«نۇر وتان» پارتياسىنىڭ كەزەكتى XVIII سەزىندە مەملەكەت باسشىسى، پارتيا توراعاسى نۇرسۇلتان نازارباەۆ وسىلاي دەدى.

ءسوز باسىندا بيىل پارتيا ءۇشىن ەرەكشە جىل ەكەنىن ايتقان ەلباسى بارشا سەزد دەلەگاتتارىن «نۇر وتاننىڭ» 20 جىلدىعىمەن قۇتتىقتادى.

– بارشاڭىزدى «نۇر وتان» پارتياسىنىڭ 20 جىلدىق مەرەيتويىمەن شىن جۇرەكتەن قۇتتىقتايمىن. 1999 جىلعى 1 ناۋرىز ەگەمەن ەلىمىزدىڭ جىلناماسىنا پارتيامىزدىڭ نەگىزى قالانعان كۇن رەتىندە قالدى. تاريح ولشەمىمەن قاراعاندا 20 جىل كوپ ۋاقىت ەمەس. بىراق ءبىز ءۇشىن ءبىراز داۋىرگە پارا-پار. عاسىرلار توعىسىنداعى كۇردەلى ەكونوميكالىق جاعدايدى وزدەرىڭىز دە جاقسى بىلەسىزدەر. تەز ارادا دۇرىس تاڭداۋ جاساۋىمىزدى تالاپ ەتكەن زامان بولدى. تاۋەلسىزدىگىمىزدى نىعايتىپ، ماڭىزدى رەفورمالار جاساۋ كەرەك بولدى. ايتپەسە وركەنيەت جولىنا باستايتىن الەمدىك دامۋ كوشىنەن قالىپ قوياتىن ەدىك. وسىنداي ۇلى ماقساتتى كوزدەگەن «نۇر وتان» پارتياسى حالىقتىڭ سەنىمىن اقتاپ، ورنىقتى ىلگەرىلەۋىمىزدى قامتاماسىز ەتەتىن بىردەن ءبىر ساياسي كۇشكە اينالىپ، جۇمىسىن ىستەپ كەلە جاتىر، – دەدى نۇرسۇلتان نازارباەۆ.

سونىمەن قاتار ەلباسى «نۇر وتان» پارتياسىنىڭ مەملەكەتتىك ماڭىزى بار شەشىمدەردى قابىلداۋعا ىقپال ەتىپ، سايلاۋشىلاردىڭ سەنىمىن اقتاپ كەلە جاتقانىنا نازار اۋدارىپ: «نۇر وتان» – تولاعاي تابىستىڭ جانە بولاشاققا جول اشاتىن جارقىن جەتىستىكتەردىڭ پارتياسى»، – دەدى.

ايتا كەتەيىك، بۇگىن استانادا «نۇر وتان» پارتياسىنىڭ كەزەكتى XVIII سەزى وتۋدە. وعان ەلىمىزدىڭ بارلىق وڭىرىنەن كەلگەن 2000-نان استام دەلەگات قاتىسۋدا. سەزدە پارتيانىڭ 2030 جىلعا دەيىنگى جاڭا باعدارلاماسى قابىلدانىپ، الداعى باعىت-باعدارى ايقىندالادى دەپ جوسپارلانۋدا.

Abai.kz