قازاقستان ءماجىلىسىنىڭ سپيكەرى نۇرلان زايروللاۇلى وزبەكستانعا رەسمي ءىس-ساپارمەن باردى. ساپار اياسىندا وزبەكستاننىڭ نەگىزگى زاڭ شىعارۋشى پالاتاسى سانالاتىن ولي ءماجىلىستىڭ سپيكەرى نۋردينجون يسمويلوۆپەن كەزدەسىپ، ەكىجاقتى قارىم-قاتىناستار جاعدايىن تالقىلادى. 

قازاقستان دا، وزبەكستان دا ورتالىق ازياداعى كوشباسشى مەملەكەتتەر سانالادى. كەڭەس ۇكىمەتى ىدىراپ، بۇرىنعى وداقتاس ەلدەر تاۋەلسىزدىك العان توقسانىنشى جىلداردان بەرى قازاق-وزبەك قارىم-قاتىناستارى جاڭاشا سيپاتتا ورناي باستادى. ءسوزىمىز سۇيىق شىقپاس ءۇشىن ايتايىق، قازاقستان مەن وزبەكستان اراسىنداعى ىنتىماقتاستىقتى ورناتۋعا باعىتتالعان العاشقى كەلىسىم 1992 جىلدىڭ ماۋسىمىندا قابىلدانعان. وسى 27 جىلدىڭ ىشىندە مەملەكەتتەر اراسىنداعى بايلانىس ۇزىلگەن ەمەس.

ءتىپتى، مەملەكەتارالىق ىنتىماقتاستىقتى قايتا جانداندىرۋ ماقساتىندا 2013 جىلى وزبەكستان پرەزيدەنتى شاۆكات ميرزيەەۆ ارنايى استاناعا كەلگەن. قازاقستان مەن وزبەكستان اراسىنداعى ەكونوميكالىق ءوام مادەني بايلانىستار جولعا قويىلعان.

وسى جولعا ساپار بارىسىندا قازاق-وزبەك دوستىعىن تىلگە تيەك ەتكەن ءماجىلىس سپيكەرى نۇرلان نىعماتۋلين مەملەەتارالىق قارىم-قاتىناستاردى ودان ءارى دامىتۋ جايىن ءسوز ەتتى.

ء"ماجىلىس دەلەگاتسياسىنىڭ ساپارى ستراتەگيالىق ارىپتەستىك پەن تاتۋ كورشىلىك قارىم-قاتىناستاردىڭ دامىپ كەلە جاتقانىن تاعى ءبىر رەت دالەلدەي تۇسەدى", - دەدى نۇرلان نىعماتۋلين.

وزبەكستان ءماجليسى سپيكەرى نۋردينجون يسمويلوۆ قازاقستان-وزبەكستان ىنتىماقتاستىعىن ورناتۋداعى پرەزيدەنت نۇرسۇلتان نازارباەۆتىڭ ءرولىن اتاپ ءوتتى.

"قازاقستان الەمدەگى تاريح پەن مادەنيەتكە باي ەلدەردىڭ ءبىرى سانالادى. ءبىز تۇڭعىش پرەزيدەنتى نۇرسۇلتان نازارباەۆتىڭ باسشىلىعىمەن جەتكەن قازاقستاننىڭ تابىستارىنا قۋانىشتىمىز. ءسىزدىڭ ەلباسى بۇكىل ءومىرىن قازاقستاندىقاتردىڭ يگىلىگىنە ارناپ كەلەدى", – دەدى.

ءماجىلىس سپيكەرى نىعماتۋلين وزبەكستاندا قولعا الىنىپ جاتقان كەلەلى رەفورمالاردى جۇزىگە اسىرۋ مەن زاڭدىق تۇرعىدان قامتاماسىز ەتۋدەگى دەپۋتاتتاردىڭ جۇمىسىنا توقتالدى. سونداي-اق، دەپۋتاتتىق كورپۋستار اراسىندا تاجىربيە الماسۋ تۋرالى ۇسىنىسىن جەتكىزدى.

ءماجىلىس توراعاسى نۇرلان نىعماتۋلين ءوزىنىڭ وزبەكستاندىق ارىپتەستەرىن نۇر-سۇلتان قالاسىندا وتەتىن «ۇلكەن ەۋرازيا: ديالوگ. سەنىم. سەرىكتەستىك» اتتى  ەۋرازيا ەلدەرى پارلامەنتتەرى توراعالارىنىڭ IV كەڭەسىنە قاتىسۋعا شاقىردى.

Abai.kz