حرامنىڭ قۇرىلىسى 1163 جىلى باستالىپ 50 جىلعا جۋىق جۇرگىزىلدى (2013 ج. شىركەۋدىڭ 850 جىلدىعى تويلاندى).

حرام 18-عاسىردىڭ سوڭىندا ۇلى فرانتسۋز رەۆوليۋتسياسى كەزىندە توناۋعا ۇشىراپ، ىشىندەگى جادىگەرلەر تالان-تاراجعا ءتۇستى. توڭكەرىسشىلەر كەيبىر مۇسىندەردى قيراتىپ تاستادى، ءبۇلدىردى.
توڭكەرىسشىلەر وزدەرىنىڭ يدەيالارىن جاڭا ءدىن دەڭگەيىنە كوتەرۋ ءۇشىن شىركەۋگە «اقىل-ەس شىركەۋى» دەپ ات بەرىپ، حريستيان ءدىنىن ءوز سەنىمدەرىمەن الماستىرۋعا ارەكەت جاسادى. بىراق فرانتسۋز حالقى وعان ەلىگە قويمادى (ەلىككەندە فرانتسيا اتەيزمدى مەملەكەتتىك يدەياعا اينالدىرعان رەسەيدىڭ كەبىن كيۋى مۇمكىن ەدى).

وسى شىركەۋدە 1804 ج. جەلتوقسان ايىندا ناپولەون تاققا وتىرىپ، باسىنا يمپەراتور ءتاجىن كيدى.

توڭكەرىستەن قيراعان شىركەۋدى قالپىنا كەلتىرۋگە شىعىندانعىسى كەلمەگەن جەرگىلىكتى بيلىك شىركەۋدى ءسۇرىپ تاستاۋعا ارەكەت جاساعان كەزدەر دە بولدى. ۆيكتور گيۋگو (1802 - 1885) «قۇدان انا سوبورى» رومانىن سوعان قارسىلىق رەتىندە جازعان دەسەدى.ودان كەيىن دە پاريج قۇداي انا سوبورى كوپتەگەن اقىن-جازۋشى، سۋرەتشى، كومپوزيتورلاردىڭ شىعارمالارىنا ارقاۋ بولدى.

شىركەۋدەگى 7300 تۇتىكتەن تۇراتىن ورگان اسپابى ۇلكەندىگى جاعىنان فرانتسياداعى ەكىنشى ورگان. ءار جەكسەنبى سايىن شىركەۋگە كەلۋشىلەردى ورگان داۋىسى قارسى الاتىن.

شىركەۋدە يسا پايعامبارعا قاتىستى 3 جادىگەر ساقتالعان – القورى اعاشىنىڭ بۇتاقتارىنان ورىلگەن ءتاج، يسا پايعامبار كەرىلگەن كرەستىڭ فراگمەنتى مەن پايعامباردىڭ دەنەسىنە قاعىلعان شەگەنىڭ ءبىرى.

جادىگەرلەر قۇتقارىلىپتى دەسەدى.

شىركەۋدىڭ ءبىرجولا كۇيرەگەنىن ەستىگەن كەيبىر فرانتسۋز اسىرەتولەرانتشىلدارى "فرانتسيادا حريستيان شىركەۋلەرىنىڭ سانى مەشىتتەرمەن سالىستىرعاندا اناعۇرلىم كوپ. سوندىقتان شىركەۋدىڭ ورنىنا فرانتسياداعى ەڭ ۇلكەن مەشىت سالىنۋى ءتيىس"- دەپ جاريالاپ تا جىبەردى.
قۇداي-اۋ، حريستيان شىركەۋلەرى پاريجدە كوپ بولماعاندا مەككە-مادينەدە كوپ بولۋى كەرەك پە؟
اسىرەتولەرانتشىلدار تەك قازاقستاندا عانا ەمەس، الەم استاناسى پاريجدە دە جەتەرلىك ەكەن...

ءومىر شىنىبەكۇلىنىڭ facebook پاراقشاسىنان

Abai.kz