مەن قازاقستان رەسپۋبليكاسىنىڭ ازاماتى رەتىندە الماتى وبلىسى اۋماعىندا رەسەيدىڭ اتوم ەلەكتر ستانساسىن (اەس) سالۋعا ءۇزىلدى-كەسىلدى قارسىمىن! بۇل قۇرىلىستىڭ ەلىمىزگە كەلتىرەر زيانى وراسان!

بىرىنشىدەن، رەسەيگە تاۋەلدىلىگىمىز قازىرگىدەن دە ارتا تۇسەدى. اەس قازاقستان اۋماعىندا ورنالاسقانىمەن، ءىس جۇزىندە رەسەيدىڭ ەكونوميكالىق، ەنەرگەتيكالىق، قارجىلىق مۇددەسىنە جۇمىس ىستەيتىن بولادى. سەبەبى، قۇرىلىستى جۇرگىزەتىن، قاداعالايتىن – رەسەيلىك ماماندار. وعان قىزمەتكەرلەردى دايىندايتىن – رەسەي. بۇل قازاقستاندى رەسەيدىڭ ىقپالىندا ودان ءارى ۇستاپ تۇرۋدىڭ ءبىر ايلاسى!

ەكىنشىدەن، مۇنىڭ ەكولوگيالىق قاتەرى جايلى دا ويلانۋىمىز ءتيىس! ەرتەڭ تەحنوگەندى اپات ورىن الا قالسا، الماتى مەن الماتى وبلىسىنىڭ، قازاقستاننىڭ ەكولوگياسىنا، ادامدارىنىڭ ومىرىنە قاتەر تونبەك. جاپونيادا فۋكۋسيمادا اپات ورىن العاندا، ونىڭ سالدارى قانداي اۋىر بولعانىن بۇكىل الەم كوردى. وسى جاعىن نەگە ويلانبايمىز؟

ۇشىنشىدەن، قازاقستان ەنەرگەتيكالىق رەسۋرستارعا كەندە، كەدەي ەل ەمەس. مۇناي مەن گاز، كەرەك دەسەڭىز، مەندەلەەۆ كەستەسىنىڭ بارلىق ەلەمەنتتەرى قازاقستاندا بار. ولاي بولسا، بىزگە اەس سالۋدىڭ نە قاجەتى بار؟

مۇنداي جوبالاردى باستاماس بۇرىن بيلىك حالىقتىڭ پىكىرىن سۇراپ، قوعاممەن اقىلداسۋى ءتيىس.

ال ءبىز بۇعان ەل ازاماتى رەتىندە تۇبەگەيلى قارسى ەكەنىمىزدى بىلدىرەيىك.
كەلىسەسىز بە؟

جانبولات مامايدىڭ facebook پاراقشاسىنان

Abai.kz