جۋىردا قازاق ۇلتتىق اگرارلىق ۋنيۆەرسيتەتىنىڭ عىلىمي كىتاپحاناسى زالىندا «رۋحاني جاڭعىرۋ» قوعامدىق-ساياسي، ادەبي-مادەني، عىلىمي رەسپۋبليكالىق جۋرنالى رەداكتسياسىمەن كەزدەسۋ ءوتتى. بۇل شارا «رۋحاني جاڭعىرۋ» باعدارلاماسىنا ەكى جىل تولۋىنا، اتالعان باسىلىمنىڭ جارىق كورە باستاعانىنا ءبىر جىل تولۋىنا وراي ۇيىمداستىرىلدى.

كەزدەسۋدى قازۇاۋ «رۋحاني جاڭعىرۋ» گۋمانيتارلىق زەرتتەۋلەر ورتالىعىنىڭ جەتكەشىسى، قر ۇعا اكادەميگى حانكەلدى ءابجانوۆ اشىپ، جۇرگىزىپ وتىردى.

«ەلباسى ۇسىنىپ وتىرعان «رۋحاني جاڭعىرۋ» يدەياسى ارقىلى قازاق قوعامى تىڭنان سەرپىلىس جاساۋى ءتيىس. ول ءۇشىن، ءبىز وسىعان دەيىن جەتكەن جەتىستىكتەرىمىزگە توقمەيىلسىمەي تاريحي جادىمىزدى جاڭعىرتا ءتۇسىپ، ءتول تاريحىمىزعا جاڭاشا ءۇڭىلىپ، مەملەكەتتىگىمىزدى ايقىنداي ءتۇسۋىمىز قاجەت.

بيىل ەلىمىزدە «جاستار جىلى» جاريالاندى. قانداي قوعامنىڭ بولماسىن باستى ءۇمىت ارتارى – جاستار ەكەنى ءسوزسىز. ويتكەنى جاستار – ەل ەرتەڭى، ۇلت بولاشاعى. جاستاردى رۋحاني قۇندىلىقتار ارقىلى تاربيەلەۋ ماڭىزدى. وسى باعىتتا «رۋحاني جاڭعىرۋ» باسىلىمىنىڭ اتقارىپ كەلە جاتقان جۇمىستارىنا وڭ باعا بەرەمىز» – دەپ اتاپ ءوتتى حانكەلدى ماحمۇتۇلى.

كىتاپحاناداعى كەزدەسۋگە «رۋحاني جاڭعىرۋ» جۋرنالىنان – باس رەداكتور، بەلگىلى جۋرناليست باقتيار قاباس، باس رەداكتوردىڭ ورىنباسارى، تالانتتى اقىن، جۋرناليست المات ءيسادىل،  اقىلداستار القاسىنىڭ مۇشەسى، فيلوسوفيا عىلىمدارىنىڭ دوكتورى ساپار وسپانوۆ قاتىسىپ، باسىلىمنىڭ باعىت-باعدارى تۋرالى ايتىپ، وقىرماندار ساۋالدارىنا جاۋاپ بەردى.

جۋرنالدىڭ جارىققا شىققان كۇنىنەن باستاپ، وقىرماندارعا جول تارتۋىنا الماتى وبلىسىنىڭ اكىمى اماندىق عابباسۇلى باتالوۆ مىرزا قولداۋ كورسەتىپ كەلە جاتقانى دا ايتىلدى.

كەزدەسۋدە ۋنيۆەرسيتەتتىڭ وقىتۋشى-عالىمدارى، ستۋدەنت جاستارى مەن كىتاپحانا قىزمەتكەرلەرى جۋرنالدىڭ مازمۇنى مەن بەزەندىرىلۋىنە  قاتىستى وي-پىكىرلەرىن ايتىپ ءوز ۇسىنىستارىن ءبىلدىردى.

باسقوسۋ بارىسىندا ۋنيۆەرسيتەتتەگى «قازاقستان تاريحى جانە قازاقستان حالىقتارى مادەنيەتى» كافەدراسىنىڭ مەڭگەرۋشىسى دوسالى يساحان، كافەدرانىڭ اعا وقىتۋشىسى مارات جۇماعۇلوۆ، كافەدرانىڭ قاۋىمداستىرىلعان پروفەسسورى سايات جۇمان سىندى تاريحشى عالىمدار «رۋحاني جاڭعىرۋ» جۋرنالى ارقالاعان جۇكتىڭ جەڭىل ەمەس ەكەنىن ايتىپ، باسىلىم بەتتەرىندە ۇلى دالامىزدىڭ ءالى دە تولىق اشىلماي جاتقان تاريحي قۇندى دۇنيەلەرى تۋرالى زەردەلى زەرتتەۋلەرگە كەڭىنەن ورىن بەرىلسە دەگەن تىلەكتەرىن ءبىلدىردى.

جۋرنالدىڭ باس رەداكتورى باقتيار قاباسوۆ مازمۇندى دا ماعىنالى كەزدەسۋ ۇيىمداستىرعان ۋنيۆەرسيتەتتىڭ وقىتۋشى-عالىمدارىنا ريزاشىلىعىن ءبىلدىرىپ، رەداكتسيا اتىنان «رۋحاني جاڭعىرۋ» گۋمانيتارلىق زەرتتەۋلەر ورتالىعىنىڭ جەتەكشىسى، اكادەميك حانكەلدى ءابجانوۆ پەن «رۋحاني جاڭعىرۋ» جۋرنالى باس رەداكتورىنىڭ ورىنباسارى، قازۇاۋ قوعاممەن بايلانىس باسقارماسىنىڭ باستىعى المات ءيسادىلدى ارنايى «العىس حاتپەن» ماراپاتتادى.

كەزدەسۋدى قورىتىندىلاعان اكادەميك حانكەلدى ماحمۇتۇلى جۋرنالدىڭ ەرەكشە رۋحاني مازمۇنعا يە ەكەنىن اتاپ ءوتىپ، باسىلىم رەداكتسياسى مەن ۋنيۆەرسيتەت قارىم-قاتىناسى الداعى ۋاقىتتا دا جالعاسىن تابا بەرەتىنىنە سەنىم ءبىلدىردى.

كەزدەسۋدەن كەيىن قوناقتار وقۋ ورنىنداعى «رۋحاني جاڭعىرۋ» عيماراتىندا ورنالاسقان «ن.نازارباەۆ ءبىلىم جانە عىلىم ورتالىعىن» ارالاپ، ورتالىقتاعى ەلباسى مۇراجايى، ستۋدەنتتىك «دوستىق» اسسامبلەياسى جانە ەلباسى كىتاپحاناسى جۇمىسىمەن تانىستى.

شارانى ۋنيۆەرسيتەتتەگى «رۋحاني جاڭعىرۋ» گۋمانيتارلىق زەرتتەۋلەر ورتالىعى مەن «قازاقستان تاريحى جانە قازاقستان حالىقتارى مادەنيەتى» كافەدراسى بىرلەسىپ ۇيىمداستىردى.

ەدىل انىقباي، قازۇاۋ «رۋحاني جاڭعىرۋ» گۋمانيتارلىق
زەرتتەۋلەر ورتالىعىنىڭ عىلىمي قىزمەتكەرى

Abai.kz