قازاقستاندا اقپارات جانە كوممۋنيكاتسيالار مينيسترلىگى قىسقارتىلدى. بۇل تۋرالى جارلىق اقوردانىڭ سايتىندا جاريالاندى.

"قازاقستان رەسپۋبليكاسى اقپارات جانە كوممۋنيكاتسيالار مينيسترلىگى قىسقارتىلسىن", - دەلىنگەن جاريالانعان قۇجاتتا.

بۇرىنعى مينيسترلىكتىڭ فۋنكتسيالارى قازاقستاننىڭ قوعامدىق دامۋ مينيسترلىگىنە تاپسىرىلادى. وسىلايشا، قازاقستان رەسپۋبليكاسى اقپارات جانە قوعامدىق دامۋى مينيسترلىگى پايدا بولادى. اقپارات جانە كوممۋنيكاتسيالار مينيسترلىگىنىڭ بارلىق وكىلەتى وسى مينيسترلىككە تاپسىرىلادى.

ەستەرىڭىزگە سالا كەتەيىك، 2016 جىلى پرەزيدەنت تاپسىرماسىمەن اقپارات جانە كوممۋنيكاتسيالار مينيسترلىگى قۇرىلدى. ءوز كەزەگىندە، مينيسترلىك  مەملەكەتتىك تەلەارنالاردى، راديو مەن باسپا باق-تى، ينتەرنەت-رەسۋرستاردى جاڭعىرتۋ بويىنشا جۇمىستاردى جۇزەگە اسىردى.

سونداي-اق، اقپارات جانە كوممۋنيكاتسيالار سالالارىنا قاتىستى زاڭ جوباسى قابىلدانعان بولاتىن.

Abai.kz