توقاەۆ ەۋروپاداعى قاۋىپسىزدىك جانە ىنتىماقتاستىق ۇيىمىنىڭ توراعاسىمەن كەزدەستى
قازاقستان پرەزيدەنتى ەۋروپاداعى قاۋىپسىزدىك جانە ىنتىماقتاستىق ۇيىمىنىڭ توراعاسى ميروسلاۆ لايچاكپەن كەزدەستى. بۇل تۋرالى اقوردانىڭ رەسمي سايتى حابارلادى.
قاسىم-جومارت توقاەۆ قازاقستاننىڭ سىرتقى ساياساتىنىڭ بەيبىتشىلدىك سيپاتىن اتاپ ءوتىپ، ەلىمىزدىڭ حالىقارالىق ۇيىمدارمەن اراداعى سىندارلى ىنتىماقتاستىققا ادال ەكەنىن ايتتى.
– ءسىزدىڭ سلوۆاكيانىڭ سىرتقى ىستەر ءمينيسترى ءارى ەۋروپاداعى قاۋىپسىزدىك جانە ىنتىماقتاستىق ۇيىمىنىڭ قازىرگى توراعاسى رەتىندە نۇر-سۇلتان قالاسىنا كەلگەنىڭىزگە قۋانىشتىمىن، – دەدى مەملەكەت باسشىسى.
حالىقارالىق ۇيىم جەتەكشىسى ەقىۇ-نىڭ ماقساتى قاقتىعىستاردىڭ الدىن الۋ، قاۋىپسىزدىكتى قامتاماسىز ەتۋ، جان-جاقتى ءتيىمدى ىنتىماقتاستىق ورناتۋ ەكەنىن اتاپ ءوتتى، سونداي-اق قازاقستاننىڭ حالىقارالىق داعدارىستاردى رەتتەۋدەگى ستراتەگيالىق رولىنە ەرەكشە توقتالدى.
– مەنى جانە دەلەگاتسيامىزدى قابىلداۋعا ۋاقىت تاپقانىڭىز ءۇشىن سىزگە العىس ايتامىن. مۇمكىندىكتى پايدالانا وتىرىپ، پرەزيدەنت لاۋازىمىنا كىرىسۋىڭىزبەن قۇتتىقتايمىن، سونداي-اق سىزگە جانە ەلىڭىزگە زور تابىس تىلەيمىن. ەۋروپاداعى قاۋىپسىزدىك جانە ىنتىماقتاستىق ۇيىمىنىڭ توراعاسى رەتىندە قازاقستانعا كەلگەنىمە قۋانىشتىمىن، – دەدى ميروسلاۆ لايچاك.
كەزدەسۋ اياسىندا تاراپتار كۇن تارتىبىندەگى وڭىرلىك جانە حالىقارالىق وزەكتى ماسەلەلەردى تالقىلاپ، قازاقستان رەسپۋبليكاسىنىڭ ەۋروپاداعى قاۋىپسىزدىك جانە ىنتىماقتاستىق ۇيىمىمەن ىقپالداستىعىنىڭ پەرسپەكتيۆالارىنا توقتالدى.
Abai.kz
