ەلباسى نۇرسۇلتان ءابىشۇلى نازارباەۆتىڭ ۇسىنعان “پرەزيدەنتتىڭ بەس الەۋەمتتىك باستاماسى” اتتى حالىققا ۇندەۋى جاريالانعالى بەرى دە ءبىراز ۋاقىت ءوتتى. تيىسىنشە، سول ۋاقىت ارالىعىندا ەلباسى تاپسىرماسىنىڭ ورىندالۋى دا قارقىندى جۇرگىزىلىپ جاتىر. ماسەلەن، ۇندەۋدىڭ ءۇشىنشى باعىتى – “جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنت جاستاردىڭ جاتاقحاناداعى جاعدايىن جاقسارتۋ” دەپ اتالادى.

ەلباسىنىڭ وسى باستاماسىنان كەيىن ەلىمىزدەگى جوعارى وقۋ ورىندارىندا ءبىلىم الۋدىڭ بىرنەشە جەڭىلدىكتەرى قاراستىرىلدى. سوندا-اق، جاستار كوپ شوعارىلانعان الماتى سەكىلدى قالالاردا ستۋدەنت جاستارعا ارناپ جاتاقحانا قۇرىلىسى دا باستالىپ كەتكەن بولاتىن.

جالپى، پرەزيدەنتتىڭ اتالعان باستاماسىنداعى ءۇشىنشى باعىت تا ءار وڭىردە قارقىندى قولعا الىنعان. ماسەلەن، قىزىلوردا قالاسىنداعى “اقمەشىت” گۋمانيتارلىق-تەحنيكالىق ينستيتۋتى مەملەكەتتىڭ ءبىلىم سالاسىنا جاساپ وتىرعان قامقورلىعى نەگىزىندە دامىپ كەلە جاتىر.

مەملەكەتتىڭ 2016-2019 جىلدارعا ارنالعان ءبىلىم بەرۋ مەن عىلىمدى دامىتۋ باعدارلاماسى سىر وڭىرىندە قارقىندى جۇزەگە اسىپ كەلەدى. قىزىلوردا وبلىسىنىڭ اكىمى رۋسلان رۇستەموۆتىڭ ايتۋىنشا، مەملەكەتتىڭ قولداۋىنىڭ ارقاسىندا بۇگىندە سىر بويىنىڭ جاستارى حالىقارالىق، رەسپۋبليكالىق ءبىلىم سايىستارىندا ۇزدىك ناتيجەلەر كورسەتىپ ءجۇر. جانە، ەلباسى ايتقانداي، ءبىلىم الۋدىڭ قولجەتىمدى بولۋىنىڭ ناتيجەسىندە ءوڭىر جاستارى ۇلتتىق بىرىڭعاي تەستىلەۋدەن دە جاقسى دەڭگەي كورسەتكەن.

اكىم ورىنباسارىنىڭ سوزىنە سەنسەك، بۇگىندە قىزىلوردا وبلىسىنداعى ءبىلىم وشاقتارىنىڭ باسىم كوپشىلىگى ساندىق تەحنولوگياعا ەرەكشە بەت بۇرعان كورىنەدى. ياعني، سىر بويىنىڭ وقۋ وشاقتارى ءبىلىم ساپاسىن ارتتىرۋ ءۇشىن قازىر ينتەراكتيۆتى تاقتا مەن كارتا، اۆتوماتتاندىرىلعان كۇندەلىك جۇيەسى، ەلەكتروندى كىتاپ سىندى رەسۋرستار پايدالانادى. بۇل رەسۋرستارعا قوسىمشا بالالاردىڭ ۋاقىتى مەن  شىعىنىن ۇنەمدەۋ ءۇشىن قوسىمشا تەحنولوگيا دا ەنگىزىلمەك. ال، وڭىردە جاقىن ارادا STEM جۇيەسى بويىنشا جۇمىس ىستەيتىن روبوتوتەحنيكا جانە IT سىنىپتارى قولدانىسقا بەرىلگەن.

ەلباسىمىزدىڭ تاپسىرماسىنا سايكەس، قىزىلوردا جاستارىنىڭ شەت ەلدە ءبىلىم الۋىنا دا ايرىقشا قولداۋ جاسالعان. ولاردىڭ ىشىندە ماسكەۋدىڭ قازان قالاسىنداعى “يننوپوليس” ۋنيۆەرسيتەتىمەن جاسالعان كەلىسىم نەگىزىندە وقىپ جاتقان جاستار بارشىلىق. ال، قازىردە ماسكەۋدىڭ “سكولكوۆو” يننوۆاتسيالىق ءبىلىم ورتالىعىمەن كەلىسىم جاسالىپ جاتقان كورىنەدى.

ال، قىزىلوردا وبلىسى بويىنشا سوڭعى بەس جىل ىشىندە 63 ءبىلىم بەرۋ وشاعى سالىنعان. سونداي-اق، وڭىردەگى كوللەدجدەردىڭ 80 پايىزى ءدۋالدى جۇيەگە كوشكەن.

جاستاردىڭ ءبىلىم الۋ قولجەتىمدىلىگىن ارتتىرۋ ماقساتىندا وسى ۋاقىتقا دەيىن مەملەكەت تاراپىنان بىرنەشە باعدارلامالار قابىلدانعان بولاتىن. ول جوبالار ءوز كەزەگىندە جاستاردىڭ ىلىممەن عانا ەمەس، الەۋمەتتىك جاعدايىنا دا وڭ اسەر ەتكەن پايدالى جوبا بولدى. سىر وڭىرىندەگى بەلسەندى جاستاردىڭ ءبىرى ايدانانىڭ ايتۋىنشا، مەملەكەتتىڭ ءبىلىم سالاسىندا جۇرگەن جاستارعا دەگەن قامقورلىعى ەرەكشە. وعان مەملەكەت تاراپىنان باستاۋ العان “ديپلوممەن اۋىلعا”، “اۋىل جاستارى”، “جاستار كدرلىق رەزەرۆى” سياقتى بىرنەشە ءتيىمدى باعدارلامالار دالەل بولاتىن كورىنەدى.

بۇگىندە ايدانانىڭ ءوزى دە Nur-Otan پارتياسىنىڭ “English for Jastar” جوباسى بويىنشا، اۋىل مەكتەبىندە بالالاردىڭ اعىلشىن ءتىلىن مەڭگەرۋىنە ىقپال ەتىپ ءجۇر.

ەلباسىنىڭ باستاماسىمەن جاسالىپ جاتقان وسىنداي ىرگەلى جۇمىستار جاستاردىڭ ەرتەڭگە دەگەن نىق سەنىمىن قالىپتاستىرادى. ويتكەنى، بۇگىنگىدەي وركەنيەتكە ۇمتىلعان قازاق قوعامىندا ءبىلىمنىڭ ماڭىزى زور. سوندىقتان، ءوڭىر باسىشالىر ۇرپاق الدىنداعى وسى جاۋاپكەرشىلىكتى تەرەڭ سەنىزىپ، ەلباسىنىڭ ۇندەۋىندە كورسەتىلگەن ناقتى تاپسىرمالاردى ورىنداۋدا بەلسەندىلىك تانىتۋى ءتيىس. ال، بۇل ۇدەدەن شىعۋ بارلىق ءوڭىر اتقامىنەرلەرىنە ۇلكەن جاۋاپكەرشىلىك جۇكتەيدى.

Abai.kz