي ديزاينەرلىك بەزەندىرۋ نەگىزىندە ازىرلەنەدى.

Abai.kz