قازاقستانعا ءۇش كۇندىك رەسمي ساپارمەن بەلورۋسسيا پرەزيدەنتى الەكساندر لۋكاشەنكو كەلدى. مارتەبەلى مەيمانىن ءوز اقورداسىندا قارسى العان ەلباسى مۇنى «ەكى ەل اراسىنداعى سەنىمنىڭ، ەكونوميكا ءھام ساياسي سالادا قالىپتاسقان ىنتىماقتاستىقتىڭ بەلگىسىنە» جورىدى. سوسىن بەلارۋس باسشىسىمەن ءوزىنىڭ بيىلعى جىلى تمد جانە باسقا ۇيىمدار اياسىندا الدا ءالى كەزدەسەتىندىگىن قوستى. اقورداداعى ءوزارا وڭاشا كەزدەسۋدەن شىققان سوڭ، قازاقستان كوشباسشىسى نۇرسۇلتان نازارباەۆ ا.لۋكاشەنكو جۇرگىزىپ وتىرعان ساياساتتى جانە ونىڭ ەكونوميكالىق، الەۋمەتتىك دامۋ باسىمدىقتارىن قولدايتىنىن مالىمدەدى. ال كەڭەيتىلگەن قۇرامداعى كەلىسسوزدەر بارىسىندا نۇرسۇلتان نازارباەۆ ءوزىنىڭ 2009 جىلعى بەلورۋسسياعا ساپارىن جىلىلىقپەن ەسكە الدى. سول كەزدە ەكى ەل اراسىندا ءبىراز ۋاعدالاستىققا قول جەتكىزىلىپتى. ەلباسى ولاردىڭ كەلەشەگى مول، ستراتەگيالىق، يندۋستريالىق جوبالار ەكەندىگىن ەسكە سالدى. «بۇلار 27 بىرلەسكەن كاسىپورىن، ونىڭ بەسەۋى ەندىگى ىسكە اسىرىلا باستادى. ءبىز كەلىسكەننىڭ بارلىعىن جۇزەگە اسىرۋعا ءتيىسپىز!» دەپ نىقتادى ن.نازارباەۆ. ايتقانداي، ارتىنشا، ولاردىڭ ومىردە قالاي ىسكە اسىرىلىپ جاتقاندىعى جونىندە ەكى جاقتان ۇكىمەتتەر باسشىلىقتارى بايانداپ بەردى.

قازاقستانعا ءۇش كۇندىك رەسمي ساپارمەن بەلورۋسسيا پرەزيدەنتى الەكساندر لۋكاشەنكو كەلدى. مارتەبەلى مەيمانىن ءوز اقورداسىندا قارسى العان ەلباسى مۇنى «ەكى ەل اراسىنداعى سەنىمنىڭ، ەكونوميكا ءھام ساياسي سالادا قالىپتاسقان ىنتىماقتاستىقتىڭ بەلگىسىنە» جورىدى. سوسىن بەلارۋس باسشىسىمەن ءوزىنىڭ بيىلعى جىلى تمد جانە باسقا ۇيىمدار اياسىندا الدا ءالى كەزدەسەتىندىگىن قوستى. اقورداداعى ءوزارا وڭاشا كەزدەسۋدەن شىققان سوڭ، قازاقستان كوشباسشىسى نۇرسۇلتان نازارباەۆ ا.لۋكاشەنكو جۇرگىزىپ وتىرعان ساياساتتى جانە ونىڭ ەكونوميكالىق، الەۋمەتتىك دامۋ باسىمدىقتارىن قولدايتىنىن مالىمدەدى. ال كەڭەيتىلگەن قۇرامداعى كەلىسسوزدەر بارىسىندا نۇرسۇلتان نازارباەۆ ءوزىنىڭ 2009 جىلعى بەلورۋسسياعا ساپارىن جىلىلىقپەن ەسكە الدى. سول كەزدە ەكى ەل اراسىندا ءبىراز ۋاعدالاستىققا قول جەتكىزىلىپتى. ەلباسى ولاردىڭ كەلەشەگى مول، ستراتەگيالىق، يندۋستريالىق جوبالار ەكەندىگىن ەسكە سالدى. «بۇلار 27 بىرلەسكەن كاسىپورىن، ونىڭ بەسەۋى ەندىگى ىسكە اسىرىلا باستادى. ءبىز كەلىسكەننىڭ بارلىعىن جۇزەگە اسىرۋعا ءتيىسپىز!» دەپ نىقتادى ن.نازارباەۆ. ايتقانداي، ارتىنشا، ولاردىڭ ومىردە قالاي ىسكە اسىرىلىپ جاتقاندىعى جونىندە ەكى جاقتان ۇكىمەتتەر باسشىلىقتارى بايانداپ بەردى.
ال بەلارۋس پرەزيدەنتى وسى ساپارىندا قازاقستاننىڭ عاجايىپ قارقىنمەن تۇرلەنىپ جاتقاندىعىنا تاڭداي قاقتى. «مەن بىلتىر كەلگەن بولاتىنمىن، سول كەزبەن سالىستىرعاندا، استاناداعى قايران قالدىرارلىق، جاعىمدى وزگەرىستەرگە كۋا بولۋدامىن! - دەدى ەلباسىعا قايىرىلعان ا.لۋكاشەنكو. - مەن ەندىگى جاس ساياساتكەر ەمەسپىن، كوپتى كوردىم: مەنىڭ كوز الدىمدا قابىلداعان شەشىمدەر مەن ويلارىڭىزعا ءسىز ەندىگى ومىرگە جولداما بەرگەن ەكەنسىز. استانادا قاجەتتىنىڭ ءبارى جاسالعان. سىزدەر ەل مەن ەلوردانى بايىپتى، جوسپارلى تۇردەگى دامىتۋعا كوشتىڭىزدەر! - دەگەن بەلورۋسسيا باسشىسى ءوز ەلىنىڭ قازاقتاردىڭ «عالامات، ايدىندى جوسپارلارىنا قوسىلۋدى» قالايتىنىن ءبىلدىردى.
اقورداداعى جوعارى دەڭگەيدەگى كەلىسسوزدەر ناتيجەسىندە ەكى مەملەكەت باسشىسى بىرلەسكەن مالىمدەمە قابىلدادى. ەلباسىنىڭ ايتۋىنشا، وندا «قازاقستاندىق-بەلارۋستىق بايلانىستاردى جانە ءار قىرلى ىنتىماقتاستىقتى دامىتۋدىڭ بۇكىل كەشەنى كورىنىس تاپقان».
بەلارۋس پرەزيدەنتىنىڭ ەلىمىزگە رەسمي ساپارى اياسىندا، سونداي-اق ەكى ەل ۇكىمەتتەرى «ۇكىمەتتىك بايلانىس سالاسىنداعى ىنتىماقتاستىق تۋرالى» كەلىسىمگە، ەكى ەلدىڭ قورعانىس مينيسترلەرى «مەملەكەتتىك اۋە كولىكتەرىنىڭ ۇشۋ قاۋىپسىزدىگى سالاسىنداعى ىنتىماقتاستىق تۋرالى» كەلىسىمگە جانە ەكى ەلدىڭ ىشكى ىستەر مينيسترلىكتەرى ءوزارا ىنتىماقتاستىق تۋرالى كەلىسىمگە قول قويدى.
ا.لۋكاشەنكونىڭ ساپارى بۇگىن دە جالعاسادى.

ايحان ءشارىپ

aikyn.kz