استانا. 17 ماۋسىم. قازتاگ – ەلىمىزدىڭ جولدارىندا بەس ايدىڭ ىشىندە 791 ادامنىڭ قازا بولۋىنا، 4 مىڭ 569 ادامنىڭ جاراقات الۋىنا سەبەپ بولعان 3 مىڭ 965 جول-كولىك وقيعاسى تىركەلدى، – دەپ حابارلايدى قازاقستان ءىىم جول پوليتسياسىنىڭ كوميتەتى (جپك).

وتكەن سەيسەنبى كۇنى ۆيتسە-مينيستر ولەگ فەدوروۆتىڭ، جپك باسشىلىعىنىڭ جانە جول پوليتسياسىنىڭ ايماقتىق باسقارمالارىنىڭ قاتىسۋىمەن وتكەن كەڭەستە وسىنداي ساندار جاريا ەتىلدى.

تاراتىلعان اقپاراتتا ايتىلعانداي، ءىىم-دە وتكەن كەڭەستە جول پوليتسياسىنىڭ وبلىستىق، استانا جانە الماتى قالالارىنداعى قىزمەتتەرىنىڭ بەس ايداعى جۇمىسىنىڭ قورىتىندىسى ساراپتالىپ، الداعى كەزەڭگە مىندەتتەر قويىلدى.

كەڭەسكە قاتىسۋشىلار قازاقستاننىڭ جول-كولىك كەشەنى كۇردەلى جاعدايدا قىزمەت ەتىپ وتىرعانىن اتاپ ءوتتى. اۆتوپاركتىڭ ءوسۋ قارقىنى كوشە–جول جەلىسىنىڭ دامۋ قارقىنىنان الدا كەلەدى. «جول قوزعالىسىنداعى قاۋىپتەردە نەگىزىنەن ادامي فاكتور جانە جۇرگىزۋشىلەردىڭ ءتارتىبى ماڭىزدى بولىپ تابىلادى. مادەنيەتسىزدىك، قولدانىستاعى ەرەجەلەر مەن زاڭداردى ساقتاماۋ، ءوزىنىڭ جۇرگىزۋ شەبەرلىگىن لايىقتى باعالاماۋ جول-كولىك اپاتتارىنىڭ  89 پايىزىنا سەبەپ بولىپ جاتادى»، – دەپ اتاپ كورسەتىلگەن ءباسپاسوز مالىمدەمەسىندە.

استانا. 17 ماۋسىم. قازتاگ – ەلىمىزدىڭ جولدارىندا بەس ايدىڭ ىشىندە 791 ادامنىڭ قازا بولۋىنا، 4 مىڭ 569 ادامنىڭ جاراقات الۋىنا سەبەپ بولعان 3 مىڭ 965 جول-كولىك وقيعاسى تىركەلدى، – دەپ حابارلايدى قازاقستان ءىىم جول پوليتسياسىنىڭ كوميتەتى (جپك).

وتكەن سەيسەنبى كۇنى ۆيتسە-مينيستر ولەگ فەدوروۆتىڭ، جپك باسشىلىعىنىڭ جانە جول پوليتسياسىنىڭ ايماقتىق باسقارمالارىنىڭ قاتىسۋىمەن وتكەن كەڭەستە وسىنداي ساندار جاريا ەتىلدى.

تاراتىلعان اقپاراتتا ايتىلعانداي، ءىىم-دە وتكەن كەڭەستە جول پوليتسياسىنىڭ وبلىستىق، استانا جانە الماتى قالالارىنداعى قىزمەتتەرىنىڭ بەس ايداعى جۇمىسىنىڭ قورىتىندىسى ساراپتالىپ، الداعى كەزەڭگە مىندەتتەر قويىلدى.

كەڭەسكە قاتىسۋشىلار قازاقستاننىڭ جول-كولىك كەشەنى كۇردەلى جاعدايدا قىزمەت ەتىپ وتىرعانىن اتاپ ءوتتى. اۆتوپاركتىڭ ءوسۋ قارقىنى كوشە–جول جەلىسىنىڭ دامۋ قارقىنىنان الدا كەلەدى. «جول قوزعالىسىنداعى قاۋىپتەردە نەگىزىنەن ادامي فاكتور جانە جۇرگىزۋشىلەردىڭ ءتارتىبى ماڭىزدى بولىپ تابىلادى. مادەنيەتسىزدىك، قولدانىستاعى ەرەجەلەر مەن زاڭداردى ساقتاماۋ، ءوزىنىڭ جۇرگىزۋ شەبەرلىگىن لايىقتى باعالاماۋ جول-كولىك اپاتتارىنىڭ  89 پايىزىنا سەبەپ بولىپ جاتادى»، – دەپ اتاپ كورسەتىلگەن ءباسپاسوز مالىمدەمەسىندە.

كەڭەس بارىسىندا جپك توراعاسى پولكوۆنيك ق. تىنىبەكوۆ اتىراۋ، اقمولا، اقتوبە، الماتى، قوستاناي جانە وڭتۇستىك قازاقستان وبلىستارى جول پوليتسياسىنىڭ قىزمەتىن سىنعا الدى، بۇل ايماقتارداعى جول پوليتسياسىنىڭ باسشىلارىنا جول قوزعالىسىنداعى قاۋىپسىزدىكتى قامتاماسىز ەتۋدەگى، جەمقورلىققا قارسى تۇرۋداعى، جپ كادرلىق قۇرامىنداعى زاڭدىلىق پەن ءتارتىپتى نىعايتۋداعى ولقىلىقتار مەن كەمشىلىكتەر اتاپ كورسەتىلدى.

ناتيجەسىندە مينيسترلىكتىڭ باسشىلىعى مەملەكەت باسشىسىنىڭ تالاپ ەتۋىنە سايكەس، جپك جانە ونىڭ ايماقتىق قىزمەتتەرىنىڭ الدىنا ءوز قاتارىنداعى جەمقورلىقپەن كۇرەستى كۇشەيتىپ، حالىقتىڭ جول پوليتسياسىنا دەگەن سەنىمىن ارتتىرۋ بويىنشا ناقتى مىندەتتەر قويدى. سونىمەن قاتار، جولدارداعى قاۋىپسىزدىكتى نىعايتىپ، كولىكتىك ءتارتىپتى جاقسارتۋ جانە جول-كولىك وقيعالارىنىڭ جانە جولدا قازا بولاتىن ادامداردىڭ سانىن ازايتۋ باعىتىندا شارالار قولعا الۋ تاپسىرىلدى، – دەلىنگەن حابارلامادا.