Nur Otan پارتياسىنىڭ توراعاسى ن. ءا. نازارباەۆتىڭ پارتيانىڭ كەزەكتى سەزىندە بەرگەن تاپسىرمالارىن ىسكە اسىرۋ بارىسى وبلىستا وتكەن كەزەكتەن تىس كونفەرەنتسيادا تالقىلاندى. ناقتىراق ايتقاندا، «باقىتتى وتباسى»، «حالىققا كومەك»، «اۋىل - ەل بەسىگى»، «قۇتتى مەكەن» ۇلتتىق جوبالارى، سونداي-اق "ساياسي قۇرىلىمنىڭ كەزەكتەن تىس XIX سەزىنە دەلەگاتتاردى سايلاۋ ماسەلەسى تالقىلاندى.

اتالعان باعدارلامالاردىڭ جۇزەگە اسىرىلۋ بارىسى تۋرالى پارتيانىڭ وبلىستىق فيليالى توراعاسىنىڭ ءبىرىنشى ورىنباسارى نيكولاي دىچكو ايتىپ بەردى.

«پاۆلودار وبلىسىندا 14 الەۋمەتتىك تەرەزە اشىلدى. كەز كەلگەن تۇرعىن تەرەزەگە كەلىپ، مازالاعان سۇراعىن قويا الادى. سونىمەن قاتار، ساll-ورتالىق، ەلەكتروندى پوشتا مەن الەۋمەتتىك جەلىلەردى قولدانۋعا بولادى. بۇگىنگى كۇنگە دەيىن حالىق تاراپىنان 623 ءوتىنىش ءتۇستى، ولاردىڭ 67-ءى وڭ شەشىمىن تاپتى»، - دەيدى نيكولاي دىچكو.

«حالىققا كومەك» جوباسى بويىنشا وزەكتى ماسەلەلەردى شەشۋ ماقساتىندا كەلىپ تۇسكەن اقپاراتتار جۇيەلەندىرىلىپ، سالا ماماندارىنا تاپسىرىلادى.

«باقىتتا وتباسى» جوباسى بويىنشا پارتيا جانىنان وتباسى قۇقىقتارىن قورعاۋ بويىنشا كەڭەس قۇرىلدى. ارنايى «جول كارتاسى» جاسالدى. وسىلايشا، از قامتىلعان وتباسىلاردى قولداۋمەن قاتار، الەۋمەتتىك ورتادا تۋىنداۋى مۇمكىن ماسەلەلەردى الدىن الۋدى كوزدەيمىز. وڭىردە بۇل ساناتقا جاتاتىن وتباسىلاردى قولداۋعا 3,2 ملرد تەڭگە قاراستىرىلعان. كوپبالالى وتباسىلاردا تاربيەلەنەتىن 3,5 مىڭ بالا مەكتەپ جانە بالاباقشا اسحانالارىندا تەگىن تاماقتاناتىن بولدى. ال اتا-انالاردىڭ ءبىرى قوعامدىق كولىكتە تەگىن ءجۇرۋ قۇقىعىن يەلەندى»، - دەيدى نيكولاي دىچكو.

قازىرگى ۋاقىتتا 800-گە جۋىق كوپبالالى جانە الەۋمەتتىك از قامتىلعان وتباسى قامقورلىققا الىندى. ولاردىڭ ەلەكتروندى الەۋمەتتىك تولقۇجاتتارى جاسالىپ، ءومىر ءسۇرۋ دەڭگەيى زەرتتەلدى.

پارتيانىڭ ايماقتىق فيليالىنىڭ كەڭەسشىسى باۋىرجان پارۋوۆتىڭ ايتۋىنشا، يگى ىستەر «باقىتتى وتباسى» جوباسى شەڭبەرىندە قولعا الىندى. بۇگىنگى كۇنگە دەيىن 300-دەن استام وتباسى ناقتى كومەكپەن قامتىلدى. تاعى 200 جانۇيا كاسىپكەرلەر مەن ۇيىمداردىڭ قامقورلىعىندا. جوبا بويىنشا ايماقتا 756 وتباسىنىڭ بالالارىنا ارنالعان الەۋمەتتىك كارتالار بويىنشا جۇمىستار جۇرگىزىلدى.

دەرەككوز: baq.kz