بىزدەن تابىلعان "التىن ادامداردىڭ" كوبى تونالعان
ارحەولوگ زەينوللا ساماشەۆ:
ءبىزدىڭ قازاق جەرىنەن بىرنەشە "التىن ادام" تابىلدى. سولاردىڭ سانىنان ءوزىم جاڭىلدىم. شىندىعىن ايتقاندا، بىزدەن تابىلعان "التىن ادامداردىڭ" كوبى تونالعان. تەك 1969 جىلى بەلگىلى ارحەولوگتار – كەمەل اقىشەۆ پەن بەكمۇحانبەت نۇرمۇحانبەتوۆ ەسىك قورعانى مەن ەلەكە ساز قورىمىنان تابىلعان ەكى "التىن ادامنىڭ" زاتتارى تونالماي، بۇگىنگە ءبۇتىن كۇيىندە جەتىپ وتىر.
ماسەلەن، 1999 جىلى اتىراۋ وبلىسىندا ارالتوبە مەكەنىنەن "التىن ادام" تاپتىق. ول دا تونالعان. ونىڭ رەكونسترۋكتسياسىن مەن جاسادىم. ەلەكە سازدان تابىلعان ەر ادامنىڭ ءبىر اياق كيىمىندە جۇزدەگەن بىرلىكتى قۇراعان التىن بار.
سوسىن "التىن ادام" دەگەن ءسوز كوڭىلىمە ونشا قونا قويمايدى. مۇنى عىلىمي تىلدە "كيىمدەرى التىنمەن اشەكەيلەنگەن ادام" دەپ جازادى. نەمەسە "التىن كيىنگەن ادام" دەي سالايىق. بولمىسى بەكزات، تەكتى، مىنەزى جايساڭ، كوزى ءتىرى ازاماتتاردى "التىنعا" تەڭەسەك جاراسادى.
"التىن ادام" دەگەن ءسوزدى اۋەلدە جۋرناليستەر كەڭ قولداندى دا، كەيىن ول ەل اراسىنا تەز تارادى.
اسەت اقمولدانىڭ facebook پاراقشاسىنان
Abai.kz
