قازاقستاننىڭ پاتريوتتارى قازاقستان پرەزيدەنتى قاسىم-جومارت توقاەۆتىڭ "قازاقستان - دەموكراتيالىق مەملەكەت. پرەزيدەنت حالىقتىڭ تاڭداۋىمەن سايلانادى.  مەن، مەملەكەت باسشىسى رەتىندە، سايلاۋدىڭ تازا، اشىق ءارى ءادىل وتۋىنە كەپىلدىك بەرەمىن!  بۇل - مەنىڭ بەرىك ۇستانىمىم!  الدىمىزدا زور مىندەتتەر تۇر. مەن حالقىمىزعا، ياعني سىزدەرگە سەنەمىن.

قادىرلى وتانداستار!
"التاۋ الا بولسا، اۋىزداعى كەتەدى، تورتەۋ تۇگەل بولسا، توبەدەگى كەلەدى" دەيدى دانا حالقىمىز. الداعى سايلاۋعا بارشاڭىزدى بارىنشا جاۋاپكەرشىلىكپەن قاراۋعا شاقىرامىن.

ەلىمىزدىڭ كەلەشەگى، ءار وتباسى مەن ءار ازاماتتىڭ تاعدىرى سىزدەردىڭ شەشىمدەرىڭىزگە تىكەلەي بايلانىستى!" - دەگەن سوزدەرىن نەگىزگە الىپ، جەر-جەرلەردە ء"ادىل سايلاۋ" قوعامدىق شتابتارىن قۇرۋ كەرەك.
سايلاۋدىڭ ءادىل وتۋىنە كونستيتۋتسيانىڭ گارانتى - پرەزيدەنت مۇددەلى ەكەنىن كورىپ وتىرسىزدار.
ەندەشە ەلىن سۇيەتىن ءاربىر ازامات سايلاۋدىڭ ءادىل وتۋىنە مۇددەلى بولۋى ءتيىس.