قاسىم-جومارت توقاەۆ قازاقستان رەسپۋبليكاسى پرەزيدەنتى سايلاۋىنىڭ قورىتىندىلارى بويىنشا وتاندىق جانە شەتەلدىك جۋرناليستەر ءۇشىن ءباسپاسوز كونفەرەنتسياسىن وتكىزدى.

مەملەكەت باسشىسى بۇقارالىق اقپارات قۇرالدارى وكىلدەرىنىڭ سۇراقتارىنا جاۋاپ بەرە وتىرىپ، سايلاۋدىڭ جوعارى دەڭگەيدە، اشىق ءارى ءادىل وتكەنىن اتاپ ءوتتى. ونىڭ ايتۋىنشا، سايلاۋ ۇدەرىسىن 1000-نان استام حالىقارالىق ميسسيالاردىڭ وكىلدەرى، سونداي-اق، 40-تان استام ەلدەن كەلگەن 350-گە جۋىق جۋرناليست باقىلادى.

ءباسپاسوز كونفەرەنتسياسىنا 66, سونىڭ ىشىندە 22 شەتەلدىك بۇقارالىق اقپارات قۇرالدارىنىڭ اتىنان 107 ءتىلشى قاتىستى. وتكەن پرەزيدەنت سايلاۋىنا، قازاقستان رەسپۋبليكاسىنىڭ ىشكى جانە سىرتقى ساياساتىنا قاتىستى قاسىم-جومارت توقاەۆقا 30-عا جۋىق سۇراق قويىلدى. سونىڭ ىشىندە، مەملەكەت باسشىسى جەكە ماسەلەلەرگە بايلانىستى بىرقاتار ساۋالعا جاۋاپ بەردى.

سوڭىندا قازاقستان پرەزيدەنتى سايلاۋ ۇدەرىسىن جاريالاپ كورسەتۋگە جانە ونىڭ اشىق ءوتۋىن قامتاماسىز ەتۋگە قوسقان ۇلەسى ءۇشىن جۋرناليستەردىڭ بارىنە ريزاشىلىق ءبىلدىرىپ، وسىنداي كەزدەسۋلەردىڭ داستۇرگە اينالاتىنىن ايتتى.

Abai.kz