7-اقپان كۇنى پولشانىڭ سۆەچە قالاسىنداعى لينگۆيستيكالىق-تەحنولوگيالىق ۋنيۆەرسيتەتتە جاستارعا ارنالعان «اباي» مادەني-ءبىلىم بەرۋ ورتالىعى اشىلدى. وعان سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ دەلەگاتسياسى قاتىستى.

س.امانجولوۆ اتىنداعى شقمۋ-دىڭ جاستار ورتالىعىن اشۋ تۋرالى بۇل باستاما قرەسپۋبليكاسى ءبىلىم جانە عىلىم مينيسترلىگى، شىعىس قازاقستان وبلىسى اكىمدىگى جانە «نۇر وتان» پارتياسىنىڭ شىعىس قازاقستان وبلىستىق فيليالى تاراپىنان قولداۋ تاپتى.

- ورتالىقتى اشۋداعى باستى ماقسات - الەمگە قازاقستاندىق مادەنيەتتىڭ جەتىستىكتەرىن تانىتۋ  – دەدى، س.امانجولوۆ اتىنداعى شقمۋ رەكتورى، پروفەسسور مۇحتار تولەگەن ءوزىنىڭ  قۇتتىقتاۋ سوزىندە.

ونىڭ ايتۋىنشا، قازىرگى الەمدەگى دامىعان بارلىق ەلدەردە مادەنيەت سالاسىنداعى ساياساتتىڭ ءبىرى - وتانداستارىمىزدىڭ جەتىستىكتەرىن ناسيحاتتاۋ، قازاقستاننىڭ رەبرەندينگىمەن اينالىسۋى، باسقا ەلدەردەگى ونىڭ ءيميدجىن كوتەرۋ ماسەلەسى كۇن تارتىبىندەگى ەڭ وزەكتى ماسەلە.

شىعىس قازاقستاندىق ۋنيۆەرسيتەتتە ابايتانۋدىڭ باي ءداستۇرى مەن قازاقستانعا تانىمال عالىم ايجان قارتاەۆانىڭ عىلىمي مەكتەبى بار، اباي اقىننىڭ ويلارىنا ارنالعان ابايتانۋ بويىنشا كونفەرەنتسيالار ۇيىمداستىرىلۋدا، مونوگرافيالار مەن عىلىمي ماقالالار جاريالانۋدا.

سونىمەن قاتار، ورتالىقتا پولشا ۋنيۆەرسيتەتىمەن قول قويىلعان كەلىسىمدە ەكى ديپلومدىق ءبىلىم بەرۋ، وقىتۋشىلار مەن ستۋدەنتتەردىڭ اكادەميالىق الماسۋى، بىلىكتىلىكتى جوعارىلاتۋ مۇمكىندىكتەرى، عىلىمي تاعىلىمدامالار، ەكى ۋنيۆەرسيتەتتىڭ عالىمدارى بىرلەسكەن عىلىمي جوبالاردى جۇزەگە اسىرۋ ت.ب. ماقساتتاردى كوزدەيدى.

پولياك ۋنيۆەرسيتەتىندە ورتالىقتى اشۋ ءۇشىن عيمارات ءبولىندى، ونىڭ كوركەمدەلۋى ءۇشىن قازاقستان تۋرالى پولياك، اعىلشىن، قازاق جانە ورىس تىلدەرىندە كىتاپتار بەرىلدى. سونىمەن قاتار قازاقستاندىق دەلەگاتسيا ورتالىقتى مادەني قۇندىلىعى بار العاشقى جادىگەرلەرمەن، ياعني، پاۆلودارلىق ءمۇسىنشى داۋرەن دوشانوۆتىڭ «اباي» ءمۇسىنى مەن سۋرەتشى الىبەك شوقانوۆتىڭ «اباي» اتتى سۋرەتتەرىمەن تولىقتىرىلدى.

سەرىكتەس ۋنيۆەرسيتەتتىڭ رەكتورى ەلجبەتتا شتەرنالعا س. امانجولوۆ اتىنداعى شقمۋ رەكتورى مۇحتار تولەگەن «اباي» اتىنداعى مەدالدى تابىس ەتتى.

پولياك سەرىكتەستەردىڭ جاۋاپتى قادامى رەتىندە وسكەمەن قالاسىندا س. امانجولوۆ اتىنداعى شقمۋ بازاسىندا اتاقتى پولياك عالىمى، الەمگە ايگىلى استرونوم نيكولاي كوپەرنيكتىڭ اتىنا  مادەني-ءبىلىم بەرۋ ورتالىعى اشىلادى.

Abai.kz