بۇگىن ءماجىلىستىڭ الەۋمەتتىك-مادەني دامۋ كوميتەتى مەن «نۇر وتان» پارتياسى فراكتسياسى جانىنداعى الەۋمەتتىك كەڭەس بىرلەسىپ، «پەداگوگ مارتەبەسى تۋرالى» زاڭ جوباسىنىڭ تۇجىرىمدامالىق نەگىزدەرىن تالقىلادى. ءماجىلىس دەپۋتاتتارى ءبىرىنشى كەزەكتە، مۇعالىمدەردى الەۋمەتتىك قولداۋ، ولاردىڭ كاسىبي قىزمەتىندە قۇقىقتارىن قامتاماسىز ەتۋ ماسەلەلەرىنە نازار اۋداردى، - دەپ حابارلايدى اباي-اقپارات.

سوڭعى بىرنەشە اي بويى قوعام تالقىسىنا ۇسىنىلعان زاڭ جوباسىنىڭ تۇجىرىمداماسى مەن نەگىزگى نورمالارىن ءبىلىم جانە عىلىم ۆيتسە-ءمينيسترى ەلميرا سۋحانبەرديەۆا تانىستىرىپ، قارالىپ وتىرعان جوبا سوڭعى نۇسقا ەمەس ەكەنىن ايتتى.

كەزدەسۋگە ءماجىلىس دەپۋتاتتارى، ءبىلىم جانە عىلىم مينيسترلىگىنىڭ وكىلدەرى، وقىتۋشىلار، سالالىق كاسىپوداقتاردىڭ مۇشەلەرى، اتا-انالار كوميتەتتەرى مەن ءبىلىم بەرۋ سالاسىنىڭ ساراپشىلارى ءوز ويلارىن ايتىپ، پىكىر ءبىلدىردى.

«بەلەس» تالداۋ جانە ستراتەگيا ورتالىعى» قوعامدىق بىرلەستىگىنىڭ ديرەكتورى سەرىك يرساليەۆ جاستاردى پەداگوگ ماماندىعىن تاڭداۋعا ىنتالاندىراتىن فاكتورلار تۋرالى زەرتتەۋدىڭ ناتيجەلەرىن، سونداي-اق مۇعالىمنىڭ مارتەبەسىن كوتەرۋ جونىندەگى ۇسىنىستار ەنگىزدى.

ءماجىلىس دەپۋتاتتارى، ءبىرىنشى كەزەكتە، مۇعالىمدەردى الەۋمەتتىك قولداۋ، ولاردىڭ كاسىبي قىزمەتىندە قۇقىقتارىن قامتاماسىز ەتۋ ماسەلەلەرىنە نازار اۋداردى.

اتاپ ايتقاندا، پارلامەنت ءماجىلىسىنىڭ دەپۋتاتى ءابدىماناپ بەكتۇرعانوۆ مۇعالىمدەردىڭ قۇقىقتارىن قورعاۋ جونىندەگى وكىلەتتىلىكتى ەنگىزۋ جونىندە ۇسىنىس جاساپ، ولاردى تۇرعىن ۇيمەن قامتاماسىز ەتۋدىڭ ناقتى تەتىكتەرىن قاراستىردى. بۇدان باسقا، ولار تاربيە جۇمىسىن جۇرگىزۋگە مۇعالىمدەرگە قوسىمشا اقى تولەۋ تۋرالى، سونداي-اق مۇعالىمنىڭ كاسىبي مىندەتتەرىنە قاتىسى جوق جۇمىسقا ورنالاسۋ ءۇشىن اكىمشىلىك جاۋاپكەرشىلىكتى بەلگىلەۋ تۋرالى باياندادى.

ءماجىلىس دەپۋتاتى ناتاليا جۇمادىلداەۆا مۇعالىمنىڭ ار-نامىسى مەن قادىر-قاسيەتىن قورعايتىن جانە ونىڭ قاۋىپسىزدىگىن قامتاماسىز ەتەتىن ستاندارتتاردى ەنگىزۋدىڭ ماڭىزدىلىعىنا ەرەكشە نازار اۋداردى. تالقىلاۋ بارىسىندا اتا-انالاردىڭ ءوز بالالارىن تاربيەلەۋدەگى جاۋاپكەرشىلىگىن كۇشەيتۋ ماسەلەلەرى دە قارالدى.

وتىرىسقا قاتىسۋشىلاردىڭ پىكىرىنشە، بۇل ءتيىستى زاڭنامالىق اكتىلەرمەن بەكىتىلۋى ءتيىس. بۇل، ەڭ الدىمەن، بالالاردىڭ دەنساۋلىعى مەن مەكتەپتەن تىس ومىرىندە اتا-انالارىنىڭ ءجىتى نازارىندا بولۋى. تالقىلاۋدى ءماجىلىستىڭ ۆيتسە-سپيكەرى، «نۇر وتان» پارتياسى فراكتسياسىنىڭ جەتەكشىسى گۇلميرا يسيمباەۆا قورىتىندىلاپ، جاستار اراسىندا پەداگوگيكالىق ماماندىققا دەگەن سۇرانىستىڭ تومەندىگىنە توقتالدى. سونىمەن قاتار گ.يسيمباەۆا مۇعالىمدەرگە ەڭبەكاقى تولەۋ جۇيەسىن قايتا قاراۋ جونىندە شارالار قابىلداپ، مۇعالىمدەردىڭ الەۋمەتتىك ءال-اۋقاتىنا تىكەلەي اسەر ەتەتىن زاڭ جوباسىنىڭ نورمالارىن قارجىلىق نەگىزدەۋ بويىنشا كەشەندى جۇمىستى جۇزەگە اسىرۋدى ۇسىندى.

Abai.kz