ەل­باسى دۇنيەجۇزى قا­زاقتارىنىڭ V قۇرىلتايىندا  «وتانداستار» قورىن قۇرىپ، وسى قور ارقىلى دۇنيەجۇزى قا­زاق­­تارى قاۋىمداستىعىنا شەتەلدەگى اعايىنمەن بايلانىس جاساۋدى ءمىن­دەت­­تەگەن بولاتىن. قوردىق نەگىزگى ماقساتى - شەتەلدەگى جانە ەلگە كوشىپ كەلگەن اعايىنداردى قولداپ، قول ءۇشىن بەرۋ.

وسى تاپسىرماعا ساي 2017 جىلى 13 قازاندا قر پرەمەر-ءمينيسترى باقىتجان ساعىنتاەۆ ۇكىمەتتىڭ «وتانداستار قورى» مەملەكەتتىك كوممەرتسيالىق ەمەس اكتسيونەرلىك قوعامىن قۇرۋ تۋرالى» №644 قاۋلىسىنا قول قويدى.

قۇجاتقا سايكەس، قوعامداستىق قازاقستان رەسپۋبليكاسىنا كەلگەن ەتنيكالىق قازاقتار مەن شەتەلدىك اعايىندارعا قولداۋ كورسەتۋدى قامتاماسىز ەتەتىن بولادى. «وتانداستار قورى» مەملەكەتتىڭ تولىقتاي قاتىسۋىمەن قۇرىلىپ وتىر. مەملەكەتتىك اكتسيا پاكەتىنىڭ  50% يەلەنۋ جانە قولدانۋ قۇقىعى قر مادەنيەت جانە سپورت مينيسترلىگىنە بەرىلسە، قالعان جارتىسى - قر سىرتقى ىستەر مينيسترلىگىنە بەكىتىلدى.

«وتانداستار قورى» قۇرىلعاننان بەرى الىس-جۋىقتاعى اعايىندى قولداپ-قۋاتتاۋ ءۇشىن كوپتەگەن جۇمىستار اتقارۋدا. قور پرەزيدەتىن بولىپ تاعايىندالعان نۇرتاي ابىقاەۆتىڭ باستاۋىمەن قولعا العان جۇمىستارىن ءوز رەتىمەن جۇزەگە اسىرۋدا.

ماسەلەن، «وتانداستار قورى» وتكەن جىلدىڭ سوڭىندا تۇركيانىڭ  قوس بىردەي مەكەمەسىمەن ءوزارا تۇسىنىستىك تۋرالى مەموراندۋمعا قول قويدى. ونىڭ ءبىرى شەتەلدىك تۇرىكتەر جانە تۋىستاس حالىقتار باسقارماسى بولسا، ەكىنشىسى – يۋنۋس ەمرە ينستيتۋتى. قۇجات مەكەمەارالىق دياسپورا ساياساتىنا قاتىستى تاجىريبە الماسۋ، بىرلەسكەن جوبالاردى جۇزەگە اسىرۋدى كوزدەيدى. تاراپتار كەزدەسۋدە بىرلەسكەن جوبالاردى جۇزەگە اسىرۋ مۇمكىندىگىن قاراستىردى. سونداي-اق شەت ەلدەردە ءومىر سۇرەتىن تۇرىك جانە قازاق دياسپورالارى اراسىندا بايلانىستى ارتتىرىپ، ءوزارا ىنتىماقتاستىقتى ارتتىرۋ جولدارى ءسوز بولدى.

- مۇنداي مەموراندۋمعا ءبىرىنشى رەت قول قويىلىپ وتىر. ءوزىنىڭ وتانداستارىمەن تۇركى جاعى و زاماننان بەرگى قاراي ءتۇرلى ءىس-شارالار جاساپ جۇرگەن. سوندىقتان سولاردىڭ قاي دارەجەگە جەتكەنىن بىلەمىز، - دەگەن ەدى «وتانداستار قورى» كەۇ پرەزيدەنتى نۇرتاي ابىقاەۆ.

ال بيىل اقپان ايىنىڭ ورتاسىندا «وتانداستار قورى» پاۆلودار وبلىسىنىڭ اكىمدىگى ءوزارا ىنتىماقتاستىق تۋرالى مەموراندۋمعا قول قويعانىن حابارلادى. ەكى جاقتى كەلىسىمگە ساي، تاراپتار شەتەلدە تۇراتىن قانداستارعا جانە اتامەكەنگە قونىس اۋدارعان ەتنيكالىق قازاقتاردى قولداۋ باعىتىندا بىرلەسىپ جۇمىس اتقارۋعا كەلىستى.

ەكى جاقتى كەلىسىم قۇجاتىنا قول قويۋ شاراسىنا «وتانداستار» قورىنىڭ ايماقتارمەن جانە مەملەكەتتىك ورگاندارمەن جۇمىس جونىندەگى دەپارتامەنتتىڭ باسقارۋشى ديرەكتورى ءاليا ابەلدينوۆا، وبلىس اكىمىنىڭ ورىنباسارى مەيرام بەگەنتاەۆ، وبلىستىق ىشكى ساياسات باسقارماسىنىڭ باسشىسى ەرنۇر داۋەنوۆ جانە دۇنيەجۇزى قازاقتارى قاۋىمداستىعىنىڭ پاۆلودار وبلىستىق فيليالى توراعاسى بولات زاۋىت قاتىستى.

«وتانداستار» قورىنىڭ ايماقتارمەن جانە مەملەكەتتىك ورگاندارمەن جۇمىس جونىندەگى دەپارتامەنتىنىڭ باسقارۋشى ديرەكتورى ءاليا ابەلدينوۆانىڭ ايتۋىنشا، مەملەكەت باسشىسىنىڭ تاپسىرماسىمەن قۇرىلعان قوردىڭ ماقسات-مىندەتتەرى جايلى ايقىن، جوسپارلارى انىق:

- ءبىزدىڭ وتانداستارىمىزدىڭ كوبى قازاقستانمەن شەكارالاس اۋماقتارداتۇراتىنىن ەسكەرە وتىرىپ، قازاق دياسپوراسىن قولداۋ ماقساتىندا قور وبلىستىق اكىمدىكتەرمەن تىعىز ىنتىماقتاستىق ورناتىپ وتىر. بۇل، ءوز كەزەگىندە، ەرەكشە ماڭىزعا يە. بۇگىندە «وتانداستار» قورى ءتۇرلى باعىتتار بويىنشا بىرقاتار جوبالاردى جۇزەگە اسىرۋدا. ولار ءبىلىم، سپورت، مادەنيەت، انا ءتىلىن ۇيرەتۋ، بيزنەس-باستامالار جانە ت.ب. سالالاردى قامتيدى. سونداي-اق، قوردىڭ باستى مىندەتتەرىنىڭ ءبىرى تاريحي وتانىنا ورالعان قانداستاردىڭ ەلدە بەيىمدەلۋى بارىسىندا ولارعا اقپاراتتىق، ۇيىمداستىرۋشىلىق جانە كونسۋلتاتسيالىق كومەك كورسەتىپ، ولاردىڭ جەكە قۇقىقتارى مەن زاڭدى مۇددەلەرىن قولداۋ بولىپ تابىلادى، - دەدى ءاليا ساپابەكقىزى.

ال ءوز كەزەگىندە وبلىس اكىمىنىڭ ورىنباسارى مەيرام بەگەنتاەۆ وبلىستىق «انا ءتىلى» ورتالىعىندا شەتەل قازاقتارىن وقىتۋ كۋرسى باستالعانىن، وعان رەسەيدىڭ ءنوبوسىبىر، ومبى جانە التاي ولكەسىنىڭ ءتىل ماماندارى شاقىرىلعانىن ايتتى. پاۆلودار وبلىسىنا جۇمىس ساپارى اياسىندا «وتانداستار» قورىنىڭ وكىلدەرى ەتنيكالىق قازاقتاردى ۋاقىتشا ورنالاستىرۋ ورتالىعىنا بارىپ، ونداعى جاعدايمەن تانىسىپ قايتتى.

شەتتەگى جانە ەلدەگى قانداستارعا كومەك قولىن سوزۋ ءۇشىن تىنباي ەڭبەك ەتىپ جاتقان «وتانداستار قورى» مەملەكەتتىك كوممەرتسيالىق ەمەس اكتسيونەرلىك قوعامى وكىلدەرىنىڭ ايتۋىنشا، الداعى ۋاقىتتا پاۆلودار وبلىسى اكىمدىگىمەن جاسالعان كەلىسىمشارت نەگىزىندە وزگە ءوڭىر اكىمشىلىكتەرىمەن دە مەموراندۋم جاساۋعا ءۇمىتتى. اتاپ ايتقاندا، جاقىن ارادا استانا قالاسى اكىمدىگىمەن دە ءدال وسىنداي كەلىسىمشارت جاسالادى دەپ كۇتىلۋدە. سونىمەن قاتار شەتەلدەگى قانداستار اراسىندا شىعارماشىلىق بايقاۋ جاريالاۋدى دا جوسپارلاپ وتىرعان كورىنەدى.

Abai.kz