2019 جىلىعى 14 ماۋسىم كۇنى ساعات 11.00-دە قىزىلوردا وبلىستىق تاريحي-ولكەتانۋ مۋزەيىندە قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ «ن. نازارباەۆ: ءداۋىر، تۇلعا، قوعام» اتتى كوشپەلى كورمە جوباسىنىڭ جابىلۋ سالتاناتى ءوتتى.

كورمەنىڭ جابىلۋ سالتاناتىنا قىزىلوردا وبلىسىنىڭ اكىمى ق.ە.كوشەرباەۆ، قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ ديرەكتورى ءا.م.راحىمجانوۆ، زيالى قاۋىم وكىلدەرى، قالا تۇرعىندارى مەن ستۋدەنت جاستار، مادەنيەت سالاسىنىڭ قىزمەتكەرلەرى قاتىستى.

كورمەنىڭ باستى ماقساتى – قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.ءا. نازارباەۆتىڭ تاۋەلسىز قازاقستاننىڭ تاعدىرىنداعى ءبىرىزدى تولىق ءرولىن كورسەتۋ، ەلباسىنىڭ سارابدال ساياساتىنىڭ ارقاسىندا جۇزەگە اسقان جاس مەملەكەتىمىزىدىڭ الەم الدىندا بەدەلىنىڭ ارتۋىن جان-جاقتى ناسيحاتتاۋ.

قىزىلوردا جۇرتشىلىعىنىڭ نازارىنا ەلباسى كىتاپحاناسىنىڭ ارحيۆ، كىتاپحانا، مۋزەي قورلارىنىڭ ماتەريالدارى، ن.ءا.نازارباەۆتىڭ جوعارى مەملەكەتتىك ماراپاتتارىنىڭ بىرەگەي جيناعى، مەملەكەت باسشىلارى جانە قازاقستاندىق اۆتورلار تارتۋ ەتكەن قولتاڭباسى بار كىتاپتار، سونىمەن قاتار ن. ءا. نازارباەۆتىڭ شەت تىلدەرگە اۋدارىلعان ەڭبەكتەرى ۇسىنىلدى.

كوشپەلى كورمە جوباسىنىڭ جابىلۋ سالتاناتىنا ارنايى ەلوردامىز نۇر-سۇلتان قالاسىنان قازاقستان رەسپۋبليكاسىنىڭ تۇڭعىش پرەزيدەنتى — ەلباسى كىتاپحاناسىنىڭ ديرەكتورى راحىمجانوۆ ءامىرحان مۇراتبەكۇلى قاتىسادى.

شاراعا قاتىساتىن  ەلباسى تۋرالى جان-جاقتى مالىمەت بەرىپ، ەڭ قۇندى جادىگەرلەر مەن زاتتاردى اكەلىپ تانىستىرىپ، حالىققا ۇسىنعان، ەلباسىمىزدىڭ ءومىر جولىن، ەڭبەك جولىن ۇلىقتاپ جۇرگەن كىتاپحانا جۇمىسى جايلى جىلى لەبىزدەرىن بىلدۋرگە وبلىس باسشىلارى، قالا تۇرعىندارى مەن زيالى قاۋىم وكىلدەرى  دە بار.

اتالمىش كوشپەلى كورمە جوباسى اياسىندا «رۋحاني جاڭعىرۋ» ورتالىعىندا مۋزەي سالاسىنىڭ ماماندارىمەن «مۋزەي سالاسىنداعى اقپاراتتاندىرۋ» اتتى سەمينار، «اشىق كەڭىستىك» فورماتىندا «ەلباسى كىتاپحاناسىنىڭ اقپاراتتىق رەسۋرستارى» اتتى ايماقتىق كاسىبي سەسسياسى وتكىزىلدى. سونداي-اق، شيەلى، قارماقشى اۋداندارى تۇرعىندارى ءۇشىن «تۇڭعىش» ەكسكۋرسيالىق تۇجىرىمداماسىنىڭ اياسىندا «تاريحي تاڭداۋ» عىلىمي-ەكسپوزيتسيالىق جوباسىنىڭ كوشپەلى ەكسكۋرسياسى ۇيىمداستىرىلدى. عىلىمي-ءبىلىم بەرۋ جانە مادەني-اعارتۋ شارالارى نەگىزىندە بايقوڭىر قالاسىنداعى №277 مەكتەپ-ليتسەيىندە قالا تۇرعىندارى جانە ستۋدەنتتەر، وقۋشىلارمەن كەزدەسۋ وتكىزىلىپ، قىزىلوردا وبلىسىنىڭ جاس سۋرەتشىلەرىنىڭ ەرەكشە تۋىندىلار توپتاماسىنان كورمە ۇيىمداستىرىلدى.

ەلباسى كىتاپحاناسى ۇسىنعان «ن.نازارباەۆ: ءداۋىر، تۇلعا، قوعام» اتتى كوشپەلى قور كورمەسىن ەكى اي مەرزىمدە 130 مىڭنان اسا ادام تاماشالادى. كەلۋشىلەر اراسىندا شەتەلدىكتەر دە بولدى. كورمە سىر جۇرتشىلىعىنىڭ ىقىلاسىنا بولەنىپ، كەلۋشىلەر ريزاشىلىقتارىن ءبىلدىردى. سونىمەن قاتار، كەلۋشىلەر كورمەنىڭ جوعارى دەڭگەيدە ۇيىمداستىرىلعانىن، ەكسپوزيتسيالاردىڭ زاماناۋي ينتەراكتيۆتى تەحنولوگيالارمەن جابدىقتالعانىن، ەكسكۋرسيا جۇرگىزۋشىلەردىڭ ماتەريالدى اسەرلى ءارى قىزىقتى بايانداعانىن اتاپ ءوتتى. اتالمىش كورمە ءوڭىردىڭ مادەني ومىرىنە ەرەكشە سەرپىلىس بەردى.

قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى;

قىزىلوردا وبلىسىنىڭ مادەنيەت، ارحيۆتەر جانە قۇجاتتاما باسقارماسى;

قىزىلوردا وبلىسىتىق تاريحي-ولكەتانۋ مۋزەيى.

Abai.kz