قازاقستان پرەزيدەنتى سۇقباتىندا ەكى ەلدىڭ ستراتەگيالىق ىنتىماقتاستىعىنىڭ نىعايۋىنا ەلباسى نۇرسۇلتان نازارباەۆ پەن وزبەكستان پرەزيدەنتى شاۆكات ميرزياەۆ ەلەۋلى ۇلەس قوستى دەپ اتاپ وتكەن.
«قازىر ماڭىزدى مىندەتتەردىڭ ءبىرى ساۋدا-ەكونوميكالىق بايلانىستى ارتتىرىپ، شەكارالىق قارىم-قاتىناستى تەرەڭدەتۋ. بۇل سالادا ءبىزدىڭ ەلىمىزدىڭ ۇلكەن مۇمكىندىگى بار. ەكى ۇكىمەتكە 2020 جىلعا قاراي تاۋار اينالىمىن 5 ملرد دوللارعا جەتكىزۋ جونىندە تاپسىرما بەرىلگەن»، - دەدى توقاەۆ.
توقاەۆتىڭ سوزىنشە، قازاقستان مەن وزبەكستان اراسىندا شەشىمى تابىلمايتىن ماسەلە جوق. ول ەكى ەل دوستىعىنىڭ ءارى قاراي دا ماڭگى جالعاسا بەرەتىنىنە سەنىمدى ەكەنىن جەتكىزدى.
بۇعان دەيىن ەكى ەل ەكىنشى پرەزيدەنتتەرىنىڭ العاشقى كەزدەسۋىندە «ماڭىزدى» قۇجاتتارعا قول قويىلاتىنى حابارلانعان. ساپاردا ادەتتەگىدەي ساۋدا، الەۋمەتتىك-گۋمانيتارلىق ماسەلەلەرگە قوسا كولىك-ترانزيت ماسەلەسى دە تالقىلانباق. توقاەۆ سونىمەن بىرگە وزبەكستانداعى قازاقستان جىلىنىڭ سالتاناتتى اشىلۋ راسىمىنە قاتىسپاق. ساپار اياسىندا پرەزيدەنتتىڭ باق وكىلدەرىنە ارنالعان بريفينگى دە جوسپارلانعان.
Abai.kz
