پرەزيدەنت نۇرسۇلتان نازارباەۆ 21-اقپان كۇنى ۇكىمەتتى وتستاۆكاعا جىبەرگەن ەدى. بۇگىن استانادا اۋىس-ءتۇيىس بولدى. پرەمەر-مينيستردەن تارتىپ بىرقاتار مينيسترلىكتەرگە جاڭا باسشىلار تاعايىندالدى. سونىمەن قاي مينيستر قايدا باردى؟ رەت-رەتىمەن جازايىق.

اسقار مامين - پرەمەر-مينيستر

اۋەلى اسقار مامين تۋرالى ايتايىق. 21-اقپان كۇنى پرەزيدەنت نازارباەۆ ۇكىمەتتى وتستاۆكاعا جىبەرۋ تۋرالى جارلىق شىعارىپ، ۋاقىتشا ۇكىمەتتىڭ تىزگىنىن اسقار مامين ۇستاعان ەدى.

بۇگىن ءماجىلىستىڭ پلەنارلىق وتىرىسىنا ارنايى قاتىسقان پرەزيدەنت ءماميننىڭ كانديداتۋراسىن پرەمەرلىككە ۇسىنعان ەدى. ءماجىلىس ءبىراۋىزدان ماقۇلدادى. ءسويتىپ، ۋاقىتشا پرەمەر بولعان مامين ەندى، سول قىزمەتتە تۇراقتاپ قالاتىن بولدى.

ءاليحان سمايلوۆ - ءبىرىنشى ۆيتسە-پرەمەر، قر قارجى ءمينيسترى

بۇگىننەن باستاپ اسقار ءماميننىڭ ءبىرىنشى ورىنباسارى قىزمەتىنە ءاليحان سمايلوۆ كىرىستى.

سونداي-اق، سمايلوۆ قر قارجى ءمينيسترى قىزمەتىن قاتار اتقاراتىن بولدى. ەستەرىڭىزگە سالا كەتەيىك، ءاليحان سمايلوۆ 2015 جىلدان بەرى مەملەكەت باسشىسىنىڭ كومەكشىسى بولعان. وسى ۋاققا دەيىن سمايلوۆ ەكى مارتە قارجى ءمينيسترىنىڭ ورىنباسارى بولدى. ال ۇكىمەت وتستاۆكاعا كەتپەس بۇرىن، ول قارجى ءمينيسترى قىزمەتىن اتقارعان ەدى.

جەڭىس قاسىمبەك - پرەمەر-ءمينيستردىڭ ورىنباسارى

بۇگىن جاساقتالعان ۇكىمەت قۇرامىنا جەڭىس قاسىمبەك تە ەندى. ول پرەمەر-مينيستر اسقار ءماميننىڭ ورىنباسارى بولىپ تاعايىندالدى. جەڭىس قاسىمبەكتىڭ كانديداتۋراسىن ءماجىلىس ماقۇلدادى.

جەڭىس قاسىمبەك ۇكىمەت جۇمىسىنىڭ ستراتەگيالىق باعىتتاعى شەشىمدەردى قابىلداۋ ءۇشىن قاجەتتى قۇزىرەتكە يە ەكەن.

گۇلشارا ابدىقالىقوۆا - پرەمەر-ءمينيستردىڭ ورىنباسارى

ابدىقالىقوۆانىڭ دا كانديداتۋراسى ماجىلىستە ماقۇلداندى. ول 2014 جىلدەن بەرى مەملەكەتتىك حاتشى قىزمەتىندە بولعان. ءار جىلى پرەزيدەنتتىڭ كەڭەسشىسى، ەڭبەك جانە الەۋمەتتىك قورعاۋ ءمينيسترى قىزمەتتەرىن اتقارعان.

بەيبىت اتامقۇلوۆ - قر سىرتقى ىستەر ءمينيسترى

بەيبىت باكىرۇلى اتامقۇلوۆ قازاقستاننىڭ سىرتقى ىستەر ءمينيسترى قىزمەتىندە قالدى. بەيبىت اتامقۇلوۆ بۇل قىزمەتكە 2018 جىلدىڭ 26-جەلتوقسانى كۇنى تاعايىندالعان ەدى.

نۇرلان ەرمەكباەۆ - قر قورعانىس ءمينيسترى

پرەزيدەنت ۇكىمەتتى وتستاۆكاعا جىبەرگەن سوڭ، جاڭا جاساقتالعان قۇراممەن ءوز قىزمەتىن قايتا جالعاستىراتىنداردىڭ ءبىرى بۇرىنعى جانە قازىرگى قورعانىس ءمينيسترى نۇرلان بايۇزاقۇلى ەرمەكباەۆ بولدى.

ەرلان تۇرعىمباەۆ - قر ىشكى ىستەر ءمينيسترى

ۇكىمەت وتستاۆكاعا كەتەردىڭ ءسال-اق الدىندا ىشكى ىستەر مينيسترلىگىنە تاعايىندالعان ەرلان تۇرعىمباەۆ تا ورنىندا قالدى. ول جاڭا جاساقتالعان ۇكىمەتتىڭ ىشكى ىستەر مينيسترلىگىن باسقاراتىن بولدى. ايتا كەتەيىك، ەرلان تۇرعىمباەۆ 2019 جىلدىڭ 12-اقپانى كۇنى قر ىشكى ىستەر ءمينيسترى بولىپ تاعايىندالعان ەدى.

داۋرەن اباەۆ- قر اقپارات جانە قوعامدىق دامۋ ءمينيسترى

بۇرىنعى ۇكىمەتتىڭ قۇرامىندا قر اقپارات جانە كوممۋنيكاتسيالار مينيسترلىگىن باسقارعان داۋرەن اسكەربەكۇلى بۇگىن جاڭا قىزمەتكە تاعايىندالدى. ول قايتا جاساقتالعان قر اقپارات جانە قوعامدىق دامۋ مينيسترلىگىنىڭ تىزگىنىن ۇستادى.

مارات بەكەتاەۆ - قر ادىلەت ءمينيسترى

ۇكىمەت اۋىسقانىمەن ءوز قىزمەتىن ءارى قاراي جالعاستىراتىن مينيسترلەردىڭ ءبىرى - مارات باقىتجانۇلى بەكەتاەۆ. ول ءوز قىزمەتىندە قالدى. ياعني، بۇدان بۇلاي دا قر ادىلەت مينيسترلىگىن باسقارا بەرمەك.

ەلجان ءبىرتانوۆ - قر دەنساۋلىق ساقتاۋ ءمينيسترى

ءبىرتانوۆ تا ءوز قىزمەتىن ءارى قاراي جالعاستىرا بەرەدى. اسقار ءماميننىڭ باسقارۋىنداعى ۇكىمەتتىڭ قۇرامىنداعى دەنساۋلىق ساقتاۋ مينيسترلىگىنىڭ تىزگىنى قايتادان ءبىرتانوۆتا بولاتىن بولدى.

ارىستانبەك مۇحاماديۇلى - قر مادەنيەت جانە سپورت ءمينيسترى

مادەنيەت پەن سپورتتىڭ تىزگىنىن قاتار ۇستاعان ارىستانبەك مۇحاماديۇلى دا ءوز قىزمەتىندە قالدى.

قانات بوزىمباەۆ - قر ەنەرگەتيكا ءمينيسترى

ءوز قىزمەتىندە قالعانداردىڭ تاعى ءبىرى قانات بوزىمباەۆ. ول بۇدان بۇلاي دا ەنەرگەتيكا ءمينيسترى بولىپ جۇماس جاسايدى.

اسقار جۇماعاليەۆ - قر تسيفرلىق دامۋ، قورعانىس جانە اەروعارىش ونەركاسىبى ءمينيسترى

ال بۇگىن پرەزيدەنت پارمەنىمەن قايتا جاساقتالعان مينيسترلىك - قر تسيفرلىق دامۋ، قورعانىس جانە اەروعارىش ونەركاسىبى مينيسترلىگىنىڭ تىزگىنىن اسقار قۋانىشۇلى جۇماعاليەۆ ۇستايتىن بولدى.

بەردىبەك ساپارباەۆ - قر ەڭبەك جانە حالىقتى الەۋمەتتىك قورعاۋ ءمينيسترى

ال بۇعان دەيىن اقتوبە وبلىسىنىڭ اكىمى قىزمەتىندە بولعان بەردىبەك ماشبەكۇلى ساپارباەۆ ەندى قر ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالدى.

ايتا كەتەيىك، وسىعان دەيىن اتالعان قىزمەتتى اتىشۋلى مينيستر ءمادينا ابىلقاسىموۆا اتقارىپ كەلگەن.

رومان سكليار - قر يندۋستريا جانە ينفراقۇرىلىمدىق دامۋ ءمينيسترى

بۇگىن ءماجىلىس كانديداتۋراسىن ماقۇلداعان تاعى ءبىر ادام رومان سكليار بولدى. بۇل ازامات بۇگىننەن باستاپ قر يندۋستريا جانە ينفراقۇرىلىمدىق دامۋ ءمينيسترى قىزمەتىن اتقارادى.

بۇعان دەيىن سكليار دەيتىن ازامات جەڭىس قاسىمبەك باسقارعان ينۆەستيتسيالار جانە دامۋ مينيسترلىگىندە ۆيتسە-مينيستر قىزمەتىن اتقارعان ەكەن.

ساپارحان وماروۆ - قر اۋىلشارۋاشىلىق ءمينيسترى

بۇگىن عانا تاعايىندالعان سۋ جاڭا ءمينيستردىڭ بىرەۋى - ساپارحان وماروۆ. ول ەندى قر اۋىلشارۋاشىلىق ءمينيسترى قىزمەتىنە كىرىسەتىن بولدى. ونىڭ كانديداتۋراسىن ءماجىلىس ماقۇلدادى.

كۇلاش ءشامشيدينوۆا - قر ءبىلىم جانە عىلىم ءمينيسترى

جۇرتقا جاعىمسىز ەرلان ساعاديەۆ قىزمەتىنەن كەتىپ، ونىڭ ورنىنا سۋ جاڭا مينيستر بولىپ كۇلاش ءشامشيدينوۆا تاعايىندالدى، بۇگىن.

رۋسلان دالەنوۆ - قر ۇلتتىق ەكونوميكا ءمينيسترى

ال مامين تىزگىنىن ۇستاعان ۇكىمەتتىڭ ۇلتتىق ەكونوميكا ءمينيسترى - ەندى رۋسلان دالەنوۆ دەيتىن ازامات بولدى.

قىسقاشى وسى. استاناداعى اۋىس-ءتۇيىستىڭ اۋانى وسى بولدى. پرەزيدەنت قاۋلى شىعاردى. ءماجىلىس تە ءوز مىندەتىن قالتقىسىز اتقاردى. ءسويتىپ، ۇكىمەتتىڭ جاعا قۇرامى بەكىتىلدى.

Abai.kz