اتالعان  وقيعانى ءبىلىم جانە عىلىم مينيسترلىگى ارنايى تەكسەرەتىن بولدى. اۋىلداعى مەكتەپ مۇعالىمى وقۋشىنىڭ دەنەسىنەن كوگەرگەن ىزدەردى كورىپ، پوليتسيا شاقىرعان.

قازىر تاڭدا وسى وقيعاعا بايلانىستى قىلمىستىق ءىc قوزعالدى. قىزداردىڭ وگەي اناسى پوليتسيا بولىمشەسىنە جەتكىزىلگەن.

«سوراقى جاعداي تىركەلدى. وگەي اناسى قىزداردى ۇرعان. پىشاق، قىسقىشتان العان جاراقاتىنىڭ ىزدەرى بار. ءىستى قر باس پروكۋراتۋراسى، ءىىم، بعم ءوز باقىلاۋىنا الدى. دەرەك بويىنشا ەگجەي-تەگجەيلى تەرگەۋ بولىپ جاتىر»، – دەپ حابارلادى مينيسترلىك.

تۇركىستان وبلىسىنىڭ ءبىلىم باسقارماسى بالانىڭ ۇيدە زارداپ شەككەنىن راستادى. جاپا شەككەن قىزدار اجەسىمەن تۇرىپ جاتىر.

ءبىلىم جانە عىلىم ءمينيسترى كۇلاش ءشامشيدينوۆانىڭ تاپسىرماسىمەن بۇگىن ءمينيستردىڭ كەڭەسشىسى رايسا شەر تۇركىستان وبلىسىنا اتتاندى.

دەرەككوز: «ايقىن» اقپارات

Abai.kz