پرەزيدەنت ن.نازارباەۆتىڭ “پرەزيدەنتتىڭ بەس الەۋمەتتىك باستاماسى” اتتى حالىققا ۇندەۋىنىڭ ەكىنشى باعىتىنا سايكەس، مەملەكەتتىك قىزمەتكەرلەردىڭ ايلىق-جالاقىسى وسەدى. ماسەلەن،1-قىركۇيەكتەن باستاپ ۇستازداردىڭ جالاقىسىنا 50 پايىز ۇستەمە قوسىلادى.

باستاۋىش، نەگىزگى جانە جالپى ورتا ءبىلىم بەرۋ وقۋ باعدارلامالارىن ىسكە اسىرىپ وتىرعان ءبىلىم ۇيىمدارىنىڭ مۇعالىمدەرىنە قىزمەتتىك ايلىق جالاقىسىنىڭ 30%-ىن ۇستەمە اقى رەتىندە تولەيتىن بولدى. ۇستەمەنى بەكىتۋ ءتارتىبى مەن شارتتارىن ءبىلىم بەرۋ سالاسىنداعى وكىلەتتى ورگان انىقتايدى. ۇستەمە اقى ۇستازدىڭ ناقتى جۇكتەمەسىن ەسكەرە وتىرىپ بەلگىلەنەدى، بىراق ول زاڭنامامەن بەكىتىلگەن ءنورماتيۆتى وقۋ جۇكتەمەسىنەن اسپاۋى كەرەك.

ۇلتتىق بىلىكتىلىك تەستىن تاپسىرعان جانە باستاۋىش، ورتا جانە جالپى ورتا ءبىلىم باعدارلامالارىن ىسكە اسىرىپ جۇرگەن مۇعالىمدەردىڭ (پەداگوگ-ماستەر، پەداگوگ-زەرتتەۋشى، پەداگوگ-ساراپشى، پەداگوگ-مودەراتور) قىزمەتتىك ايلىق جالاقىسىنا 30 پايىزدان 50%-عا دەيىن قوسىلادى. بۇل الگى پەداگوگيكالىق شەبەرلىك بىلىكتىلىگى ءۇشىن بەرىلەتىن ۇستەمە اقى.

بۇل ۇستەمەنى بەكىتۋ ءتارتىبى مەن شارتتارىن دا ءبىلىم بەرۋ سالاسىنداعى وكىلەتتى ورگان انىقتايدى. ۇستەمە اقى ۇستازدىڭ ناقتى جۇكتەمەسىن ەسكەرە وتىرىپ بەلگىلەنەدى، بىراق ول زاڭنامامەن بەكىتىلگەن ءنورماتيۆتى وقۋ جۇكتەمەسىنەن اسپاۋى كەرەك.

پەداگوگيكالىق شەبەرلىك بىلىكتىلىگى ءۇشىن بەرىلەتىن ۇستەمە اقى تۋرالى قاۋلى تارماعى 2018 جىلدىڭ 1 قاڭتارىنان باستاپ كۇشىنە ەنەدى. بۇل تۋرالى قر ۇكىمەتىنىڭ 2018 جىلعى 7 اقپانداعى № 42 «قر ۇكىمەتىنىڭ 2015 جىلعى 31 جەلتوقسانداعى № 1193 «مەملەكەتتىك بيۋدجەت ەسەبىنەن قارجىلاندىرىلاتىن ۇيىمداردىڭ ازاماتتىق قىزمەتشىلەرىنىڭ، جۇمىسكەرلەرىنىڭ، قازىنالىق كاسىپورىن جۇمىسكەرلەرىنىڭ ەڭبەك اقىسىن تولەۋ جۇيەسى تۋرالى» قاۋلىسىنا وزگەرىستەر مەن تولىقتىرۋلار ەنگىزۋ» تۋرالى قاۋلىسىندا ايتىلادى.

ماسەلەن، مودەراتور-مۇعالىم بولسا، وندا جالاقىسىنا 20%، ساراپشى-مۇعالىمگە 30%، زەرتتەۋشى-مۇعالىمگە 40%، شەبەر-مۇعالىم ەكەنى دالەلدەنسە 50% مولشەرىندە جالاقىسىنا ۇستەمەاقى قوسىلادى.
ايتا كەتەر جايت، اتتەستاتسيادان وتپەي قالعان مۇعالىمنىڭ باستاپقى كاتەگوريالارى ساقتالادى. زاڭعا سايكەس مۇعالىمنىڭ بىلىكتىلىك دەڭگەيى 5 جىل بويىنا كۇشىندە بولادى.
كەز كەلگەن مۇعالىم 18 ساعات ساباق بەرۋى كەرەك. ەگەر 24 ساعات ساباق بەرسە، ناقتى جالاقى مولشەرى ارتا تۇسەدى. مىسالى، 3 جىل ەڭبەك ءوتىلى بار نەمەسە مۇلدەم كاتەگورياسى جوق مۇعالىمنىڭ ءبىر ساعاتىنىڭ قۇنىن ەسەپتەسەك…
ءاربىر ساباعى ءۇشىن 3 146 تەڭگە الىپ وتىر. وعان داپتەر تولتىرۋ مەن سىنىپ جەتەكشىلىكتى قوسىڭىز. تەست تاپسىرىپ، بىلىكتىلىگىن دالەلدەسە، جالاقىسى تاعى وسەدى.
1-4 سىنىپ مۇعالىمدەرىنە بازالىق جالاقىعا 20%، 5-11 سىنىپ مۇعالىمدەرىنە 25% قوسىلادى. تەحنيكالىق جانە كاسىپتىك ءبىلىم بەرۋ ۇيىمدارىنىڭ وقىتۋشىلارىنا، قازاق، ورىس تىلدەرى، باسقا ۇلتتىق تىلدەر مەن ادەبيەت بويىنشا (ماتەماتيكا، حيميا، فيزيكا، بيولوگيا، شەت ءتىلى، ستەنوگرافيا، سىزۋ، قۇراستىرۋ، تەحنيكالىق مەحانيكا بويىنشا) بازالىق لاۋازىمدى جالاقىسى 20%-عا وسەدى. بۇل دەگەنىڭىز – 3 539 تەڭگەدەن 4 424 تەڭگە ارالىعى.
قالالىق جەردە جۇمىسقا ورنالاسقان جاس مۇعالىم بۇعان دەيىن 56 630 تەڭگە الاتىن. ەندى ايلىعىنا 22 475 تەڭگە قوسىلىپ، 79 105 تەڭگە الادى. ەگەر بىلىكتىلىك تەستىنەن وتكەن جاعدايدا اي سايىن قالتاسىنا 96 095 تەڭگە تۇسەدى.

تاعى ءبىر ايتا كەتەر جايت، اۋىل مۇعالىمدەرىنىڭ جالاقىسى قالا ۇستازدارىنا قاراعاندا 25 پايىزعا جوعارى بولاتىن كورىنەدى.

ماسەلەن، بىلتىر اقمولا وبلىسىندا، دارىگەرلەر مەن ۇستازداردىڭ، مادەنيەت سالاسى قىزمەتكەرلەرىنىڭ ەڭبەكاقىسى 35 پايىزعا كوتەرىلگەن. ول ءۇشىن رەسپۋبليكالىق بيۋدجەتتەن 4,8 ميلليارد تەڭگە ءبولىنىپتى. جەكەمەنشىك كاسىپورىندار دا كوشتەن قالمايدى. 4 مىڭعا جۋىق كاسىپورىننىڭ جالاقى قورى 3,8 ميلليارد تەڭگەگە كوبەيدى. 2018 جىلدىڭ 4-ءشى توقسانىندا اقمولا وبلىسىندا ورتاشا جالاقى 130 مىڭ تەڭگە بولىپ بەكىتىلدى.

Abai.kz