قاراسام، سۋ جاڭا پرەزيدەنت قاسىم-جومارت توقاەۆ مىرزا ءبىرىنشى ءىس-ساپارىمەن بۇرىڭعى ادەتىمەن كرەملگە ەمەس - قاسيەتتى تۇركىستانعا بارعان ەكەن. ول دۇرىس دەپ ەسەپتەيمىن، الدىمەن قاسيەتتى ارۋاقتارىمىز جاتقان جەرگە بارىپ، تاعزىم ەتىپ، اقساقالداردان باتاسىن الىپ، - ودان كەيىن ۇلكەن جۇمىسقا كىرىسكەنى ءجون. قازاقي سالت-داستۇرىمىزگە دە ساي قادام. كورشىلەر دە كورسىن، جاڭا پرەزيدەنتتىڭ ءبىرىنشى ءىس-ساپارى كرەملگە ەمەس، قاسيەتتى تۇركىستانعا بولدى.

ودان باسقا كادر شەشىمدەرىن دە قاراپ وتىرمىن. ءتاجين - ءسوزسىز ەڭ سالماقتى يدەولوگتارىمىزدىڭ ءبىرى - مەم حاتشىسى بولىپ تاعايىندالدى. ناقتى بۇل لاۋازىنا لايىقتى ادام دەپ ويلايمىن.

كەشەگى پرەمەر-مينيستر ساعىنتاەۆ مىرزا - پرەزيدەنت اكىمشىلىگىنىڭ جەتەكشىسى بوپ تاعايىندالدى، ول جۇمىستى جاقسى بىلەتىن ادام. كەشەگى ەكونوميكا ءمينيسترى - تەمىر سۋلەيمەنوۆ مىرزا - پرەزيدەنتتىڭ كەڭەسشىسى بولدى. ەكونوميكا جاعىنان ساۋاتتى جىگىت، تالاي رەت كەزدەسىپ اڭگىمەلەستىك. ال دوسىم بەرىك ءۋالي - ءباسپاسوز حاتشىسى بولدى، ءتىپتى جاقسى. ياعني بىزبەن بايلانىستا بولادى، پرەزيدەنتتىڭ جۇمىسىن قوعامعا اشىق كورسەتىپ وتىرادى دەگەن ءۇمىت بار.