ەكى جىل بۇرىن تۇڭعىش پرەزيدەنت نۇرسۇلتان نازارباەۆتىڭ تاپسىرماسى بويىنشا الماتىنىڭ ورتالىعىندا اشارشىلىق قۇرباندارىنا ەسكەرتكىش اشىلىپ، وندا قازاق حالقىنىڭ اۋىر قايعىسى ابدەن السىرەگەن بالاسىن كەۋدەسىنە قىسقان انا بەينەسى ارقىلى كورسەتىلگەن ەدى. بۇگىن الماتىلىقتار قاراعايلى سكۆەرىنە كەلىپ، 1931-1933 جىلعى اشارشىلىق قۇرباندارىنا تاعزىم ەتىپ، ەسكەرتكىشكە گۇل شوقتارىن قويدى.

الماتى اكىمى باۋىرجان بايبەك ەل تاريحىنا كوز جۇگىرتسەك، ۇلت باسىنا كۇن تۋعان اۋىر دا الماعايىپ كەزەڭدەردىڭ از بولماعانىن، بىراق قازاق حالقىنىڭ بولاشاققا دەگەن ءۇمىتى مەن سەنىمىن ەشقاشان جوعالتپاعانىن اتاپ ءوتتى.

«ءبىز ەلباسى ايتقانداي، تاريحقا ءجىتى كوزبەن قاراپ، وتكەندى ۇمىتپاۋىمىز وسىنداي ناۋبەتتىڭ قايتالانباۋى ءۇشىن قاجەت. حالىقتىڭ قاسىرەتتى كەزەڭدەرى əردايىم ەلدىڭ جادىندا بولۋى ءتيىس. بۇل رەتتە تۇتاس ۇلتتى جويىپ جىبەرە جازداعان اشارشىلىق ەشقاشان ۇمىتىلماق ەمەس. بۇگىنگى قازاقستان - حالىقتىڭ بىرلىگى مەن كەلىسىمىن جانە بەيبىت ءومىردى باعا جەتپەس قۇندىلىققا باعالاعان ەل. حالىق ايتپاقشى، «جۇمىلا كوتەرگەن جۇك جەڭىل». مۇنداي ناۋبەت ەشقاشان قايتالانباسىن. قاشاندا ەلىمىزدىڭ ىرگەسى بەرىك، بولاشاعى جارقىن بولسىن»، - دەپ اتاپ ءوتتى باۋىرجان بايبەك.

قازاقستاندا 1918-1933 جىلدار ارالىعىندا ءتۇرلى مالىمەتتەر بويىنشا ءۇش ميلليوننان استام ادام قازا تاپقان، ونىڭ ىشىندە 1931-1933 جىلدارى 1,7 ميلليون ادام كوز جۇمعان. 100 مىڭنان استام قازاقستاندىق 1937-1938 جىلدارعى رەپرەسسيا قۇربانى بولعان. 1997 جىلى قازاقستان رەسپۋبليكاسىنىڭ تۇڭعىش پرەزيدەنتىنىڭ جارلىعىمەن 31 مامىر ساياسي قۇعىن-سۇرگىن قۇرباندارىن ەسكە الۋ كۇنى بولىپ جاريالاندى.

Abai.kz