پرەزيدەنت ن.نازارباەۆتىڭ “پرەزيدەنتتىڭ بەس الەۋمەتتىك باستاماسى” اتتى حالىققا ۇندەۋىنىڭ ءتورتىنشى باعىتى –  «شاعىن نەسيە بەرۋدى كوبەيتۋ» دەپ اتالادى. ياعني، ءوءزىن-ءوزى ەڭبەكپەن قامتىعان جانە جۇمىسسىز تۇرعىنداردىڭ اراسىندا جاپپاي كاسىپكەرلىكتى دامىتۋ ءۇشىن اتقارىلىپ جاتقان جۇمىستاردىڭ اياسىندا جەڭىلدەتىلگەن شاعىن نەسيە بەرۋدىڭ  ءتيىمدى تەتىگى.  

جالپى، مەملەكەت تاراپىنان كاسىپكەرلەردى قولداۋعا باعىتتالعان بىرنەشە جوبالار قابىلدانعان. ماسەلەن، «بيزنەستىڭ جول كارتاسى – 2020»  باعدارلاما باستاۋ العاننان بەرى الماتى وبلىسىنىڭ كاسىپكەرلەرىنە 30 ميلليارد تەڭگەدەن استام قاراجات بولىنگەن. ناتيجەسىندە ايماقتا 7,8 مىڭ جۇمىس ورنى اشىلدى. ال قوستانايدا 3,6 مىڭ شاعىن جانە ورتا بيزنەس نىسانىندا 6,6 مىڭنان اسا ادام جۇمىسپەن قامتىلعان

ال، اۋىلشارۋاشىلىعىندا 2018 جىلى بەكىتىلگەن بيۋدجەتتە شاعىن نەسيە بەرۋ باعدارلاماسىنا جالپى — 42 ملرد تەڭگە، ونىڭ ىشىندە اۋىلدىق جەرلەرگە — 31 ملرد تەڭگە جانە قالالار مەن مونوقالالار ءۇشىن — 11 ملرد تەڭگە قاراستىرىلعان.

«مەملەكەت باسشىسىنىڭ تاپسىرماسى بويىنشا قارجىلاندىرۋ 20 ملرد تەڭگەگە ۇلعايتىلىپ، بيىلعى جىلى 62 ملرد تەڭگەنى قۇراعان.

شاعىن نەسيە بەرۋدىڭ ساپالى اسەرىن قامتاماسىز ەتۋ ءۇشىن، سونداي-اق سوڭعى قارىز الۋشىعا قاراجات جەتكىزۋدى ۋاقىتىلى جوسپارلاۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى قوسىمشا بولىنەتىن 20 ملرد تەڭگەدەن اۋىلدار مەن شاعىن قالالارداعى نەسيەلەندىرۋگە شامامەن 14 ملرد تەڭگەنى ءبولۋدى ۇسىنعان بولاتىن. وسى سومانىڭ 10 ملرد تەڭگەسىن اۋىل شارۋاشىلىعىنىڭ ءىرى قايتا وڭدەۋ كاسىپورىندارى ماڭىنداعى «زاكىرلىك» كووپەراتسيا جوبالارىن ىسكە اسىرۋعا باعىتتاۋ ۇسىنىلادى. قالعان 6 ملرد تەڭگەنى قالالار مەن مونوقالالارداعى نەسيەلەندىرۋگە جۇمساۋ ۇسىنىلادى.

سونىمەن قاتار، بيزنەس-جوبالاردى قورعاۋ جانە شاعىن نەسيەلەردى الۋ ءۇشىن جۇمىسسىزدار مەن ءوزىن-ءوزى جۇمىسپەن قامتىعان ازاماتتار الدىمەن «باستاۋ–بيزنەس» جوباسى بويىنشا وقۋى كەرەك ەكەن. قوسىمشا بولىنەتىن قاراجاتتى ەسكەرە وتىرىپ، كاسىپكەرلىك نەگىزدەرىن وقىتۋعا جالپى ترانسفەرتتەر ەسەبىنەن كەم دەگەندە 1,2 ملرد تەڭگە ءبولۋ ۇسىنىلعان ەدى.

سونداي-اق، قالا مەن اۋىل ءۇشىن نەسيە بەرۋدىڭ ليميتتەرىن قايتا قاراۋدى جانە شاعىن نەسيەلەردى سوڭعى تۇتىنۋشىعا جەتكىزۋ تەتىكتەرىن پىسىقتاۋ قاجەتتىلىگى بار.

«جەڭىلدىكتى شاعىن نەسيەلەر 5 جىلعا دەيىنگى مەرزىمگە، ال مال شارۋاشىلىعى سالاسى مەن اۋىل شارۋاشىلىعى كووپەراتيۆتەرىن قۇرۋ جوبالارىنا – 7 جىلعا دەيىن، جىلدىق ءتيىمدى سىياقى مولشەرلەمەسى جىلىنا 6% اسپايتىنداي ەتىپ بەرىلەدى. كەپىلدىك جەتكىلىكسىز بولعان جاعدايدا، باعدارلاما قاتىسۋشىلارى نەسيەلىك مىندەتتەمەلەردى ورىنداۋدى قامتاماسىز ەتۋ تۇرىندە كەپىلدىك الۋعا قۇقىلى. جالپى، ۇسىنىلعان تەتىكتەردى جۇزەگە اسىرۋ ءۇشىن باعدارلاماعا، سونداي-اق قالالار مەن اۋىلدىق جەرلەردە شاعىن نەسيە بەرۋ ەرەجەلەرىنە وزگەرىستەر ەنگىزىلدى.

Abai.kz