بۇيرابەكوۆانىڭ سوزىنشە، 2018 جىلدىڭ ناۋرىز-ءساۋىر ايلارىندا مينيسترلىك مونيتورينگ توبىن قۇرىپ، تەكسەرىس جۇرگىزگەن.

"مينيسترلىك ءدارى-دارمەكتى ساتىپ العانىنا قاراماستان، وزدەرىنە ءتيىستى پرەپاراتتاردى الا الماعاندارىن ايتقان ناۋقاستاردان كوپ شاعىم تۇسكەن سوڭ، تەكسەرىس جۇرگىزىلدى" دەيدى ول.

بۇيرابەكوۆا ناقتى قانداي ءدارى-دارمەك تۇرلەرى مەن ونى قانداي ناۋقاستار الا الماعانىن ايتپاعان.

كوميتەت توراعاسىنىڭ دەرەگىنشە، 2016-2017 جىلدارى قازاقستاننىڭ 11 وڭىرىندە قۇنى 4,3 ميلليارد تەڭگە بولاتىن ءدارى-دارمەك پايدالانىلماي قالعانى انىقتالعان. مينيسترلىك وكىلى "بۇعان قاراماستان ءدارى-دارمەكپەن قامتاماسىز ەتۋدىڭ بىرىڭعاي اقپاراتتىق جۇيەسىندە اتالعان ءدارى-دارمەكتەر ناۋقاستارعا بەرىلگەنى كورسەتىلگەنىن" ايتادى.

"مونيتورينگ توبىنىڭ بارلىق مالىمەتى باس پروكۋراتۋراعا بەرىلدى. 2018 جىلدان باستاپ قازىرگى ۋاقىتقا دەيىن وڭىرلەردە دە، مينيسترلىكتە دە تەكسەرۋ ءجۇرىپ جاتىر. وسى تەكسەرۋ ناتيجەلەرى بويىنشا 20-دان اسا قىلمىستىق ءىس قوزعالدى" دەيدى بۇيرابەكوۆا.

قازاقستان پرەزيدەنتى قاسىم-جومارت توقاەۆ جەكسەنبى، 7 ساۋىردە Twitter-دەگى پاراقشاسىندا ەلدەگى دەنساۋلىق ساقتاۋ سالاسىنا ءبىر تريلليون تەڭگەدەن استام قارجى بولىنگەنىن حابارلادى. ونىڭ ايتۋىنشا، ءالى كۇنگە دەيىن ايماقتاردا قاراپايىم مەديتسينالىق قىزمەتكە قول جەتكىزۋدىڭ ءوزى قيىن بولىپ وتىر.

Abai.kz