مەملەكەت باسشىسى نۇرسۇلتان نازارباەۆ اسقار ءماميندى قر پرەمەر-ءمينيسترى لاۋازىمىنا تاعايىنداۋ تۋرالى جارلىققا قول قويدى. بۇل تۋرالى اقوردانىڭ Twitter-دەگى رەسمي پاراقشاسىندا حابارلاندى.

بۇگىن پارلامەنت ءماجىلىسىنىڭ پلەنارلىق وتىرىسىندا نۇرسۇلتان نازارباەۆ پارلامەنت ءماجىلىسىنىڭ قاراۋىنا پرەمەر-مينيستر لاۋازىمىنا اسقار ءماميننىڭ كانديداتۋراسىن ۇسىندى. ال پارلامەنت ءماجىلىسىنىڭ دەپۋتاتتارى اسقار ءماميننىڭ كانديداتۋراسىن قولدادى.

پرەزيدەنت 21 اقپان كۇنى ۇكىمەتتى وتستاۆكاعا جىبەرۋ تۋرالى مالىمدەمەسىنەن كەيىن پرەمەر-ءمينيسترىدىڭ مىندەتىن ۋاقىتشا اتقارۋدى اسقار مامينگە جۇكتەگەن بولاتىن.

اسقار ۇزاقبايۇلى مامين 1965 جىلى 23 قازاندا تسەلينوگراد (قازىرگى استانا) قالاسىندا دۇنيەگە كەلگەن.

تسەلينوگراد ينجەنەرلىك-قۇرىلىس ينستيتۋتىن، گ.ۆ. پلەحانوۆ اتىنداعى رەسەي ەكونوميكالىق اكادەمياسىن تامامداعان، ماماندىعى بويىنشا ينجەنەر-قۇرىلىسشى، ەكونوميست.

ەڭبەك جولىن «تسەلينتياجستروي»ترەسىندە مونتاجشى بولىپ باستاعان. قازاقستان يننوۆاتسيالىق كاسىپورىندار وداعى ديرەكتورىنىڭ ورىنباسارى لاۋازىمىندا قىزمەت اتقارعان.

1996 - 2008 جىلدارى استانا قالاسى اكىمىنىڭ ءبىرىنشى ورىنباسارى، قازاقستان رەسپۋبليكاسىنىڭ كولىك جانە كوممۋنيكاتسيالار ۆيتسە-ءمينيسترى، قازاقستان رەسپۋبليكاسىنىڭ يندۋستريا جانە ساۋدا ءبىرىنشى ۆيتسە-ءمينيسترى، قازاقستان رەسپۋبليكاسىنىڭ كولىك جانە كوممۋنيكاتسيالار ءمينيسترى، استانا قالاسىنىڭ اكىمى لاۋازىمدارىندا قىزمەت ەتتى.

2008 جىلعى ءساۋىر ايىنان باستاپ «قازاقستان تەمىر جولى» ۇلتتىق كومپانياسى» اكتسيونەرلىك قوعامىنىڭ پرەزيدەنتى، 2008 جىلعى 17 ساۋىردە «قازاقستان تەمىر جولى» ۇلتتىق كومپانياسى» اكتسيونەرلىك قوعامىنىڭ ديرەكتورلار كەڭەسىنىڭ مۇشەسى بولىپ سايلاندى.

2016 جىلعى قىركۇيەكتە مەملەكەت باسشىسىنىڭ جارلىعىمەن قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى بولىپ تاعايىندالدى.

1998 جىلى – «ەرەن ەڭبەگى ءۇشىن» مەدالىمەن، 2006 جىلى – «قۇرمەت» وردەنىمەن، 2011 جىلى – ەكىنشى دارەجەلى «بارىس» وردەنىمەن، 2013 جىلى – فرانتسۋز رەسپۋبليكاسىنىڭ قۇرمەتتى لەگيونى وردەنىمەن، 2014 جىلى – يسپانيا كورولدىگىنىڭ «ازاماتتىق ەڭبەگى ءۇشىن» ءبىرىنشى دارەجەلى  وردەنىمەن ماراپاتتالعان. 2011 جىلى – استانا قالاسىنىڭ قۇرمەتتى ازاماتى،  2012 جىلى – قۇرمەتتى تەمىرجولشى، 2013 جىلى – قازاقستاننىڭ قۇرمەتتى قۇرىلىسشىسى.

Abai.kz