ۇكىمەتتىك كوميسسيا قۇرامىنا توتەنشە جاعدايلار مينيسترلىگى، دەنساۋلىق ساقتاۋ مينيسترلىگى، سىرتقى ىستەر مينيسترلىگى، ىشكى ىستەر مينيسترلىگى جانە باسقا دا مەكەمەلەردىڭ وكىلدەرى كىردى. كوميسسيا مۇشەلەرى زارداپ شەككەندەرگە كومەكتەسۋ جانە جول اپاتىن تەكسەرۋ ءۇشىن وقيعا ورنىنا باردى.

"ۇكىمەتتىك كوميسسياعا قازاقستاندىق تاراپپەن بىگە جول اپاتىنان قازا تاپقانداردى ەلگە جەتكىزۋ، ولاردىڭ وتباسىلارىنا قاجەتتى كومەك كورسەتۋ تاپسىرىلعان" دەلىنگەن توتەنشە جاعدايلار مينيسترلىگى تاراتقان اقپاراتتا.

قوردايداعى جول اپاتىنان وزبەكستانىڭ ءۇش ازاماتى قازا تاپتى. تاعى 13 وزبەكستاندىق جاراقات العان، ولاردىڭ ۇشەۋى اۋىر قالدە جاتىر. ولاردىڭ بارلىعى قورداي اۋداندىق اۋرۋحاناسىنا جەتكىزىلدى. وقيعا ورنىنا قازاقستاننىڭ وزبەكستانداعى ەلشىلىگىنىڭ قىزمەتكەرلەرى باردى.

ەسكە سالايىق، الماتى - تاشكەنت كۇرە جولىنىڭ 181-شاقىرىمىندا 20 ساۋىردە ساعات 05:09-دا جولاۋشى اۆتوبۋسى اپاتقا ۇشىرادى. وعان جول بويىندا بۇعان دەيىن اپاتقا ۇشىراعان ەكى اۆتوكولىك سەبەپ بولعان. جولاۋشى اۆتوبۋسى ولاردى اينالىپ وتپەك بولىپ، اۋدارىلىپ تۇسكەن.

اۆتوبۋس سالونىندا 47 جولاۋشى بولعان. اپاتتان 11 ادام قازا تاپتى.

Abai.kz