«نۇر وتان» پارتياسىنىڭ XVIII سەزىن حالىق اسىعا كۇتتى دەپ ەسەپتەيمىن. ويتكەنى بۇگىنگى جيىندا ەلباسىنىڭ حالىقتىڭ ءال-اۋقاتىن كوتەرۋ، جاعدايى تومەن وتباسىلارعا قولداۋ كورسەتۋ باستاماسى حالىقتى تولعاندىرعان ماسەلەلەردىڭ ءبىرى بولىپ تابىلادى.

وسى ماسەلەلەردىڭ قولداۋ تاۋىپ، سونىڭ ىشىندە كوپ بالالى وتباسىلارعا اسا نازار اۋدارىلعانى قۋانتادى. كوپبالالى وتباسىداعى ءاربىر بالاعا تولەنەتىن جاردەماقىنىڭ 21 مىڭ تەڭگەگە ءوسۋى، سالىناتىن 40 مىڭ پاتەر، جىل سايىنعى وسى سالاعا بولىنەتىن قاراجاتتىڭ مولشەرى 50 ملرد. بولۋى ءبىراز ماسەلەلەردى شەشەتىنىنە سەنىمدىمىن. ويتكەنى باعانى ورنىقتىرۋ، جاردەماقى مەن جالاقىنى كوتەرۋ حالىقتىڭ تۇرمىسى قيىن توبىنا سەرپىن بەرمەك.

وسى ورايدا، ءاربىر كومەككە مۇقتاج وتباسىنىڭ نازاردان تىس قالماۋىنا قالا جانە وبلىس اكىمدەرىنىڭ قوسار ۇلەسى زور.

سونداي-اق، كۇنى كەشە عانا تاعايىندالعان ۇكىمەتتىڭ وسى باستامالاردى ءوز دەڭگەيىندە جۇزەگە اسىرۋ مەن ونى باقىلاۋدا ۇستاۋىنا نازار اۋدارىپ، ەڭبەك ەتۋى قاجەت.

پرەزيدەنتىمىز نۇرسۇلتان ءابىشۇلىنىڭ الەۋمەتتىك سالانى دامىتۋعا باعىتتالعان بۇگىنگى باستامالارى حالىق اراسىندا قولداۋ تاۋىپ، وسى باعىتتاعى ماسەلە شەشىمىن تابادى دەپ سانايمىن.

ءۋاليحان قاليجانوۆ

ۇعا اكادەميگى

Abai.kz