قازىبەك يسا. ءبىزدى سايلاۋعا زاڭىمىزدىڭ زاڭسىز توسقاۋىلى جىبەرمەدى…
پرەزيدەنت سايلاۋىنىڭ ءدۇبىرى ەستىلە سالىسىمەن الەۋمەتتىك جەلى مەن چاتتاردا «اق جولدان» سايلاۋعا كىم تۇسەدى؟ ازات پەرۋاشەۆ نەمەسە ءسىز تۇسەتىن بولارسىز؟» دەگەن ساۋالدار كوپ قويىلا باستادى. ال 24 ساۋىردەگى پرەزيدەنتتىككە ۇمىتكەر انىقتالعان پارتيا قۇرىلتايىنان سوڭ ەندى «نەگە ءسىز سايلاۋعا تۇسپەدىڭىز؟ ءبىز ءسىزدى تۇسەدى دەپ ۇمىتتەنىپ ەدىك؟»-دەگەن ساۋالدار قاپتاي باستادى. كەشە شىمكەنتكە، تۇركىستان وبلىسىنا بارعاندا دا ساياساتتان xابارى بارلاردىڭ كوبىسىنىڭ، اسىرەسە، ەل اعالارىنىڭ ەڭ الدىمەن قويعان سۇراعى وسى بولدى…
«اق جول» پارتياسى توراعاسى ازات پەرۋاشەۆ بۇل ماسەلەگە بايلانىستى قۇرىلتاي ۇستىندە-اق وزىنە بايلانىستى دا، ماعان بايلانىستى دا جاۋابىن بەردى. «قازەكەڭە بايلانىستى ايتارىم، پارتياداعى زيالى قاۋىم وكىلدەرىنىڭ پرەزيدەنتتىككە ۇمىتكەرلىككە تۇسە الماۋىنا مەملەكەتتىك قىزمەتتەگى كەمىندە 5 جىل قىزمەت ءوتىلىنىڭ بولماۋى سەبەپ بولدى» دەدى.
ءيا، نەگىزى پرەزيدەنت سايلاۋىنا 30 جىلدان بەرى العاش رەت ەلباسى نۇرسۇلتان نازارباەۆ قاتىسپايتىندىقتان، ۇمىتكەرلەر بۇرىنعىدان ەكى-ءۇش ەسە كوپ بولۋى كەرەك ەدى… بىراق، وتكەندە ۇلتتىق كىتاپxاناداعى قازاق قالامگەرلەرىنىڭ جيىنىندا دا ايتتىق، بۇل جەردە سايلاۋ تۋرالى زاڭنىڭ ءبىر كەمشىلىگى، پرەزيدەنتتىككە ۇمىتكەر بولىپ، مەملەكەتتىك قىزمەتتە 5 جىل ىستەگەن شەنەۋنىكتەر عانا تىركەلە الاتىندىعىندا بولىپ تۇر… بەس جىل مەملەكەتتىك قىزمەت ءوتىلى بار، جاسى 40-تان اسقان ادامدى ىزدەسەك، بۇكىل حالقىمىزدىڭ 10 پايىزىنا دا جەتپەيدى ەكەن… سوندا قالعان حالىقتىڭ پرەزيدەنت سايلاۋىنا قاتىسۋ قۇقى شەكتەلە بەرمەك پە؟ قازاعىم دەپ، قابىرعاسى قايىسىپ، قايرات كورسەتىپ جۇرگەن قايراتكەرلەر دە، كاسىبى ارقىلى ەلدىڭ ءناسىبىن ارتتىرىپ جۇرگەن كاسىپكەرلەر دە، ۇلتىما بولسىن دەپ جۇرگەن ۇلت زيالىلارى دا بەس جىل مەملەكەتتىك قىزمەتتە ىستەمەگەندىكتەن، پرەزيدەنت سايلاۋىنا قاتىسا الماي قالدى… ءبىزدىڭ زاڭدارىمىز بويىنشا الپاۋىت ەل اقش-تىڭ پرەزيدەنتى، ميللياردەر دونالد ترامپ تا، پرەزيدەنت بولماق تۇگىلى، سايلاۋعا ۇمىتكەر بولىپ تىركەلە المايدى… بۇل تالاپ «اركىم سايلاۋعا دا، سايلانۋعا دا قۇقىلى» دەگەن كونستيتۋتسيامىزعا قايشى بولىپ تابىلادى.
بيىلعى سايلاۋدا كىم پرەزيدەنتتىككە ۇمىتكەر بولىپ تىركەلسە دە، ءتىپتى قۇداي قولداپ پرەزيدەنت بولسا دا، ەڭ الدىمەن ەلدەن الار باستى اماناتىنىڭ بىرەگەيى ۇلتتىق مۇددەمىزدى قورعاۋ بولۋى ءتيىس! ۇلتتىق مۇددە دەگەنىمىز ماڭىزى الەۋمەتتىك-ەكونوميكالىق الەۋەتتەردى ارتتىرۋدان ەش كەم ەمەس – مەملەكەتتىك تىلدەن باستالادى! بىزدە وسى وتىز جىلداي ۋاقىتقا دەيىن مەملەكەتتىك ءتىل تۋرالى زاڭ قابىلدانعان جوق! سول باياعى كەڭەس وداعى كەزىندەگى – قىزىل يمپەرياعا وتار كەزىمىزدە قابىلدانعان تىلدەر تۋرالى زاڭدى جاماپ-جاسقاۋمەن كەلەمىز… وزگە تاۋەلسىزدىك العان مەملەكەتتەردىڭ ءبارى بۇل ەڭ باستى ماسەلەلەلەردىڭ ءبىرى – مەملەكەتىك ءتىلدى سول كەزدە-اق، باياعىدا شەشىپ العان.
ءتىلىڭ بولسا عانا – تىرىلىگىڭ ايقىن، تىرلىگىڭ جارقىن! وتىز جىلعا جۋىق ۋاقىت كونستيتۋتسياداعى مەملەكەتتىك ءتىلدىڭ زاڭدى تورىنە شىعۋىنا، قوعامدىق-ساياسي الەمدە تولىق قولدانۋىنا توسقاۋىل – تەمىر تەجەگىش بولىپ كەلە جاتقان كونستيتۋتسيا مەن ءتىل تۋرالى زاڭدارىمىزداعى ورىس ءتىلى تۋرالى تارماقتاردى الىپ تاستاۋعا ءتيىسپىز. ويتكەنى، 7 باپتىڭ 1-ءشى تارماعى گاز بولسا، 2-ءشى تارماعى، ءيا، گازدى باسۋعا مۇرشا بەرمەيتىن تەمىر تەجەگىش. ءبىز، اسىرەسە، ۇلت زيالىلارى وسى سايلاۋدا پرەزيدەنتتىكتەن ۇمىتكەرلەردەن وسىنى تالاپ ەتۋىمىز كەرەك! ايتپەسە، ءبىزدىڭ ءتىلىمىزدىڭ تىرلىگى – باياعى برەجنەۆتىڭ توقىراۋ زامانىن كەلەكەلەگەن انەكدوتتاعىداي، «توقتاپ قالعان ترامۆايدى ءجۇرىپ كەلە جاتىر دەپ ويلاسىن، جولاۋشىلار، ورىندارىڭدا سەلكىلدەپ وتىرىڭدار»-دەگەندەي مۇشكىل اxۋال…
سايلاۋداعى ەڭ باستى ماسەلە – سايلاۋ تۋرالى زاڭىمىزعا الداعى پارلامەنت سايلاۋىنا دەيىن وزگەرىستەر ەنگىزۋگە ءتيىسپىز! ايتپەسە، قازىرگى سايلاۋ تۋرالى زاڭنىڭ كوپ كەمشىلىگى تالايدان بەرى ايتىلىپ كەلەدى. ويتكەنى، قازىرگى زاڭىمىز بويىنشا بيلىك كەز كەلگەن 5 جىل مەملەكەتتىك قىزمەتتە ىستەگەن ادامدى پرەزيدەنت ەتىپ وتكىزە الادى… ءتىپتى، مەملكەكەتتىك ءتىلدى بىلمەسە دە…. مىرزاتاي اعامىز تۇرعاندا مىڭق ەتپەۋگە دە بولادى…
سايلاۋ تۋرالى زاڭىمىز تۇزەلگەسىن، ەڭ باستى سايلاۋ – پارلامەنت سايلاۋىنا كۇش سالۋىمىز كەرەك! الاش ۇستانىمىن ۇستانىپ كەلە جاتقان «اق جول» پارتياسىنىڭ باستى تالاپتارىنىڭ ءبىرى -پارلامەنتاريزمدى دامىتۋ بولىپ تابىلادى.
بىراق، سايلاۋعا تۇسۋگە قۇقىمىز جوق بولسا دا، سايلاۋعا xاقىمىز بار، سوندىقتان ءوزىمىزدىڭ ازاماتتىق قۇقىمىزدى ورىنداپ، قالاعان ۇمىتكەرىمىزگە داۋىس بەرۋ پارىزىمىز.
قازاقستان پرەزيدەنتى قاسىم-جومارت توقاەۆتىڭ «پرەزيدەنت سايلاۋى ءادىل دە، اشىق، تازا وتەدى دەپ كەپىلدىك بەرەمىن»-دەگەن سەرتتى سوزىنە سەنىم بىلدىرە وتىرىپ، پرەزيدەنتتىككە ۇمىتكەرلەرگە اق جول تىلەيمىز!
قازىبەك يسا،
«اق جول» پارتياسى توراعاسىنىڭ ورىنباسارى
تۇپنۇسقا: Qazaquni.kz
Abai.kz
