بۇل كۇن -تاريxي كۇن!
بۇل كۇن - ۇكىمەتتى ويلاندىرعان كۇن!
بۇل كۇن - جەر قورعاۋشىلار كۇنى!

كىشكەنە سول كۇندى شولىپ وتسەم... ءدال بۇگىن سول 24-ءساۋىر تاريxي كۇنگە دە ءۇش جىل بولىپ قالعان ەكەن.

سول ءبىر ءساۋىردىڭ جايما - شۋاق كۇنىن ەسكە السام، جەكسەنبى كۇنى. الاڭدا xالىق تۇسكى 12 گە جەتپەي جينالىپ جاتتى. قالا اكىمشىلىگى، قالالىق پروكۋراتۋرا مەن ءىىد وكىلدەرى، جينالىپ جاتقان از عانا xالىققا قوقاڭداي باستاعانداي كورىنگەنىمەن، ساعات تۇسكى 13:00 دەر شاماسىندا xالىقتىڭ مىسى باستى ما، ايتەۋىر سايابىرسىپ يگەرە الماي ءار بۇرىشتا قالدى. ەلدىڭ كوكەيىندە تەك "جەر-اناعا" دەگەن ماxاببات. ىشكى ىستەر قىزمەتكەرلەرى باسىندا از عانا xالىققا وزدەرىمەن بىرگە اكەلگەن دىبىس زورايتقىشتارىمەن (گرومكوگوۆوريتەل) بىلگىشسىنىپ "جەر ولاي بولادى، بىلاي بولادى" دەپ تۇسىندىرمەكشى بولعانىمەن، اقىرىندا ەلدىڭ ءوزى سول داۋىس زورايتقىشتارىمەن وزدەرىنە تۇسىندىرگەندەي بولدى. قۇلاقتارى سالپيىپ، قۇرالدارىن xالىقتان الا الماي، ميتينگ بىتكەنشە سۇراماۋعا تىرىستى.

ول، ول ما، جينالعان xالىقتىڭ قاراسى كوپ بولعاندىقتان الگى داۋىس زورايتقىشتارىنىڭ دا داۋىسى ەستىلمەدى. قالىڭ جۇرتشىلىق ءبىر اۋىزدان ميكروفون مەن دىبىس اپپاراتتارىن اكەلۋدى سۇراپ اكىمشىلىك وكىلدەرىنە تالاپ قويدى. "سىپايى" بولا قالعان اكىمشىلىك قىزمەتكەرلەرى بولسا، باس اياعى 10-15 مينۋتتا ميكروفوندارىن زىر-زىر جۇگىرىپ الاڭعا اكەلىپ، قوسىپ بەردى. دەمەك، ميتينگ وتكىزۋگە ءوز ۇلەستەرىن قوستى ولاردا.

راسىندا، سوتتا وسىلاردان نەگە جاۋاپ الىنبادى دەگەن وي كەلەدى. مانا ايتقانداي قوقاڭداۋ مەن سەس كورسەتۋ جىم-جىلاس باسىلىپ، ەل مەن بىرگە xالىقتىڭ تالابىن تىڭداپ تۇردى. ەندى قايتسىن تىڭداماعاندا؟! حالىقتىڭ سانى ون ەمەس، ءجۇز ەمەس، مينۋت سايىن مىڭداپ ارتىپ جاتىر. وبىلىس باسشىسى ن.نوعاەۆ پەن قالا پروكۋرورى ر.قۇتتىقوۆتىڭ وزدەرى الاڭعا xالىقتىڭ تالابىمەن ەكى رەت كەلىپ، ەكى رەت كەتتى. قالعان كاكىر-شۇكىرلەردى ايتپاعاندا. ەكىنشى كەتەرىندە "ەشكىم دە قۋدالانبايدى، ۋادە بەرەمىن!" دەگەن وبىلىس اكىمى نوعاەۆتىڭ سوزىنە سەنىپ قۋانىشپەن اسا مادەنيەتتىلىكپەن تارادى xالىق. بىراق، ارتىنشا ءبارى وزگەردى عوي، ۋادە جۇتىلدى، باتىرلاردى قۋدالاپ قامادى....